Taagapati 14:26 - Tosi Tapu

²⁶ Ko leia e i ki le Eteleno e maua ia se fanakiaga makeke, Ti e maua e ana fanau se mumuniaga i ona tafa.

Taagapati 14:26 Iomraidhean Croise

Senesi 31:42

Kanapau na leaise tokoi mai le Atua o loku tamana ko Apalaamo kiate au, le Atua leia e i ki ai loku tamana ko Isaake, na ke aga loa o kapu au mo oku lima ata. Kae na tio le Atua ki loku mamae mo le pakia o oku lima i le gaoi ; koia i le aso nanafi na fakasa e ia lona faitotonu kiate au.

Pesalemo 112:1

Kotou fakafetai ki le Eteleno ! Manuia le tagata leia e i ki le Eteleno, Leia e maua ia se fiafia lasi i ana fakatotonu.

Taagapati 14:27

Ko le i ki le Eteleno ko se matapuna o le mauli, Ke saofaki ai i masele o le mate.

Taagapati 18:10

Ko le suafa o le Eteleno ko se tule makeke ; E sola ki ai le tagata agatonu, ti e maua e ia se fimalie.

Taagapati 19:23

Ko le i ki le Eteleno e taki ia ki le mauli, Ki se mauli i le mou, o mamao i le malaia.

Taagapati 20:7

E saele le tagata agatonu i lona faitotonu ; Manuia ana fanau i ona muli !

Ekelesiasi 7:18

E malie ke ke taofi mau le tasi, ti aua na tiaki leia, talie ko leia e i ki le Atua e leaise tonu ke vilo ki nea fuli ana.

Esaia 33:6

E fimalie loa ou aso ; Ko le poto mo le iloa o le Eteleno ko se matapuna o le fakamauli ; Ko le i ki le Eteleno, Ko lena le koloa o Sione.

Selemia 15:11

Na pati loa le Eteleno : E maoki, e ke maua loa se apogipogi manuia ; E maoki, e kau fakamakeke loa ki le fili ke fai kiate koe ana kole fakamolemole, I le aso o le malaia ti mo le aso o le mamae.

Malakia 4:2

Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

Gaoi 9:31

Na maua e le Ekelesia se tokamalie i Sutea katoa, mo Kalilea, mo Samalia, ti na laga ake latou ofaipe se fale, ti na lotou saele i le i ki le Aliki mo le gaoi a le Laumalie Maokioki, ti na tupu ake a ia o lasi.