Taagapati 18:10 - Tosi Tapu

¹⁰ Ko le suafa o le Eteleno ko se tule makeke ; E sola ki ai le tagata agatonu, ti e maua e ia se fimalie.

Taagapati 18:10 Iomraidhean Croise

Senesi 17:1

I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Senesi 32:11

E kau kole atu kiate koe, ke ke fakamauli au mei loku taina ko Esau, talie e kau i kiate ia, ti e kau mamae na au loa a ia o tamate au, mo fafine, mo toe.

Lua tosi a Samuele 22:2

Na pati loa ia : Ko le Eteleno ko loku utu, loku kolo tau, loku fakamauli.

Lua tosi a Samuele 22:3

Ko le Atua ko loku utu, leia e kau maua ai se fakamalumaluaga, Ko loku paletau mo le makeke leia e saofaki ia au, Ko loku maloloaga taualuga mo loku kolo ulufaga. Ei loku Fakamauli ! e ke puipui au mei le fakamakeke.

Lua tosi a Samuele 22:51

E soli e ia ni saofaki lalasi ki lona sau, Ti e fakasa e ia lona manava alofa ki lona filifiliia, Kia Tavite, mo lona sakoga, o lee gato.

Pesalemo 144:2

Mo loku malieaga mo loku kolo tau, Ko loku maloloaga taualuga mo loku fakamauli, Ko loku paletau, leia ko loku ulufaga, Leia na tuku ia kiate au loku kakai !

Pesalemo 18:2

E kau alofa kiate koe, Eteleno, loku makeke !

Pesalemo 20:2

Ke tali a koe e le Eteleno i le aso o le mamae ! Ke puipui a koe e le suafa o le Atua o Sakopo !

Pesalemo 27:1

Pesalemo a Tavite. Ko loku malama mo loku fakamauli ko le Eteleno : Ko ai e kau i loa ki ia ? Ko le tokoi o loku mauli ko le Eteleno : kolea e kau tuania loa ki ia ?

Pesalemo 91:14

O tupu e alofa a ia kiate au, e kau fakamauli loa a ia ; E kau puipui loa a ia, talie e iloa e ia loku suafa.

Pesalemo 91:2

E kau pati ki le Eteleno : Loku ulufaga mo loku kolo tau, Loku Atua leia e kau fanaki ki ai !

Ekesote 6:3

Na kau fakasa au kia Apalaamo, mo Isaake mo Sakopo, i loku igoa leia ko le Atua Mafimafi ; kae na leaise lotou iloa au i loku igoa leia ko le Eteleno.

Taagapati 14:26

Ko leia e i ki le Eteleno e maua ia se fanakiaga makeke, Ti e maua e ana fanau se mumuniaga i ona tafa.

Taagapati 29:25

Ko le i ki tagata ko se masele, Kae ko leia e fanaki ki le Eteleno e puipui a ia.

Esaia 26:4

Kotou fanaki tuumau ki le Eteleno, Talie ko le Eteleno, ko le Eteleno ko le utu o sekulo.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Selemia 23:6

I lona temi, e fakamauli loa a Suta, E maua loa e Iselaele le fimalie i lona nofoaga ; Ti ko leinei le igoa leia e fakaigoa loa a ia ki ai : Le Eteleno lomatou faitotonu.

Apakuki 3:19

Ko le Eteleno, le Aliki, ko loku makekeaga ; E fakaliliu e ia oku vae ofaipe la o tia fafine, ti E fakasaele e ia au i oku potu taualuga. Ki le pule o kau sua. Ki ni nea faimusika va.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Apokalipisi 1:8

E pati le Aliki Atua, ko au ko le alefa mo le omeka, leia e agai, leia na agai, leia e au, le Mafimafi.

Uluaki tosi a Samuele 17:45

Na pati loa Tavite ki le Filisitini : E ke saele mai kiate au mo le seleta, mo le tao, mo le savelo ; kae ko au, e kau saele atu kiate koe i le suafa o le Eteleno o kau tau, o le Atua o le kau solia a Iselaele, leia na ke lauveli ki ai.

Uluaki tosi a Samuele 30:6

Na mamae lasi ai Tavite, talie na masau le kakai ke tuki fatui a ia, talie na kona lasi ai loto o le kakai, o tupu ko olatou vosa mo olatou taineliki taki tasi. Kae na toe loto makeke Tavite i lana fanaki ki le Eteleno, lona Atua.