Taagapati 13:25 - Tosi Tapu

²⁵ E kai le tagata agatonu o makona, Kae e pakupaku le manava o le kau agaveli.

Taagapati 13:25 Iomraidhean Croise

Pesalemo 103:5

Ko ia leia e fakamakona ia lou temi matua ki nea malilie, Leia e fakaliliu ia a koe o tupulaga ofaipe le akuila.

Pesalemo 132:15

E kau tapuaki loa ki lana nea kai, E kau fagai loa ki le pane lona kau mativa o makona ;

Pesalemo 34:10

Ke kotou i ki le Eteleno, kotou fuli ko ana kau sagato ! Talie e leaise puli se nea kia latou ala e i kiate ia.

Pesalemo 37:16

E malie ake le ganea ikiiki a le tagata agatonu I le mou koloa o se toka api o tagata agaveli ;

Pesalemo 37:3

Ke ke fanaki ki le Eteleno, ti ke fai le nea leia e malie ; Ke ke maua le fenua ko lou nofoaga, ti ke ke fai le malie ko lau nea kai.

Taagapati 10:3

E leaise tuku e le Eteleno ke mamae le tagata agatonu i le fia kai, Kae e leaise soli e ia ki le kau agaveli le nea leia e lotou manumanu ki ai.

Taagapati 13:18

Ko le mativa mo le luma ko le vaega o leia e vesia ki le akonaki, Kae ko leia e tali ia le valoki e fakamauiga loa.

Taagapati 24:34

Ti e mautoka loa a koe e le mativa ofaipe se tagata fakatolotolo, Ti e mautoka loa a koe e le oge ofaipe se tagata too masafu.

Taagapati 6:11

Ti e mautoka loa a koe e le mativa ofaipe se tagata fakatolotolo, Ti e tapo loa a koe e le oge ofaipe se tagata too masafu.

Luka 15:14

I le oki o lana maumaui ona koloa fuli, na to loa se oge i le fenua lena, ti na kamata fia kai loa a ia.

Tetelonome 28:48

e ke liliu loa o tausi ki ou fili ala e kakau mai loa e le Eteleno kiate koe : E ke pakupaku loa, mo fia inu loa, mo telefua loa, mo fakaaloalofa loa i nea fuli. E teki loa e le Eteleno se ukamea ki ou tuauma o kaku ki lou maumaui.

Tetelonome 32:24

E lotou fakalaulautetea loa i le oge, Ti e kai loa latou e le fiva mo tau masaki veli. Ti e kau kakau mai loa kia latou a manu fekai, mo gata uti kona.

Lua tosi ki le kau Tesalonika 3:10

Talie i le temi leia na motou nonofo ai ia koutou, na motou fakasa fakaagatonu atu kia koutou : Kapau e leaise fia gaoi se tasi, ke aua na kai foki a ia.

Uluaki tosi kia Timoteo 4:8

Kae ke ke gaoi ki le aga fakaatua ; talie e aoga ikiiki a fai manogi fakatino, kae ko le aga fakaatua e aoga a ia ki nea fuli ai : e maua e ia le fakapapau o le mauli o le temi nei ti mo leia o le temi ka au.

Epelo 13:5

Ke aua na manumanu ki le paaga ; kae ke kotou fiafia i le nea leia e kotou maua, talie kua pati le Atua totonu : E leaise kau tuku loa a koe, ti e leaise kau tiaki loa a koe