Taagapati 14:21 - Tosi Tapu

²¹ E agasala leia e vesia ki lona oloi, Kae e manuia leia e alofa ki le kau mativa !

Taagapati 14:21 Iomraidhean Croise

Pesalemo 112:5

Manuia le tagata leia e manava alofa ti mo kai solisoli, Leia e fai ia gaoi fuli i le faitotonu !

Pesalemo 112:9

E fai e ia ni tufa koloa, e soli e ia ki le kau mativa ; E tuu lona faitotonu o lee gato ; E malaga lona ulu i le kololia.

Pesalemo 22:24

Ko koutou ala e i ki le Eteleno, ke kotou vikiviki kiate ia ! Ko koutou fuli ko le sakoga o Sakopo, ke kotou fakakololia kiate ia ! Ke kotou lulu i ona mua, kotou fuli ko le sakoga o Iselaele !

Taagapati 11:12

E sala atamai leia e vesia ki lona oloi, Kae e fakalologo leia e atamai.

Taagapati 14:31

Ko le fakaveliveli o le tagata mativa ko le lauveli ki leia na fakatupu ia a ia, Kae ko le alofa ki leia e fakaaloalofa ko le fakamauiga o leia na fakatupu ia a ia.

Taagapati 17:5

Ko leia e gologolo ki le mativa e lauveli ki leia na fakatupu ia a ia ; Ko leia e fakafiafia i se malaia e tautea loa.

Taagapati 18:3

Ka au le agaveli, e toe au foki mo le nukinuki, Mo le matagafua, ti mo le luma.

Taagapati 19:17

Ko leia e alofa ki le mativa e soli ki le Eteleno, Leia e toe liufaki ia loa kiate ia o mulimuli ki lana gaoi.

Taagapati 21:10

Ko le laumalie o le tagata agaveli e oli ki le veli ; Ko lona kaukau nea totonu e leaise maua ia se kalasia i ona mata.

Taagapati 22:9

E manuia loa le tagata manava alofa, Talie e vaevae e ia lana pane mo le mativa.

Taagapati 28:27

Ko leia e solisoli ki le mativa e leaise puli se nea iate ia ; Kae ko leia e tapono ia ona mata ki le mativa e mafaia i malaia.

Taagapati 28:8

Ko leia e fakalasi ia ona koloa ki lana paaga na soli ke toe totogi ake mo se tupu, mo se tupu mamafa, E tanaki ia latou ki leia e alofa ki le kau mativa.

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Luka 18:9

Na toe fakasa loa e ia le folafola fakatata leinei, kia latou ala na fanaki ki lolatou agatonu, ti na leaise tokaga fua ki la ake kakai :

Gaoi 20:35

Ti na kau fakasa kia koutou i nea fuli ana, e tonu ke kotou gaoi fenaaki, o tokoi ki le kau mativa, ti mo manatui a folafola a le Aliki, leia na pati totonu : E manuia lasi ake le soli i le tali.

Tetelonome 15:9

Ke ke tokaga ai na ke maua loa i lou loto ni manatu fakalialia, o ke pati loa : kua ofi le fitu o fetuu, le fetuu o le soloi o maua ! Ke ke tokaga na ke maua loa se tio fakaveli ki lou taina leia e mativa, o leaise ke soli loa kiate ia se nea. E kalaga loa a ia ki le Eteleno o uiga mo koe, ti e ke amo loa i ai se agasala.

Epelo 6:12

Ke aua na kotou fakagasueveli, kae ke kotou faifaitaki kia latou ala na tui mo kataki fualoa, ti kua maua ia a nea ala na fakapapau e le Atua.