Taagapati 14:10 - Tosi Tapu

¹⁰ E iloa e le loto ona mamae o ona, Ti e leaise feala ke kau se tasi kese i ona fiafia.

Taagapati 14:10 Iomraidhean Croise

Senesi 42:21

Na lotou fepatiaki loa ia latou : Io, kua soko le mamae leinei kia tatou o tupu ko latatou agasala leia na tou fai ki lotatou taina : Talie na tou tio ki le mamae o lona loto, i lana tagi mai kia tatou ke tou alofa ake kiate ia, kae na leaise tou tokagai a ia !

Lua tosi o Sau 4:27

Kae i lana kaku loa ki le tagata a le Atua i le mauga, na sogi loa le fafine ki vae o le polofeta. Na fakafeofi ake loa Keasi ke tekei kese le fafine. Kae na pati loa le tagata a le Atua : Tuku a ia talie kua mamae lona loto iate ia, ti kua fufu mai a ia e le Eteleno kiate au, o leaise fakasa mai a ia kiate au.

Sopo 10:1

Kua fakalialia loku laumalie ki le mauli ! E leaise kau toe tataofi loa aku lauga, E kau masau loa i le mamae o loku loto.

Sopo 21:25

Ti ko iki, e lotou mate i le oki o se mauli kinakinau, Ti na leaise lotou maua fua se fiafia i se nea fua e tasi.

Sopo 7:11

Koia e leaise kau toe tapono loa loku gutu, E kau masau loa i le lasi o le mamae o loku loto, E kau tagi loa i le lasi o le kona o loku laumalie.

Sopo 9:18

Leia e leaise tuku ia ke fakatau laku manava, Kae e fakaapele ia loku loto ki le mamae.

Pesalemo 25:14

E tuku e le Eteleno lona finegalo fufu kia latou ala e i kiate ia, Ti e fakasa e ia kia latou lana sai.

Taagapati 15:13

Ko se loto fiafia e fakafiafia ia a mata, Kae ka mamae le loto, e mamae a mata.

Taagapati 18:14

Ko le loto o le tagata e taofi ia a ia i le masaki ; Kae ko le loto gaegae, ko ai e toe lagai ia loa a ia ?

Esekiele 3:14

Ti na siki loa au e le Laumalie, o ave. Na kau ano loa i le loto mamae mo le loto itaita, kae na gaoi makeke le lima o le Eteleno kiate au.

Soane 12:27

I le lakaga nei kua mamae loku laumalie. Ti kolea e kau pati loa ki ai ? Tamana, saofaki au mei le ola leinei ?… Kae na kau au o tupu ko le ola lena o kaku mai ki le aso nei !

Soane 14:18

E leaise kau tuku loa koutou ke sala matua, e kau au loa kia koutou.

Soane 14:23

Na tali loa Sesu kiate ia : Kapau e alofa se tasi kiate au, ti e fai loa e ia laku folafola, ti e alofa loa loku Tamana kiate ia ; e ma au loa kiate ia, ti e ma fai loa loma nofoaga iate ia.

Filipe 4:7

ti ko le tokamalie o le Atua, leia e fakalaka ake i atamai fuli, e taupau ia loa okoutou loto mo akoutou manatu ia Sesu-Kilisito.

Uluaki tosi a Petelo 1:8

E kotou alofa kiate ia, kae e leikiaise kotou tio kiate ia. E kotou tui kiate ia kae e leikiaise kotou tio kiate ia i le temi nei. Koia e kotou fiafia ai i se fiafia fakakololia leia e leaise feala ke fakasa e ni masau,

Apokalipisi 2:17

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia : Ki leia e malo loa e kau soli loa kiate ia le mane fakapulipuli, ti e kau soli loa kiate ia se fa fatu tea ; ti e tosi loa se igoa foou i le fa fatu lena, leia e leaise iloa e se tasi, gato fai ki leia e tali ia le igoa lena.

Uluaki tosi a Samuele 1:10

Ti na mamae lasi ai lona Laumalie, o fai loa e ia lana kole ki le Eteleno ti mo tagi lasi ai.

Uluaki tosi a Samuele 1:15

Na tali loa a Ana : E leaise kau kona, ei loku aliki, kae ko se fafine au leia e mamae, ti na leaise kau inu ia se vino pe ko se kava ; kae na kau liligi loku laumalie i mua o le Eteleno.