Taagapati 18:23 - Tosi Tapu

²³ E masau le tagata mativa o kolekole, Kae tali fakamakeke le tagata mou koloa.

Taagapati 18:23 Iomraidhean Croise

Senesi 42:30

Ko le tagata leia e kovana i le fenua na masau makeke mai kia matou, ti na pati a ia ko ni tagata kaka matou.

Senesi 42:7

Na tio loa Sosefo ki ona fetaina, ti na iloa loa e ia latou. Kae na fai loa a ia kia latou pe se nea kese, ti na masau makeke loa a ia kia latou, o pati : E kotou au meifea ? Na lotou tali loa : E motou au mei le fenua o Kanaane, o totogi nea kai.

Uluaki tosi o Sau 12:13

Na tali fakamakeke loa le sau ki le kakai. Na tiaki loa e ia le tokoi leia na soli ake kiate ia e le kau matua,

Lua tosi o Koloniko 10:13

Na tali fakamakeke loa le sau kia latou. Na tiaki loa e le sau ko Lopoamo le tokoi a le kau matua,

Sopo 41:3

E kau toe fia masau ki ona koga tino, Mo lona makeke, mo le fulumalie o lona fau.

Ekesote 5:2

Na tali loa Falaone : Ko ai le Eteleno ke kau fakalogo ki lona leo, ti ke kau tuku ke ano Iselaele ? E leaise kau iloa fua le Eteleno, ti e leaise kau tuku loa ke ano Iselaele.

Taagapati 19:7

E vesia fetaina fuli o le tagata mativa kiate ia ; Ti e asilisili fakamamao ona kaukau nea iate ia ! E fakakolekole a ia kia latou, kae e lotou sosola o pupuli.

Taagapati 22:7

E pule le tagata mou koloa ki le kau mativa, Ti ko leia e too maua e popula ki leia na too maua ai.

Esaia 66:2

Ko nea fuli ana, ko loku lima leia na fai ia latou, Ti ko nea fuli a aku, e pati le Eteleno. Kae ko leinei leia e tio loa ki ai oku mata : Ki leia e mamae ti mo leia e loto fakasemala maoki, Ki leia e i ki laku folafola.

Mateo 5:3

Manuia latou ala e mativa i le loto, talie e fakalogo kia latou le Puleaga o le atu lagi.

Sakopo 2:3

ti kapau e kotou mafuli o tio ki leia e teu ki le teu fulumalie, o pati kiate ia : ko koe, nofo a koe i leinei i le nofoaga malie ! Ti kapau e kotou pati ki le mativa : ko koe, tuu a koe i aluga i leia ! pe : nofo a koe i lalo o loku tekiaga vae !

Sakopo 2:6

Kae ko koutou, e kotou fakamamae le mativa ! Pe leaise ko le kau mou koloa leia e fakavelivelii ia koutou ti mo ave ia koutou ki telepinale ?

Lute 2:7

Na pati mai a ia kiate au : Fakataga mai kiate au ke kau taetae fulumeto i muli o le kau tuuti fulumeto, i vasa o fui fulumeto. Ti e talu mei le usu, mei lana kaku mai, mo lana tuu i aluga o kaku mai ki le lakaga nei, ti na ano tua tasi a ia ki fale, o manavanava i se ga temi ikiiki.

Uluaki tosi a Samuele 2:36

Ti ko leia e toe loa i lou fale, e au loa o tulolo i ona mua ke maua ai sana fa piesi paaga mo sana ga pane, ti e pati loa a ia : E kau kolekole atu kiate koe ke ke sai au ki se gaoi i le tuulaga fakapelepitelo, ke kau maua ai se ga pane ke kai.

Uluaki tosi a Samuele 25:10

Na tali loa Napale ki tagata fakasausau a Tavite : Ko ai ko Tavite, ti ko ai ko le vosa o Isaia ? Kua mauke a tagata fakasausau i le temi nei ala e sosola mei olatou pule.

Uluaki tosi a Samuele 25:17

Ko leinei, ke ke iloa le nea lena, ti ke ke tio pe kolea le nea leia e tonu ke fai, talie kua fakapapau le maumaui o lomatou pule mo lona fale katoa, ti kua lasi ai lona agaveli, ku se toa ke toe masau kiate ia.