Taagapati 16:21 - Tosi Tapu

²¹ Ko leia e poto i le loto e igoa e atamai, Ti ko le agamalu o masau e fakalasi ia le poto.

Taagapati 16:21 Iomraidhean Croise

Uluaki tosi o Sau 3:12

ko leinei, e kau fai loa o mulimuli ki lau kole. E kau soli loa kiate koe se loto poto mo atamai ; koia e leaise maua loa se tasi e tatau mo koe talu mei mua, ti e leaise toe tupu ake loa se tasi ke tatau mo koe ki muli.

Pesalemo 45:2

E mapunapuna ni masau fakalaukau i loku loto. E kau pati : E tuku laku gaoi ki le sau ! Ke fai loku alelo pe le peni a se tagata maau !

Taagapati 10:13

E maua le poto i laugutu o le tagata atamai, Kae tonu ke teki le laakau ki le tua o leia e sala atamai.

Taagapati 10:23

Ko le fai o le veli ko se manogi ki le tagata valea, Kae ko le poto ko le vaega o le tagata atamai.

Taagapati 10:8

Ko leia e poto i lona loto e tali ia a pelesepeto, Kae ko leia e valea i ona laugutu e makape ki lona maumau.

Taagapati 15:7

E liligi le poto e laugutu o le kau poto ; Kae e gaati le ulu o le kau vale.

Taagapati 16:22

Ko le poto ko se matapuna o le mauli ki leia e maua ia a ia ; Kae ko le tautea o le kau vale ko lolatou valea.

Taagapati 23:15

Ei loku vosa, kapau e poto lou loto, Ko loku loto o oku e fiafia loa.

Taagapati 27:9

E fakafiafia e le lolo mo kaloni le loto, Ti ko tokoi i lona alofa a se kaukau nea e logologo malie.

Ekelesiasi 12:10

E pati le Ekelesiasi : Vaiga o vaiga, e vaiga nea fuli.

Esaia 50:4

Ko le Aliki, le Eteleno, na soli mai kiate au se alelo poto, O tupu ke kau iloa le masau e aoga ki leia e gaegae. E fafagu e ia, i usu fuli, e fafagu e ia loku taliga, O tupu ke kau fakalogo ofaipe le fakalogo a ni tisipulo.

Oseo 14:9

Ko leia e poto ke tokaga ki nea anei ! Ko leia e atamai ke matala ki nea anei ! Talie e totonu a ala o le Eteleno ; E saele loa i ai le kau agatonu, Kae e sisiga loa i ai le kau agatuu.

Mateo 11:25

I le temi lena, na masau loa Sesu, o pati : E kau fakafetai kiate koe, Tamana, Aliki o le lagi mo le kele, i lau fufu a nea anei ki le kau poto mo le kau atamai, kae na ke fakasa latou ki toe liliki.

Luka 4:22

Ti na fakamaoki le kakai fuli kiate ia ; na lotou punamauli i folafola malilie ala na mavae mei lona gutu, ti na lotou pati : Pe leaise ko le vosa a ia o Sosefo ?

Soane 7:46

Na tali loa le kau tagata fakasausau : E leikiai se tagata kua masau i se aso ofaipe le tagata lena.

Loma 16:19

Kia koutou, kua iloa lakoutou fakalogo e tagata fuli. Koia e kau fiafia ai o uiga mo koutou, kae e kau loto ke kotou fakapotopoto i le nea e malie, ti ke kotou mea i le nea e veli.

Sakopo 3:17

Ko le poto mei aluga, e fuafuaki mea a ia ; ti lua e tokamalie a ia, mo agamalu, mo loto malie, mo apele i le manavaalofa ti mo fua malilie, mo mea mei le fakapalatasi ti mo le malualoi.