Taagapati 10:14 - Tosi Tapu

¹⁴ E tanaki e le kau poto le iloa, Kae ko le gutu o le tagata valea ko se maumau kua ofi fua.

Taagapati 10:14 Iomraidhean Croise

Taagapati 1:5

Ke fakalogo le tagata poto, ti e fakalasi loa e ia lona poto ; Ti ko leia e atamai e toe maua ia loa se tasi ake atamai,

Taagapati 10:10

Ko leia e fufu ia le maoki e fakatupu ia le mamae, Kae ko leia e valea i ona laugutu e makape ki lona maumau.

Taagapati 10:8

Ko leia e poto i lona loto e tali ia a pelesepeto, Kae ko leia e valea i ona laugutu e makape ki lona maumau.

Taagapati 12:23

E fufu e le tagata poto lona poto, Kae e fakasa e le loto o le kau vale lona valea.

Taagapati 13:3

Ko leia e tokaga ki lona gutu e taupau ia lona laumalie ; Kae ko leia e fakamavaa fakalaulasi ona laugutu e makape ki le mate.

Taagapati 17:20

Ko se loto kaka e leaise maua ia le manuia, Ti ko leia e veli lona alelo e vilo ki le malaia.

Taagapati 18:1

Ko leia e tuu kese e afa ia le nea leia e malie kiate ia, E itaita a ia ki nea fuli e poto.

Taagapati 18:15

E maua e le loto atamai le poto, Ti e afa e le taliga o le kau poto le iloa.

Taagapati 18:7

E fakatupu e le gutu o le tagata valea lona maumau, Ti ko ona laugutu ko se masele ki lona laumalie.

Taagapati 19:8

Ko leia e afa ia le fakakaukau e alofa ki lona laumalie ; Ko leia e tokaga ki le atamai e maua ia le manuia.

Taagapati 21:23

Ko leia e tokaga ki lona gutu mo lona alelo E taupau ia lona laumalie i mamae.

Taagapati 9:9

Soli ki le tagata poto, ti e liliu loa a ia o toe asili poto ; Ako le tagata faitotonu, ti e fakalasi loa e ia lona iloa.

Ekelesiasi 10:12

E apele i le kalasia a masau mei le gutu o le tagata poto ; kae e maumaui e laugutu o le tagata valea a ia totonu.

Mateo 12:35

E maua e le tagata malie ni nea malilie mei lona koloa malie, ti e maua e le tagata agaveli ni nea veveli mei lona koloa veli.

Mateo 13:44

E toe fakatatau foki le Puleaga o le atu lagi ki se koloa leia na fufu i se faigasaga. Ko le tagata leia na maua ia a ia e toe fufu ia a ia ; ti e i lona fiafia, e ano loa a ia o fakatau ana nea fuli ala na maua e ia, ke totogi ai le faigasaga lena.

Mateo 13:52

Ti na pati loa a ia kia latou : Koia ko sekelipa fuli kua ako o uiga mo le Puleaga o le atu lagi, e tatau mo se pule kaiga leia e too ia mei lona koloa ni nea foou mo ni nea afea.