Taagapati 16:1 - Tosi Tapu

¹ Ko fakatuutuu ala e fai e le loto e fakalogo ki le tagata, Kae ko le tali leia e tuku e le gutu e au mei le Eteleno.

Taagapati 16:1 Iomraidhean Croise

Lua tosi a Samuele 7:5

Ano o pati ki laku tagata fakasausau ko Tavite : Ko leinei le folafola a le Eteleno : Pe ko koe leia e lagai ia loa kiate au se fale ke kau nofo ai ?

Lua tosi o Koloniko 18:31

I le tio loa a pule o saliote kia Sosafate, na lotou pati loa : Ko le sau a ia o Iselaele ! Ti na lotou takatakai loa a ia ke taui. Na fai loa e Sosafate se kalaga, ti na tokoi loa le Eteleno kiate ia, ti na fakamamao loa latou e le Atua meiate ia.

Esetalasi 7:27

Ke fakafetai ki le Eteleno, le Atua o otatou tamana, leia na teuteui ia le loto o le sau ke fakakololia feneeki ai le fale o le Eteleno i Selusalemi,

Neemia 1:11

Ei Aliki, ke tokaga mai lou taliga ki le kole a lau tagata fakasausau, ti mo le kole a au tagata fakasausau ala e loto ke i ki lou suafa ! Tapuaki i le aso nei lau tagata fakasausau, o ke tuku ke maua e ia se manava alofa i mua o le tagata leinei ! I le temi aia na kau pule ki le vino a le sau.

Sopo 17:11

Kolea ! Kua oki oku aso, kua motusi aku fakatuutuu, A fakatuutuu ala na fakaapele ia loku loto…

Pesalemo 10:17

Ei Eteleno, logo ki fakaamu a latou e mamae ! E ke fakamakeke olatou loto ; e ke tokaga lou taliga kia latou,

Pesalemo 119:36

Taofi loku loto ki au pelesepeto, Kae aua ki koloa !

Ekesote 4:15

E ke masau loa kiate ia, ti e ke tuku loa au masau ki lona gutu, ti ko au e kau nofo loa mo lou gutu ti mo lona gutu, ti e kau ako loa kia koulua le nea leia e tonu ke kolua fai.

Taagapati 15:33

Ko le i ki le Eteleno e ako ia le poto, Ti e muamua le fakataulalo i le kololia.

Taagapati 16:9

E fakakaukau le loto o le tagata ki lona ala, Kae ko le Eteleno leia e taki ia ona lakaaga.

Taagapati 19:21

E lasi fakatuutuu i le loto o le tagata, Kae ko le fakatuutuu a le Eteleno leia e soko.

Taagapati 20:24

Ko le Eteleno leia e taki ia lakaaga o le tagata, Kae ko le tagata, pe mafai ke iloa e ia lona ala ?

Taagapati 21:1

Ko le loto o le sau ko se vaitafe i le lima o le Eteleno ; E fulusi e ia a ia ki ganea fuli e loto a ia ki ai.

Selemia 10:23

E kau iloa, ei Eteleno ! E leaise pule le tagata ki lona ala ; E leaise ko le tagata leia e taki ia ona lakaaga Mo ka saele.

Lua tosi ki le kau Kolinto 8:16

Kae ke fakafetai ki le Atua, i lana tuku ki le loto o Tito le fia tokaga kia koutou ofaipe maua ;

Filipe 2:13

talie ko le Atua leia e fakatupu ia ia koutou le loto mo le fai o lona finegalo malie.