Taagapati 12:25 - Tosi Tapu

²⁵ E fakagaegae e le tuania le loto o le tagata, Kae e fakapelepele a ia e se masau alofa.

Taagapati 12:25 Iomraidhean Croise

Pesalemo 38:6

E fufula ti e aukaua oku lavea, O tupu ko loku valea.

Pesalemo 42:11

E fatifati oku ivi mo ka nukinuki mai kiate au latou e fakaveliveli kiate au, O pati tuumau mai kiate au : Kofea lou Atua ?

Taagapati 12:18

Ko se tasi, leia e masau fakafuanoa, e fakalavea ia le loto ofaipe se seleta, Kae ko le alelo o le kau poto e ave ia le faitoo.

Taagapati 12:26

E fakasa e le tagata agatonu le ala malie ki lona kaukau nea, Kae ko le ala o le kau agaveli e fakasese ia latou.

Taagapati 14:10

E iloa e le loto ona mamae o ona, Ti e leaise feala ke kau se tasi kese i ona fiafia.

Taagapati 15:13

Ko se loto fiafia e fakafiafia ia a mata, Kae ka mamae le loto, e mamae a mata.

Taagapati 15:15

E veveli aso fuli o le tagata leia e mamae, Kae ko le loto fiafia ko se kaitasi a ia o lee gato.

Taagapati 15:23

E fiafia le tagata mo ka fai e ia se tali malie, Ti e feaki ake loa mo ka fai se tali malie i lona lakaga totonu.

Taagapati 15:30

Ko le nea leia e malie ki mata e fakafiafia ia le loto ; Ko se logo malie e fakamakeke ia le tino.

Taagapati 16:24

E tatau masau malilie mo le laui meli, E lotou sua malie ki le laumalie, ti e lotou fakamakeke ia le tino.

Taagapati 17:22

Ko le loto leia e fiafia ko se faitoo malie, Kae ko le loto mamae e fakatupu ia le malo o ivi.

Taagapati 18:14

Ko le loto o le tagata e taofi ia a ia i le masaki ; Kae ko le loto gaegae, ko ai e toe lagai ia loa a ia ?

Taagapati 25:11

Ofaipe ni fa pome aulo i ni ipu siliva, E fenaaki se masau leia na malie ti na tautonu lona tuku.

Taagapati 27:9

E fakafiafia e le lolo mo kaloni le loto, Ti ko tokoi i lona alofa a se kaukau nea e logologo malie.

Esaia 50:4

Ko le Aliki, le Eteleno, na soli mai kiate au se alelo poto, O tupu ke kau iloa le masau e aoga ki leia e gaegae. E fafagu e ia, i usu fuli, e fafagu e ia loku taliga, O tupu ke kau fakalogo ofaipe le fakalogo a ni tisipulo.

Sakalia 1:13

Na tali loa le Eteleno ki le aselo leia na masau mai kiate au ki ni kupu malilie ti mo ni kupu fakafimalie.