Taagapati 14:18 - Tosi Tapu

¹⁸ Ko le vaega o le kau vale ko le valea, Kae ko le pala o le tagata poto ko le poto.

Taagapati 14:18 Iomraidhean Croise

Taagapati 14:17

Ko leia e itaita vave e fai ia ni sala valea, Ti e tupu le vesia ki le tagata leia e apele i manatu veveli.

Taagapati 14:19

E punou le kau agaveli i mua o le kau agamalie, Ti e punou le kau agasala i le matapa o le tagata agatonu.

Taagapati 3:35

E maua tofiga loa e le kau poto le kololia, Kae ko le vaega o le kau vale ko le luma.

Selemia 16:19

Eteleno, ko koe ko loku makeke, ko loku fanakiaga, ko loku mumuniaga i le aso o le mamae ! E au loa kiate koe a atu puleaga mei potupotu o le kele, Ti e lotou pati loa : Ko loi ata a lotu o omatou tamana, E leaise uiga fua ti e leaise aoga fua a taulaatua.

Selemia 44:17

Kae e motou fai loa o mulimuli ki le nea leia kua fakasa e omatou gutu, ke tutu le iseso ki le fafine aliki o le lagi, ti mo fai kiate ia ni moliga nea inu, ofaipe lamatou fai masani, a matou mo omatou tamana, mo omatou sau, ti mo omatou pule, i kolo o Suta mo ala o Selusalemi. Ti na motou maua loa i ai se pane ke motou kai, ti na motou fiafia loa i ai, ti na leaise motou tio loa ki se malaia.

Taniela 12:3

Ko latou ala na popoto e gigila loa ofaipe le malama o le lagi, ti ko latou ala na ako ia le faitotonu ki le kakai e gigila loa ofaipe fetuu o le lagi, o lee gato.

Lua tosi kia Timoteo 4:8

Ko leinei, kua taofi mai kiate au le pala o le faitotonu ; ko le Aliki, le tui fakamaau faitotonu, e soli ia loa a ia kiate au i le aso lena, ti e leaise gato fua kiate au, kae kia latou fuli foki ala e alofa loa ki lona toe liliu mai.

Uluaki tosi a Petelo 1:18

Talie e kotou iloa na leaise totogi koutou ki ni nea popo, ki se paaga pe ko se aulo, mei le mauli vaiga leia na kotou maua mei okoutou tamana,

Uluaki tosi a Petelo 5:4

Ti ka sa mai loa le Tagata tausi ovi lasi, e kotou maua loa le pala lee popo o le kololia.