Taagapati 15:5 - Tosi Tapu

⁵ E vesia le vale ki le akonaki a lona tamana, Kae ko leia e tokaga ki le valoki e poto.

Taagapati 15:5 Iomraidhean Croise

Uluaki tosi o Koloniko 28:20

Na pati loa Tavite kia Salomone, lona vosa : Ke ke fakamakeke, ke ke loto makeke, ti ke ke gaoi, aua na ke tuania, ti aua na ke i fua. Talie e nofo loa le Eteleno Atua, loku Atua mo koe ; e leaise tuku noa loa fua e ia a koe, e leaise tiaki loa fua e ia a koe, o kaku ki le oki o gaoi fuli o le fale.

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Pesalemo 141:5

Ke taai au e le tagata agatonu, ko se kalasia a ia ; Ke tautea e ia au, ko se lolo a ia i loku ulu : E leaise mafuli kese loa loku ulu ; Kae e toe pale atu loa laku kole kiate koe o tupu ko le kau agaveli.

Taagapati 1:23

Kotou tafoki mai o fakalogo ki aku valoki ! Ko leinei e kau liligi loa loku Laumalie kia koutou, E kau fakasa loa kia koutou aku folafola…

Taagapati 1:7

Ko le i ki le Eteleno ko le kamataaga o le iloa ; E vesia le kau vale ki le poto mo le akonaki.

Taagapati 10:1

Taagapati a Salomone. E fai e le vosa poto le fiafia o lona tamana, Ti e fai e le vosa valea le mamae o lona tinana.

Taagapati 13:1

E fakalogo le vosa leia e poto ki le akonaki a lona tamana, Kae e leaise fakalogo ki le akonaki le vosa gologolo.

Taagapati 13:18

Ko le mativa mo le luma ko le vaega o leia e vesia ki le akonaki, Kae ko leia e tali ia le valoki e fakamauiga loa.

Taagapati 15:4

Ko le alelo malu ko se laakau o le mauli, Kae ko le alelo veli e fatii ia le laumalie.

Taagapati 15:6

E i ai se koloa lasi i le fale o le tagata agatonu, Kae e i ai se mamae i le koloa o le tagata agaveli.

Taagapati 19:20

Fakalogo ki tokoi, ti tali akonaki, O tupu ke ke poto i le soko atu o lou mauli.

Taagapati 25:12

Ofaipe se mama aulo mo se kasoa aulo mea, E fenaaki ki se taliga patigaofie le poto leia e fai ia se valoki.

Taagapati 6:23

Talie ko le pelesepeto ko se tuuaga malama, ti ko le akonaki ko se fa malama, Ti ko valoki a le tautea ko le ala o le mauli :

Tito 1:13

E maoki le fakamaoki lena. Koia ke ke valoki fakamakeke ai latou, o tupu ke lotou maua se tui mea,

Tito 2:15

Fakasa a nea ana, ekenaki, ti mo valoki i le makeke katoa. Ke aua na nukinuki se tasi kiate koe.