Sofoni 3:8 - Tosi Tapu

⁸ Koia e pati ai le Eteleno : Kotou talitali mai la kiate au ! I le aso leia e kau tuu ake ai loa o tanaki le koloa o le tau, Talie kua kau fakapapau ke fakatasi a atu puleaga, Ke fakatasi a atu puleaga sau, O tupu ke kau liligi kia latou loku sausau, Le mamafa katoa o loku ita ; Talie e tutu loa le fenua katoa e le afi o loku finenonofo.

Sofoni 3:8 Iomraidhean Croise

Pesalemo 12:5

Mo latou ala e pati : E motou makeke i omatou alelo, E motou popoto i le masau ; Ko ai e pule loa kia matou ?

Pesalemo 123:2

Ko leinei, ofaipe mata o ni tagata fakasausau e tio tuumau ki le lima o olatou pule, Ti mo mata o le fafine fakasausau ki le lima o lona fafine pule, E agaaga foki omatou mata ki le Eteleno, lomatou Atua, O kaku ki lona aloalofa mai kia matou.

Pesalemo 27:14

Ke ke amanaki malie ki le Eteleno ! Ke ke fakamakeke, ti ke fakamakeke lou loto ! Ke ke amanaki malie ki le Eteleno !

Pesalemo 37:34

Ke ke amanaki malie ki le Eteleno, ti ke ke tausi lona ala, Ti e siki loa e ia a koe o tupu ke ke maua le fenua ; E ke tio loa e motusi le kau agaveli.

Pesalemo 37:7

Ke ke fakalologo i mua o le Eteleno, ti ke ke amanaki malie kiate ia ; Ke aua na ke mamae ki leia e manuia ona ala, Ki le tagata leia e fakasoko ia ana fakatuutuu veveli.

Pesalemo 62:1

Ki le pule o le kau sua. Meia Setutune. Pesalemo a Tavite.

Pesalemo 62:5

E lotou fakakaukau ke fakaifo a ia i lona tuulaga taualuga ; E lotou maua lolatou fiafia i le loi ; E lotou tapuaki i olatou gutu, Kae e lotou fakamalaia i olatou loto. - Manava.

Pesalemo 79:5

E kaku loa kiafea, Eteleno ! lou ita tuumau, Ti mo le kaka o lou sausau ofaipe se afi ?

Pesalemo 79:6

Liligi lou sausau ki atu puleaga ala e leaise iloa ia a koe, Ti mo puleaga sau ala e leaise fetapa ki lou suafa !

Taagapati 20:22

Aua na ke pati : E kau liufaki loa le veli. Fanaki ki le Eteleno, ti e saofaki loa e ia a koe.

Katiko o Katiko 8:6

Tuku au ofaipe se fakamau ki lou mafu, Ofaipe se fakamau ki lou lima ; Talie e makeke le alofa ofaipe le mate, Ko le finenonofo e leaise ma peluki ofaipe le nofoaga o le kau mate ; Ko ona fifita ko ni fifita o le afi, Ko se afi mei le Eteleno.

Esaia 14:26

Ko lena le nea leia kua kau fakapapau ki le malama nei katoa ; Ko lena le nea leia e fai loa e loku lima falo ki atu puleaga fuli.

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 34:2

Talie kua mamae le Eteleno ki atu puleaga fuli, Ti ka vilo lona sausau ki alatou kau solia fuli : Kua tuku e ia latou ke maumaui, Kua tuku e ia latou ke tamate.

Esaia 63:6

Na kau takatakafi ni kakai i loku ita, Ti na kau fakaliliu latou ke konana i loku sausau, Ti na kau liligi lolatou toto ki le kele.

Selemia 10:25

Liligi lou sausau ki atu puleaga ala e leaise iloa ia a koe, Ti mo kakai ala e leaise fetapa ki lou suafa ! Talie e lotou kai Sakopo, e lotou kai a ia, e lotou tutu a ia ke okioki, E lotou maumaui lona nofoaga.

Oseo 12:6

Ko le Eteleno ko le Atua o kau tau ; Ko lona suafa ko le Eteleno.

Soele 3:2

E kau fakatasi loa a atu puleaga fuli, Ti e kau fakaifo loa latou ki le vaivailiua o Sosafate ; I ai, e kau fakamaau loa latou, O tupu ko loku kakai, o tupu ko Iselaele, loku tofiga, Leia na lotou fakamavetevete i atu puleaga, O tupu ko loku fenua leia na lotou vae ia latou.

Mikea 7:7

Kiate au, e kau maliu loa ki le Eteleno, E kau tuku loa laku amanaki malie ki le Atua o loku fakamauli ; E tali loa loku Atua ki aku kole.

Apakuki 2:3

Talie ko se folafola kikite leia kua oki lona temi i le fakatuutuu, E saele a ia ki lona fakasoko, ti e leaise loi loa a ia ; Kapau e tuvai a ia, talitali ki ai, Talie e soko loa a ia, E soko maoki loa a ia.

Sofoni 1:18

E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.

Akeseo 2:22

E kau maumaui loa le ekeekeaga fakasau o atu puleaga, E kau maumaui loa le makeke o atu puleaga, E kau maumaui loa a saliote tau mo latou ala e eke ai ; E tamate loa a osi mo tagata eke osi, Leia e le seleta a le leia ake.

Mateo 25:32

E fakatasi loa a atu puleaga fuli i ona mua. E vaei kese loa e ia ala mei la, ofaipe le vaei kese e le tagata tausi ovi o ovi mei koti ;

Lua tosi a Petelo 3:10

E au loa le aso o le toe liliu mai o le Aliki ofaipe se tagata kaia ; i le aso lena, e puli loa le atu lagi i se gugulu lasi, ti e vela loa a nea fuli i le lagi o okioki, ti e toe vela loa o okioki le kele mo gaoiaga i ai.

Apokalipisi 16:1

Ti na kau logo loa ki se leo makeke leia na au mei le fale tapu, o pati ki aselo e fitu : Kotou ano, ti kotou liligi ki le malama nei a ipu e fitu o le sausau o le Atua.

Apokalipisi 16:14

Talie ko ni laumalie latou o ni kau temonio, ala e fai ia ni milakulo, ti e ano ki sau o le malama nei katoa, o tanaki latou ki le tau o le aso lasi o le Atua Mafimafi.