Taagapati 17:3 - Tosi Tapu

³ E asiasii le aulo mo le siliva i le kulo saka ukamea, Kae ko leia e asiasii ia a loto, ko le Eteleno.

Taagapati 17:3 Iomraidhean Croise

Uluaki tosi o Koloniko 29:17

E kau iloa foki, ei loku Atua, e ke oono a loto, ti e ke alofa ki le loto leia e sako ; koia kua kau fai ai a moliga fuli anei kiate koe mo se loto sako ; ti kua kau tio fakafiafia i le lakaga nei ki lou kakai leinei, talie kua soli atu e ia kiate koe ana moliga mo se loto malie.

Sopo 23:10

Kae e iloa malie e ia le ala leia na kau ano ai ; Kua asiasii e ia au, kae kau mavae loa mei ai kua kau mea ofaipe le aulo.

Sopo 28:1

E maua ke i ai se lameni leia ke too mei ai le paaga, Ti mo se ganea leia ke too mei ai le aulo o fakamea.

Pesalemo 139:23

Ke ke tilo au, ei Atua, ti ke ke iloa loku loto ! Ke ke asiasii au, ti ke ke iloa aku manatu !

Pesalemo 26:2

Ke ke tilo au, ei Eteleno, ke ke asiasii au ; Ke ke tuku oku ifiifi mo loku loto ki le kulo saka ukamea !

Pesalemo 66:10

Talie na ke asiasii matou, ei Atua ! Na ke tuku matou ke fakalaka i le kulo saka ukamea ofaipe le siliva.

Taagapati 15:11

E tuu i mua o le Eteleno le nofoaga o le kau mate mo le vanu loloto ; Kae e feaki ake loa a loto o vosa o le tagata !

Taagapati 16:2

E mea ala fuli o le tagata ki ona mata, Kae e fakamaau e le Eteleno a manatu o le loto.

Taagapati 17:2

Ko se tagata fakasausau poto e pule ki le vosa leia e fakalumaluma, Ti e kau loa a ia i le tofiga i loto malie o fetaina.

Taagapati 21:2

E sako a ala fuli o le tagata ki ona mata ; Kae ko leia e fuafua ia le mamafa o loto ko le Eteleno.

Taagapati 27:21

Ko le kulo saka ukamea ki le siliva, ti ko le gutuumu ki le aulo ; Kae e iloa se tagata i lona logologona.

Esaia 48:10

Na kau tuku a koe ki le gutuumu kaka, kae na leaise ko le gutuumu leia e fakamea ai le paaga ; Na kau asiasii a koe i le gutuumu o le mamae.

Selemia 17:10

Ko au, le Eteleno, e kau tio o kaku ki le mafu, ti e kau iloa a manatu fakapulipuli o le laumalie, Ke tuku ki le tagata taki tasi o mulimuli ki ona ala, O mulimuli ki le fua o ana gaoi.

Esekiele 22:18

Vosa o le tagata, kua liliu le fale o Iselaele kiate au ofaipe ni sikoli. Kua lotou tatau mo le siliva, mo le kapa, mo le etani, mo le ukamea, mo le pulu, ala e tuku ki le gutuumu kaka ke fakamea i ai.

Taniela 11:35

Ti e mamate loa ni iki o le kau poto, o tupu ke fakamea latou, mo fakagigila, mo fakatea, o kaku ki le temi o le fakaoki, talie koi soko loa a ia i lona temi leia kua fakatotonu ki ai.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Tetelonome 8:16

leia na fagai ia a koe i le toafa ki le mane leia na leaise iloa e ou tamana, o tupu ke fakamamae ai a koe mo asiasii ai a koe, talie ke fai kiate koe se nea leia e malie loa ki muli.

Tetelonome 8:2

Ke ke manatui le ala katoa leia na taki ai a koe e le Eteleno, lou Atua, i fetuu ana e kau fa i le toafa, ke fakamamae ai a koe, ti ke asiasii ai a koe, ti ke iloa ai a anoaga o lou loto, pe ke tausi loa pe leai ana folafola.

Uluaki tosi a Petelo 1:7

o tupu ke asiasii lakoutou tui, leia e mauiga ake i le aulo popo (leia foki e tonu ke asiasii e le afi), ti ke kotou maua loa le fakavikiviki, mo le kololia, ti mo le fakamauiga mo ka sa loa Sesu-Kilisito.

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.