Sofoni 2:7 - Tosi Tapu

⁷ Talie e tuku loa a mata tai ana ki toetoega o le fale o Suta ; Ko le ganea lena e lotou fagai ai loa alatou kau manu ; E lotou malolo loa i le afiafi i fale o Asekaloni ; Talie e leaise galoi loa latou e le Eteleno, lolatou Atua, Ti e toe aumai loa e ia lolatou kau popula.

Sofoni 2:7 Iomraidhean Croise

Senesi 50:24

Na pati loa Sosefo ki ona fetaina : Kua tatae loku temi mate ; kae e fakatele maoki loa le Atua kia koutou, ti e fakamavae loa e ia koutou i le fenua leinei ki le fenua leia kua fakapapau e ia ke soli kia Apalaamo, mo Isaake, mo Sakopo.

Pesalemo 80:14

E sue a ia e le puaka vao o le vaomatua, Ti e kai a ia e manu o le ulu fenua.

Pesalemo 85:1

Ki le pule o le kau sua. O vosa o Kole. Pesalemo.

Ekesote 4:31

Ti na tui loa le kakai. Na lotou iloa loa kua asiasi le Eteleno ki fanau a Iselaele, ti kua tio a ia ki lolatou mamae ; ti na lotou tulolo loa ki le kele, o fakafetai.

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Esaia 11:14

E la lele fakatasi loa ki mauga liliki o le kau Filisitini i le potu uesite, Ti e la maumaui loa mo kaia loa a koloa o vosa o le potu esite ; Ko Etome mo Moape ko le nea kai o ona lima ; Ti e fakalogo loa a vosa o Amone kia laua.

Esaia 11:16

Ti e i ai loa se ala ki le toetoega o lona kakai, Leia e toe loa mei Asilia, Ofaipe le ala leia na tuku ki Iselaele, I le aso leia na mavae ai i Esipito.

Esaia 14:1

Talie e alofa loa le Eteleno kia Sakopo, E toe filifili loa e ia Iselaele, Ti e toe fakanonofo loa e ia laua i lola fenua ; Ti e fakatasi loa mo laua le kau matapule, Ti e lotou pipiki loa ki le fale o Sakopo.

Esaia 32:14

Kua tiaki le fale fakasau, Kua lavaki le kolo logoa ; E liliu loa le mauga ikiiki mo le tule ko ni ana ; E manonogi loa i ai a asino vao, ti e kai loa i ai a kau manu,

Selemia 23:3

Kae e kau fakatasi loa le toega o laku kau ovi Mei fenua fuli ala na kau kapu latou ki ai. E kau aumai loa latou ki lolatou lotoa ; E lotou fanaunau loa ti mo liuliuga loa.

Selemia 29:10

Kae ko leinei le nea leia e fakasa e le Eteleno : Ka sili loa ni fetuu e kau fitu o Papilone, e kau toe manatui loa koutou, ti e kau fakasoko loa kia koutou laku folafola malie, o kau toe aumai loa koutou ki le ganea leinei.

Selemia 29:14

E pati le Eteleno, e kau tuku loa ke kotou maua au, ti e kau toe aumai loa okoutou kau popula. E kau fakatasii loa koutou mei puleaga fuli, mei ganea fuli ala na kau kapu koutou ki ai, e pati le Eteleno, ti e kau toe aumai loa koutou ki le ganea leia na kau ave ai koutou o fakapopula.

Selemia 3:18

I aso ana, E saele loa le fale o Suta mo le fale o Iselaele ; E la au fakatasi loa mei le fenua o le noleto Ki le fenua leia na kau tuku ke maua e okoutou tamana.

Selemia 30:3

E pati le Eteleno : E soko mai loa a aso, ti e kau toe aumai loa le kau popula o loku kakai ko Iselaele mo Suta ; e kau toe aumai loa latou ki le fenua leia kua kau soli ki olatou tamana, ti e lotou maua loa a ia.

Selemia 31:7

Talie e folafola le Eteleno, o pati : Kotou kalaga fakafiafia kia Sakopo, Kotou sua fakafiafia i mua o atu puleaga ! Kotou kalaga leo lasi, kotou sua ni fakafetai, ti kotou pati : Eteleno, fakamauli lou kakai, le toetoega o Iselaele !

Selemia 32:44

E totogi loa ni faisaga ki le paaga, E fai loa ni pepa fakamaoki, e fakamau loa latou, e too loa ni tagata fakamaoki, I le fenua o Pesamino ti mo tafatafa o Selusalemi, I kolo o Suta, mo kolo o le mauga, I kolo o le toafa, mo kolo o le potu saute ; Talie e kau toe aumai loa olatou kau popula, e pati le Eteleno.

Selemia 33:12

Koia e folafola ai le Eteleno o kau tau, o pati : E toe maua loa i le ganea leinei Leia e toafa, sala tagata mo sala manu, Ti mo ona kolo fuli, E maua loa ni nofoaga ki kau tausi manu, Ala e fakamalolo ia alatou kau manu.

Selemia 33:7

E kau toe aumai loa le kau popula o Suta mo le kau popula o Iselaele, Ti e kau fakanonofo loa latou ofaipe le temi mua.

Selemia 47:5

Kua tula le ulu o Kasa, Kua fakalologo Asekaloni, ti mo le toega o lona toafa. E kaku loa kiafea lau vaku lou tino ?

Esekiele 39:25

Koia e folafola ai le Aliki, le Eteleno, o pati : I le aso nei e kau toe aumai loa le kau popula o Sakopo, E kau alofa loa ki le fale katoa o Iselaele, Ti e kau finenonofo loa ki loku suafa maokioki.

Oseo 6:11

Kua teuteui foki kiate koe, Suta, se temi tuuti fulumeto, Mo ka kau toe aumai loa le kau popula o loku kakai.

Apetiasi 1:19

E maua loa e latou o le saute le mauga o Esau, Ti ko latou o le toafa le fenua o le kau Filisitini ; E lotou maua loa le fenua o Efalaimi mo leia o Samalia ; Ti e maua loa e Pesamino a Kalaate.

Mikea 2:12

E kau fakatasi fuli loa a koe, ei Sakopo ! E kau fakatasi loa a toetoega fuli o Iselaele, E kau fakatasi loa latou ofaipe ni ovi o se fale manu, Ofaipe se kau manu i lolatou lotoa manu ; E i ai loa se logoa lasi o tupu ko le lasi o tagata.

Mikea 4:10

Taine o Sione, mamae mo tagi ofaipe se fafine leia e fanau ! Talie i le aso nei e ke mavae loa i le kolo, ti e ke nofo loa i faisaga, Ti e ke ano loa o kaku ki Papilone ; I lena e saofaki loa a koe, Ko lena e totogi ai loa a koe e le Eteleno i le lima o ou fili.

Mikea 4:7

E kau fai loa ki le kau kito se toetoega, Kia latou ala na kapu se puleaga makeke ; Ti e sau loa le Eteleno kia latou, i le mauga o Sione, I le temi lena, o lee gato.

Sofoni 2:9

Koia e pati ai le Eteleno o kau tau, le Atua o Iselaele : E kau mauli ! E fai loa Moape pe Sotoma, ti mo fanau a Amone pe Komola, Ko se ganea apele i vao talatala, ko se lameni patai, ko se toafa ki lee gato ; E maumaui loa a ia e le toega o loku kakai, E maua loa latou e le toega o loku puleaga.

Sofoni 3:13

E leaise toe fai loa e toetoega o Iselaele se agaveli, E leaise lotou toe fai loa se loi, Ti e leaise toe maua loa i lolatou gutu se alelo kaka ; Kae e lotou kai loa, e lotou malolo loa, ti e leaise toe fakaveli loa se tasi kia latou.

Sofoni 3:20

I le aso lena, e kau toe aumai loa koutou ; I le aso lena, e kau fakatasi loa koutou ; Talie e kau fakaliliu loa koutou ko se tupuaga o le fakavikiviki mo le kololia I lotolotoga o kakai fuli o le malama nei, Mo ka kau toe aumai loa lokoutou kau popula i mua o okoutou mata, E pati le Eteleno.

Akeseo 1:12

Ko Solopapele, vosa o Saletiele, mo Sosue vosa o Sotesatake, le tagata faisakilifisio lasi, ti mo le toega fuli o le kakai, na logo loa ki le leo o le Eteleno, lolatou Atua, ti mo folafola a Akeseo, le polofeta, o mulimuli ki le kauga leia kua tuku kiate ia e le Eteleno, lolatou Atua. Ti na maua loa e le kakai se i ki le Eteleno.

Akeseo 2:2

Masau kia Solopapele, vosa o Saletiele, ko le kovana o Suta, mo Sosue, vosa o Sotesatake, le tagata faisakilifisio lasi, ti mo le toega o le kakai, o pati kia latou :

Luka 1:68

Fakafetai ki le Aliki, le Atua o Iselaele, Talie kua asiasi a ia ki lona kakai ti kua totogi e ia a ia,

Luka 7:16

Na maua loa e le kakai katoa se i, ti na lotou fakakololia loa ki le Atua, o pati : Kua sa se polofeta lasi ia tatou, ti kua fakatele le Atua ki lona kakai.

Gaoi 8:26

Na masau loa se aselo o le Aliki kia Filipo, o pati : Tuu ki aluga, ti ke ano ki le potu saute, ki le ala leia e ifo mei Selusalemi ki Kasa, leia e toafa.

Gaoi 8:40

Kae na kaku loa Filipo ki le kolo o Asoti, ti na fakamafola loa e ia le logo malie o Sesu i kolo fuli ala na fakalaka ai, o kaku ki lana kaku ki Sesalea.

Loma 11:5

Ti e toe fenaaki foki i le temi nei, e i ai se toetoega o mulimuli ki le filifili o le kalasia.

Lute 1:6

Ti na tuu ake loa Naomi, a ia mo ona fugao, ke lotou mavae i le fenua o Moape, talie na logo loa a ia i le fenua o Moape kua asiasi le Eteleno ki lona kakai ti kua soli e ia se pane kiate ia.