Taagapati 17:11 - Tosi Tapu

¹¹ E afa e le tagata agaveli le agatuu, Kae e kakau loa se tagata tukipo kiate ia.

Taagapati 17:11 Iomraidhean Croise

Lua tosi a Samuele 15:12

I le lolotoga momoli e Apesalone o le sakilifisio, na kakau loa e ia ke afa mei le kolo ko Kilo a Asitofele, ko le tagata Kilo, leia na kau i kau matua tokoi a Tavite. Na asilisili makeke le fakafesagai, ti na asilisili api le kakai leia kua kau kia Apesalone

Lua tosi a Samuele 18:15

Na takatakai loa Apesalone e tama tupulaga e tino agafulu ala na amo ia a masafu a Soape, ti na lotou taai loa a ia mo tamate loa a ia.

Lua tosi a Samuele 18:19

Na pati loa Asimaate, vosa o Satoke : Tuku ke kau makape o fakasa ki le sau le logo malie leinei, kua fakasa e le Eteleno kiate ia lana faitotonu o saofaki a ia mei lima o ona fili.

Lua tosi a Samuele 20:1

Na nofo i lena se tagata agaveli, na igoa ko Sepa, vosa o Pikili, ko se tagata o Pesamino. Na pupusi loa e ia le fakatagi pupusi, o pati : E leaise motou kau loa kia Tavite, e leaise nea fua leia e motou fakatasi ai mo le vosa o Isaia ! Ke kotou tasi ano ki lona falela, kakai o Iselaele !

Lua tosi a Samuele 20:22

Na ano loa le fafine ki le kakai mo lana manatu poto, ti na lotou tuuti loa le ua o Sepa, vosa o Pikili. Na lotou ti loa a ia kia Soape. Ti na pupusi loa e Soape le fakatagi pupusi ; ti na mavete loa o mamao mei le kolo, o tasi ano loa le tagata ki lona falela. Ti na toe liliu loa Soape ki Selusalemi, ki le sau.

Uluaki tosi o Sau 2:31

Na pati loa le sau kia Penasa : Fai ki le nea kua pati a ia ki ai, tamate a ia, ti tanu a ia ; e ke sau loa meiate au, mei le fale o loku tamana le toto leia na liligi noa e Soape.

Uluaki tosi o Sau 2:46

Ti na tuku loa e le sau ana fakatotonu kia Penasa, vosa o Seosata, leia na ulu loa ki fafo, o tamate Simei ; ti na mate loa Simei. Na fakamakeke loa le puleaga fakasau i lima o Salomone.

Taagapati 17:10

Ko se valoki e tasi e lasi ake lona aoga ki le tagata atamai I ni fa ta e kau lelau ki le tagata valea.

Taagapati 17:12

E malie ake le felavei mo se uluso fafine kua too ona uviki, I le felavei mo se tagata valea i lona temi valea.

Taagapati 24:21

Ei loku vosa, i ki le Eteleno mo le sau ; Aua na ke kau mo le kau tagata fakamaveuveu ;

Mateo 21:41

Na lotou tali loa kia Sesu : E tamate fakaveliveli loa e ia a tagata itaita ana, kae toe lue loa e ia le vite ki ni iki ake tagata faivite, ala e soli ia loa kiate ia le fua o le vite i le temi o le fuata.

Mateo 22:7

Na ita lasi ai le sau ; ti na kakau loa e ia lana kau solia ke ano o tamate le kau tukipo lena, ti mo tutu lolatou kolo.

Luka 19:27

Kae, kotou aumai ki leinei oku fili, ala na leaise loto ke kau sau kia latou, ti kotou tamate latou i oku mua.