Taagapati 12:11 - Tosi Tapu

¹¹ Ko leia e gaoi ki lana faisaga e makona i le pane, Kae ko leia e makape i muli o ni nea noa e sala atamai.

Taagapati 12:11 Iomraidhean Croise

Senesi 3:19

E ke kai loa lau pane i le kavakavaia o lou lae, o kaku ki le aso leia e ke toe liliu ai loa ki le kele, leia na ke too mei ai ; talie ko le efu a koe, ti e ke toe liliu loa ki le efu.

Pesalemo 128:2

Talie e ke kai loa ki le gaoi o ou lima : E ke manuia, e ke tupu lou manuia.

Pesalemo 26:4

E leaise kau tonatona fakatasi mo le kau faikakaa, Ti e leaise kau ano fakatasi mo le kau malualoi.

Taagapati 13:20

Ko leia e nofo tuumau mo le kau poto e liliu loa o poto, Kae ko leia e fiafia i le nofo mo le kau vale e liliu loa o veli.

Taagapati 13:23

Ko le faisaga leia e faala e tagata mativa e tuku ia se nea kai lasi, Kae e mamate ni iki talie e lotou fakakaka.

Taagapati 14:23

E maua e gaoi fuli se totogi, Kae ko le totogi o le lasi o masau noa ko le oge.

Taagapati 14:4

Kapau e leaise maua ni pipi gaoi kele, e lavaki le fata tanaki fulumeto ; Talie ko le makeke leia o pipi e fakatupu ia ni koloa o lasi.

Taagapati 20:13

Aua na ke manako ki le moe, na ke liliu o mativa ; Fakamavaa ou mata, ti e ke makona loa i le pane.

Taagapati 27:27

Ko le sua pipi o au koti fafine e feauga ki lau nea kai, mo leia o lou famili, Ti mo le mauli o au fafine fakasausau.

Taagapati 28:19

Ko leia e gaoi ia lana faisaga e makona i le pane, Kae ko leia e tuli ia ni nea noa e makona i le mativa.

Taagapati 6:32

Kae ko leia e momoe mo se fafine avaga e sala atamai ; I lana fai le nea lena e maumaui e ia lona laumalie totonu ;

Taagapati 7:7

Na kau tio loa i le kau valelea, Na kau fakatokagai loa i le kau tupulaga se tama sala atamai.

Taagapati 9:13

Ko le valea ko se fafine logoa, E leaise fakakaukau a ia, ti e leaise iloa e ia se nea.

Taagapati 9:16

Ko leia e valea, ke ulu mai ki leinei ! E pati a ia ki leia e sala atamai :

Taagapati 9:6

Kotou mavae i le valea, ti e kotou mauli loa ; Ti kotou saele i le ala o le atamai !

Sonasi 2:8

I le temi leia na gaegae ai loku laumalie iate au, Na kau manatui a koe, Eteleno, Ti na kaku laku kole kiate koe, I lou faletapu maokioki.

Efeso 4:28

Ko leia na kaia ke aua na toe kaia a ia ; kae ke gaoi a ia, o fai ki ona lima le nea leia e malie, ke maua se nea leia ke soli ki leia e mativa.

Lua tosi ki le kau Tesalonika 3:8

Na leaise motou kai noa se pane a se tasi, kae i le gaoi ti mo le pakia, na motou gaoi i le po mo le ao, o tupu ke aua na motou liliu ko se kavega ki se tasi ia koutou.

Tuifakamaau 9:4

Ti na lotou soli loa kia Amaleke ni fa sikele paaga e kau fitu mei le fale tapu o Paale-Peliti. Na totogi loa e Amaleke, ki le paaga lena, ni tagata veli mo ni tagata folinoa ke lotou mulimuli iate ia.