Taagapati 15:8 - Tosi Tapu

⁸ E fakalialia le Eteleno ki sakilifisio a le kau agasala, Kae e fiafia a ia ki le kole a le kau agatonu.

Taagapati 15:8 Iomraidhean Croise

Lua tosi a Samuele 15:12

I le lolotoga momoli e Apesalone o le sakilifisio, na kakau loa e ia ke afa mei le kolo ko Kilo a Asitofele, ko le tagata Kilo, leia na kau i kau matua tokoi a Tavite. Na asilisili makeke le fakafesagai, ti na asilisili api le kakai leia kua kau kia Apesalone

Uluaki tosi o Sau 3:10

Na malie loa le kole lena a Salomone ki le Aliki.

Uluaki tosi o Koloniko 29:17

E kau iloa foki, ei loku Atua, e ke oono a loto, ti e ke alofa ki le loto leia e sako ; koia kua kau fai ai a moliga fuli anei kiate koe mo se loto sako ; ti kua kau tio fakafiafia i le lakaga nei ki lou kakai leinei, talie kua soli atu e ia kiate koe ana moliga mo se loto malie.

Pesalemo 141:2

Ke fai laku kole i ou mua pe le iseso, Ti ke fai oku lima ala e falo atu kiate koe pe le moliga o le afiafi !

Pesalemo 17:1

Kole a Tavite. Eteleno ! fakalogo mai ki loku agatonu, tokaga mai ki aku tagi, Fakalogo mai lou taliga ki laku kole leia e fai atu i ni laugutu mea !

Taagapati 10:24

Ko le nea leia e tuania ia e le tagata agaveli, e soko kiate ia ; Kae e tuku ki le kau agatonu le nea leia e lotou oli ki ai.

Taagapati 15:29

E mamao le Eteleno i le kau agaveli, Kae e fakalogo a ia ki le kole a tagata agatonu.

Taagapati 15:7

E liligi le poto e laugutu o le kau poto ; Kae e gaati le ulu o le kau vale.

Taagapati 21:27

Ko le sakilifisio a le kau agaveli ko se nea fakalialia ; Tafito mo ka fai a ia mo ni manatu veveli.

Taagapati 21:3

Ko le fai o le faitotonu mo le maoki, Ko lena le nea e mauiga ake ki le Eteleno i sakilifisio.

Taagapati 28:9

Ko leia e fulusi ia lona taliga ke aua na logo ki le lao, E liliu lana faikole ko se nea fakalialia.

Ekelesiasi 5:1

Aua na ke fakatavili o fakamavaa lou gutu, ti aua na fai vave e lou loto se masau i mua o le Atua ; talie e nofo le Atua i lagi kae ko koe, e ke nofo i le kele : fakateiki au masau.

Katiko o Katiko 2:14

A koe ko laku lupe, leia e nofo i pu o le utu, Leia e mumuni i potu faigataa, Fakasa mai ou mata ke kau tio ki ai, Masau mai ke kau logo ki lou leo ; Talie e logo malie lou leo, ti e fakaaloalofa ou mata.

Esaia 61:8

Talie ko au, le Eteleno, e kau alofa ki le faitotonu, E kau vesia ki le kaia mo le agaveli ; E kau soli loa kia latou lolatou fakapale totonu, Ti e kau fai loa mo latou se sai lee gato.

Esaia 66:3

Ko leia e momoli ia se pipi e tatau mo leia e tamate ia loa se tagata ; Ko leia e momoli ia se akeno e tatau mo leia e fatii ia loa le ua o se kuli, Ko leia e momoli ia se moliga e tatau mo leia e liligi ia loa le toto o se puaka, Ko leia e tutu ia se iseso e tautau mo leia e tausi loa ki ni taulaatua. Ko latou fuli ana na fiafia i olatou ala, Ti na maua e olatou laumalie lolatou fiafia i alatou nea fakalialia.

Selemia 6:20

Kolea le aoga mai kiate au o le iseso leia e au mei Sepa, Mo le lolo manogi mei se fenua mamao ? E leaise malilie akoutou failaulau kiate au, Ti e leaise kano malie akoutou sakilifisio kiate au.

Taniela 9:23

I lau kamata faikole, na kaku mai loa le folafola, ti kua kau au o fakasa atu a ia kiate koe ; talie ko koe ko se tagata alofaina. Tokaga ki le folafola, ti mo ke matala ki le tio !

Levitiko 7:18

Kae kapau e soko loa kua kai e se tagata le kanofi o lana sakilifisio komunio i le tolu o aso, e leaise tali loa e le Eteleno le sakilifisio ; e ano noa loa lana sakilifisio kiate ia, talie kua veli le inati ki nea fakalotu. Ko leia e kai loa ki le nea lena e agasala loa.

Mikea 6:6

Kolea le nea ke ano mo au ki mua o le Eteleno, Ke kau fakataulalo ai i mua o le Atua Taualuga ? Pe kau ano loa ki ona mua mo ni failaulau, Mo ni uviki pipi fetuu taki tasi ?

Mikea 6:7

Pe tali loa e le Eteleno ni ovi tagata e afe mo afe, Mo ni vaitafe lolo e miliate mo miliate ? Pe kau soli loa loku vosa uluaki ki aku agatuu ? Le fua o loku manava ki le agasala o loku laumalie ?

Akeseo 2:14

Ti na toe masau loa Akeseo, o pati : Ko le anoaga a ia o le kakai leinei, ko le anoaga a ia o le puleaga leinei i oku mua, e pati le Eteleno, Ko le anoaga a ia o gaoi fuli o olatou lima ; Ko le nea leia e lotou momoli mai kiate au e kelekele.

Malakia 1:10

Ko ai leia ia koutou e tapono ia loa a matapa, Ke aua na kotou tutu noa le afi i aluga o loku aletale ? E leaise kau maua fua se fiafia e tasi ia koutou, e pati le Eteleno o kau tau, Ti e leaise malie kiate au a moliga o okoutou lima.

Soane 4:24

E laumalie le Atua, ti e tonu kia latou ala e atolasio kiate ia, ke atolasio kiate ia i le laumalie mo le maoki.