Taagapati 17:12 - Tosi Tapu

¹² E malie ake le felavei mo se uluso fafine kua too ona uviki, I le felavei mo se tagata valea i lona temi valea.

Taagapati 17:12 Iomraidhean Croise

Lua tosi a Samuele 17:8

Ti na pati loa Usai : E ke iloa le loto toa o lou tamana mo ana kau tagata, e lotou itaita ofaipe se uluso fafine i le vao, leia kua kaia mei ai ona uviki. Ko se tagata tau lou tamana, ti e leaise nofo loa a ia mo le kakai i le pouli.

Lua tosi o Sau 2:24

Na tagaki loa ki muli a Eliseo, o tio ki toe, ti na fakamalaia loa e ia latou i le suafa o le Eteleno. Ti na au loa ni uluso e lua mei le vao, o kai a toe e tino fa tupu lua.

Taagapati 17:11

E afa e le tagata agaveli le agatuu, Kae e kakau loa se tagata tukipo kiate ia.

Taagapati 27:3

E mamafa le fatu ti e mamafa le one ; Kae e mamafa ake le ita o le vale i leia mo leia.

Taagapati 28:15

Ofaipe se laione itaita ti mo se uluso pakupaku, E felaaki le tagata agaveli leia e pule fakamakeke ki se kakai mativa.

Taagapati 29:9

Kapau e visi se tagata poto mo se tagata valea, E pakia loa a ia i le ita mo le kata, e leaise soko loa le tokamalie.

Oseo 13:8

E kau osoi loa latou, ofaipe se uluso fafine leia na too ona uviki, Ti e kau saei loa le kili o lolatou mafu ; E kau kai loa latou, ofaipe se laione fafine ; E sae loa latou e manu o faisaga.

Mateo 2:16

Ko Elote, i lana tio kua manogii a ia e le kau masi, na itaita lasi ai, ti na fakatotonu loa e ia ke tamate a toe tagata liliki fuli kua fetuu lua o ifo ki lalo, ala na nonofo i Peteleemi ti mo fenua fuli i ona tafatafa, o mulimuli ki le aso leia na afaafa logo ai a ia ki le kau masi.