Taagapati 14:29 - Tosi Tapu

²⁹ Ko leia e leaise itaita vave e nofo mo se atamai lasi, Kae ko leia e itaita vave e fakasa ia lona valea.

Taagapati 14:29 Iomraidhean Croise

Taagapati 14:17

Ko leia e itaita vave e fai ia ni sala valea, Ti e tupu le vesia ki le tagata leia e apele i manatu veveli.

Taagapati 14:28

Ka api le kakai, ti ko le kololia a ia o le sau, Kae ka lavaki le kakai, ti ko le maumauaga a ia o le sau.

Taagapati 15:18

E fakatupu e se tagata itaita ni fefele, Kae ko le tagata kataki e lolomi ia ni felega.

Taagapati 16:32

Ko leia e ita tuvai e malie ake i le tagata toa, Ti ko leia e loto lolomi e malie ake i leia e malo i se kolo.

Taagapati 17:27

Ko leia e taofi ia ana masau e iloa ia le poto, Ti ko leia e loto malie ko se tagata atamai.

Taagapati 19:11

Ko le tagata leia e poto e leaise itaita vave, Ti e maua e ia lona kololia i le fakamolemole ki veli ala na fai ake kiate ia.

Taagapati 25:28

Ofaipe se kolo sala solia ti sala paa, E fenaaki le tagata leia e leaise mafai ke lolomi ia lona ita.

Taagapati 25:8

Aua na ke fakatavili o fakasa i le fakamaauaga le nea leia na ke tio ki ai, Talie na fakaoki ake e leaise koi ke iloa se nea ke fai, Mo ka fakaluma loa a koe e lou oloi.

Taagapati 4:8

Siki le poto, ti e siki loa e ia a koe E liliu loa a ia ko lou kololia, mo kapau e ke luluku a ia i lou fatafata.

Ekelesiasi 10:6

Kua maua e le tagata valea ni tuulaga taualuga, kae nonofo ni tagata mou koloa i ni tuulaga taulalo.

Ekelesiasi 7:8

E malie ake le ikuaga o se nea i lona kamataaga ; e malie ake se loto kataki i se loto fia nealasi.

Ekelesiasi 7:9

Aua na ke ita vave i lou loto, talie e nofo le ita i le fatafata o le kau vale.

Numelo 12:3

Ti na logo loa le Eteleno ki le nea lena. Ko leinei, na agamalu ai le tagata ko Moisese, o lasi ake i tagata fuli ala kua mauli i aluga o le kele.

Mateo 11:29

Kotou amo laku laakau taki, ti kotou tali aku akonaki, talie e kau agamalu mo loto fakataulalo ; ti e kotou maua loa le malolo ki okoutou laumalie.

Mateo 2:16

Ko Elote, i lana tio kua manogii a ia e le kau masi, na itaita lasi ai, ti na fakatotonu loa e ia ke tamate a toe tagata liliki fuli kua fetuu lua o ifo ki lalo, ala na nonofo i Peteleemi ti mo fenua fuli i ona tafatafa, o mulimuli ki le aso leia na afaafa logo ai a ia ki le kau masi.

Sakopo 1:19

Ke kotou iloa le nea leinei, ei oku fetaina alofaina : ke fakalogologo vave a tagata fuli, ke aua na masau vave, ke aua na itaita vave ;