Taagapati 17:23 - Tosi Tapu

²³ Ko le tagata agaveli e tali fakafufu ia ni nea alofa Ke fetogi ai a ala o le faitotonu.

Taagapati 17:23 Iomraidhean Croise

Ekesote 23:8

Aua na ke tali loa se nea alofa leia e soli atu kiate koe, talie e fakakivi e le nea alofa a mata o latou ala e alaala, ti e lotou fakakelekele ia a masau a latou ala e faitotonu.

Taagapati 17:8

E tatau nea alofa mo se fatu mauiga ki mata o leia e maua ia a ia ; I potu fuli e maliu ki ai e manuia a ia.

Taagapati 18:16

Ko nea alofa a se tagata e fakalaulasi ia le ala kiate ia, Ti e fakamavaa ia kiate ia le ala ki tafa o le kau lalasi.

Taagapati 21:14

Ko se nea alofa leia e fai fakafufu e fakafimalie ia le ita, Ti ko se moliga leia e fai fakafufu e fakafimalie ia le ita veli.

Ekelesiasi 7:7

E fakaliliu e le fakamakeke le tagata poto o valea, ti e fakaliliu e nea alofa le loto o veli.

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esaia 5:23

Kia latou ala e fakatonu ia leia e sala ki se nea alofa, Kae e fakalakasala ia latou e saosaoa !

Esekiele 22:12

Kua tali i lou fale ni nea alofa ke liligi ai le toto ; ti kua ke fakamaua fakavale se tupu o lau paaga, mo se tupu o lau nea gaoi, ti kua ke kaia fakamakeke lou oloi, kae ko au, kua ke galoi au, e pati le Aliki, le Eteleno.

Esekiele 22:27

Kua fai ona pule pe ni lupo i loto malie o ona, ala e sae ia lalatou nea kai ; kua lotou liligi le toto, ti kua lotou tukipooi a laumalie, o tupu ke fakamakona ai lolatou manumanu koloa.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Mikea 3:9

Koia, pule o le fale o Sakopo, mo aliki o le fale o Iselaele, Kotou fakalogo malie mai ki le nea leinei, Koutou ala e vesia ki le faitotonu, Ti e pikopikoi ia le nea leia e totonu,

Mikea 7:3

Kua poto olatou lima i le fai o le veli : Kua fakamakeke e le aliki ni nea alofa, Kua fakamaua e le tui fakamaau se totogi, Kua fakasa e le tagata lasi lona manumanu, Ti kua lotou kau fakatasi fuli latou ana.

Tetelonome 16:19

Ke aua na ke fakasala ia loa le fakamaau, ke aua na ke tio loa ki le tagata, ti ke aua na ke tali loa se moliga, talie e fakakivi e moliga a mata o le kau poto ti e lotou fakasalasala ia loa a masau a le kau agatonu.

Uluaki tosi a Samuele 12:3

Ko leinei au ! Ke kotou fakamaoki mai kiate au i mua o le Eteleno, mo mua o lona filifiliia. Ko ai leia na kau too ia lana pipi ti ko ai leia na kau too ia lana asino ? Ko ai leia na kau kakaai ti ko ai leia na kau fai fakaveliveli ? Ko ai leia na kau tali mei ai se nea alofa ke tapono ai oku mata kiate ia ? E kau toe fakaliliu loa a ia kiate ia.

Uluaki tosi a Samuele 8:3

Na leaise saele loa a vosa o Samuele i ona ala ; na la manumanu koloa loa, o la tali loa ni nea alofa ti na la maumaui loa le faitotonu.