Taagapati 15:15 - Tosi Tapu

¹⁵ E veveli aso fuli o le tagata leia e mamae, Kae ko le loto fiafia ko se kaitasi a ia o lee gato.

Taagapati 15:15 Iomraidhean Croise

Senesi 37:35

Ti na nake loa ona vosa fuli mo ona taineliki fuli o fakapelepelei a ia, kae na leaise tali loa e ia se fakafimalie e tasi. Na pati loa a ia : E kau tagi loa ki loku vosa o kaku ki le aso leia e kau fakatasi ai loa mo loku vosa i le nofoaga o le kau mate ! Ti na tagi a ia ki lona vosa.

Senesi 47:9

Na tali loa Sakopo kia Falaone : Ko fetuu o loku mauli, i le temi leia na kau feanoaki ai, ko le kau lelau kau tolu. E teiki fua fetuu o loku mauli mo veveli, e leaise lotou kaku ki fetuu o oku tamana.

Taagapati 15:13

Ko se loto fiafia e fakafiafia ia a mata, Kae ka mamae le loto, e mamae a mata.

Taagapati 15:14

Ko se loto atamai e afa ia le poto, Kae ko le gutu o le kau vale e fakafiafia ia le valea.

Taagapati 15:16

E malie ake se nea ikiiki mo le i ki le Eteleno, I se koloa lasi mo le mamae.

Taagapati 16:22

Ko le poto ko se matapuna o le mauli ki leia e maua ia a ia ; Kae ko le tautea o le kau vale ko lolatou valea.

Taagapati 17:22

Ko le loto leia e fiafia ko se faitoo malie, Kae ko le loto mamae e fakatupu ia le malo o ivi.

Gaoi 16:25

I le vaeluapo, na faikole mo sua fakavikiviki ki le Atua a Paulo mo Silasi, ti na logo le kau pilisoni kia laua.

Loma 12:12

Ke kotou fakafiafia i le amanaki malie. Ke kotou kataki fualoa i le mamae. Ke kotou agatonu i le faikole.

Loma 5:11

E leaise gato fua i ai, kae e tou fiafia foki i le Atua i lotatou Aliki ko Sesu-Kilisito, leia kua tou maua ai le fakatokatoka i le temi nei.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Lua tosi ki le kau Kolinto 1:5

Talie kapau e lasi mamae o Kilisito ia maua, e toe lasi foki loma fakafimalie ia Kilisito.

Lua tosi ki le kau Kolinto 6:10

ofaipe ni tagata e loto mamae, kae e ma fiafia tuumau ; ofaipe ni mativa, kae e ma fakakoloa ia le toka api ; ofaipe ni tagata e leaise maua ia ni nea, logo ai e ma maua a nea fuli.

Uluaki tosi a Petelo 4:13

Kae kotou fiafia i lakotou kau ki mamae o Kilisito, o tupu ke kotou fiafia foki i se fiafia lasi mo ka fakasa loa lona kololia.