Taagapati 1:5 - Tosi Tapu

⁵ Ke fakalogo le tagata poto, ti e fakalasi loa e ia lona poto ; Ti ko leia e atamai e toe maua ia loa se tasi ake atamai,

Taagapati 1:5 Iomraidhean Croise

Lua tosi o Koloniko 25:16

I le lolotoga masau a le polofeta, na pati loa Amatesia kiate ia : Pe na motou fakanofo a koe ko le tagata tokoi o le sau ? Ano kese ! Kolea e ke loto ai ke tamate a koe ? Ti na ano loa le polofeta, o pati : E kau iloa kua fakatotonu e le Atua ke maumaui a koe, o tupu na ke fai a nea ana ti na leaise ke fia fakalogo ki laku tokoi.

Sopo 34:10

Kotou fakalogo mai, koutou ala e maua ia se atamai malie ! E mamao ai i le Atua le nea e sala, E mamao ai i le Mafimafi le agaveli !

Sopo 34:16

Kapau e i ai sou atamai, ti ke ke fakalogo mai ki le nea leinei, Ke tokaga mai lou taliga ki aku masau !

Sopo 34:2

Kau poto, kotou fakalogo mai ki aku masau ! Koutou ala e atamai, kotou tokaga mai kiate au !

Sopo 34:34

E kau loa mo au a tagata fuli ala e atamai, ti e manatu tasi mo au le poto leia e logo ki aku masau.

Taagapati 12:1

Ko leia e manako ki akonaki, e manako ki le poto ; Kae ko leia e vesia ki le valoki e sala atamai.

Taagapati 14:6

E afa e le tagata gologolo le poto, kae e leaise maua e ia a ia ; Kae ko se nea faigaofie le poto ki le tagata atamai.

Taagapati 18:15

E maua e le loto atamai le poto, Ti e afa e le taliga o le kau poto le iloa.

Taagapati 19:25

Taai le tagata gologolo, ti e liliu loa le vale o poto ; Valoki le tagata atamai, ti e matala loa a ia ki le poto.

Taagapati 21:11

Ka tautea le tagata fia nealasi, e liliu le tagata valea o poto ; Ti ka ako le tagata poto, e maua e ia le iloa.

Taagapati 8:33

Kotou fakalogo ki le akonaki, ke kotou liliu o popoto, Aua na kotou tiaki a ia.

Taagapati 9:8

Aua na ke valoki le tagata gologolo, na vesia a ia kiate koe ; Valoki le tagata poto, ti e alofa loa a ia kiate koe.

Taagapati 9:9

Soli ki le tagata poto, ti e liliu loa a ia o toe asili poto ; Ako le tagata faitotonu, ti e fakalasi loa e ia lona iloa.

Ekelesiasi 9:11

Na kau toe tio foki ki nea anei i le lalo laa : E leaise gato fua ki akuila e lele gasolo, ti e leaise gato fua ki le kau toa e malo i le tau, ti e leaise gato fua ki le kau poto e maua ia le pane, ti e leaise gato fua ki le kau atamai e mou koloa, ti e leaise gato fua ki le kau poto e maua ia le logologona. Talie e fakalogo a nea fuli ki le temi mo nea ala e soko.

Uluaki tosi ki le kau Kolinto 10:15

E kau masau atu ki ni tagata poto ; kotou fakamaaui totonu le nea leia e kau masau atu ki ai.

Tetelonome 4:6

Kotou tausi loa latou ti kotou fai loa latou ; talie ko lokoutou poto mo lokoutou atamai loa a ia ki mata o atu puleaga, ala e logo loa ki le masaui o lao fuli ana ti e lotou pati loa : ko le puleaga lasi leinei, mo poto ai, mo atamai ai !