Taagapati 18:12 - Tosi Tapu

¹² I mua o le maumau, e malaga ki aluga le loto o le tagata ; Kae e muamua le fakataulalo i le kololia.

Taagapati 18:12 Iomraidhean Croise

Uluaki tosi o Sau 3:7

I le lakaga nei, ei Eteleno, loku Atua, kua ke tuku ke pule lau tagata fakasausau, o fetogi Tavite, loku tamana ; ti ko se toe au, e leaise kau iloa pe feaki le pule.

Taagapati 11:2

Ka soko le fia nealasi, ti e toe soko foki mo le luma ; Kae e nofo le poto i le agamalu.

Taagapati 15:33

Ko le i ki le Eteleno e ako ia le poto, Ti e muamua le fakataulalo i le kololia.

Taagapati 16:18

E muamua le fia nealasi i le maumau, Ti ko le loto fia masiki i le siga.

Taagapati 29:23

Ko le fia nealasi o se tagata e tuku ia a ia ki lalo, Kae ko leia e loto fakataulalo e maua ia le kololia.

Esekiele 28:2

Vosa o le tagata, pati ki le sau o Tile : E folafola le Aliki, le Eteleno, o pati : Kua malaga ki aluga lou loto, ti kua ke pati : E kau Atua, E kau ekeeke i le ekeekeaga o le Atua, i le manava o atu tai ! Ko koe, e ke tagata kae e leaise ke Atua, Ti e ke too lou finegalo ki le finegalo o le Atua.

Esekiele 28:9

Pe ke pati loa i mua o le tagata leia e tamate ia loa a koe : E kau Atua ? E ke tagata loa kae e leaise ke Atua, I le lima o leia e tamate ia loa a koe.

Esekiele 29:9

Ti e lavaki loa mo vaoa le fenua o Esipito. Ti e lotou iloa loa ko au ko le Eteleno, Talie na pati a ia : Ko le vaitafe a aku, ko au leia na fakatupu ia a ia !

Taniela 9:20

Na kau toe masau, na kau faikole, ti na kau kofesio aku agasala mo agasala o loku kakai ko Iselaele, ti na kau fai aku tagi ki le Eteleno, loku Atua, o uiga mo le mauga maokioki o loku Atua ;

Taniela 9:23

I lau kamata faikole, na kaku mai loa le folafola, ti kua kau au o fakasa atu a ia kiate koe ; talie ko koe ko se tagata alofaina. Tokaga ki le folafola, ti mo ke matala ki le tio !

Luka 14:11

Talie ko leia e fia taualuga e tuku loa a ia ki lalo, ti ko leia e fakataulalo e siki loa a ia ki aluga.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.