Taagapati 17:21 - Tosi Tapu

²¹ Ko leia e fatupu ia se tagata valea e mamae loa ; E leaise feala ke fiafia le tamana o se vale.

Taagapati 17:21 Iomraidhean Croise

Senesi 26:34

Ko Esau, i lona fetuu kau fa, na avaga loa mo Sutita, ko le taine o le tagata Eti ko Peeli, ti mo Pasamati ko le taine o le tasi tagata Eti ko Eloni.

Lua tosi a Samuele 18:33

Koia na mamae lasi ai le sau, ti na pale loa a ia ki le kogafale i aluga o le matapa, o tagi loa. Na pati a ia i lana saele : Ei loku vosa ko Apesalone ! Ei loku vosa, ei loku vosa ko Apesalone ! Kolea na leaise kau mate ai o fetogi a koe ! Apesalone, loku vosa, loku vosa !

Taagapati 10:1

Taagapati a Salomone. E fai e le vosa poto le fiafia o lona tamana, Ti e fai e le vosa valea le mamae o lona tinana.

Taagapati 15:20

Ko se vosa poto e fakafiafia ia lona tamana, Kae ko le vosa valea e vesia ki lona tinana.

Taagapati 17:25

Ko se vosa valea e fakatupu ia le mamae o lona tamana, Ti mo le fakasemala o leia na fanaui ia a ia.

Taagapati 19:13

Ko se vosa valea ko se malaia a ia ki lona tamana, Ti ko fefele o se fafine ko se tulu e leaise toe malu.

Lua tosi ki le kau Kolinto 2:3

Koia na kau tosi ai a nea ala na kau tosi, o tupu ke aua na kau maua ia, i laku tau atu, se mamae meia latou ala na tonu ke tuku ia mai kiate au le fiafia, o kau maua kia koutou fuli le amanaki malie leinei ko loku fiafia ko le fiafia foki a ia o koutou fuli.

Tolu tosi a Soane 1:4

E leaise kau maua se fiafia lasi ake, mo ka kau logo e saele aku fanau i le maoki.

Uluaki tosi a Samuele 8:3

Na leaise saele loa a vosa o Samuele i ona ala ; na la manumanu koloa loa, o la tali loa ni nea alofa ti na la maumaui loa le faitotonu.