Sofoni 1:14 - Tosi Tapu

¹⁴ Kua ofi le aso lasi o le Eteleno, Kua ofi mai a ia, ti e au fakatavili a ia. E fakasa e le aso o le Eteleno lona leo, Ti e fai e le tagata toa ni tagi mamae.

Sofoni 1:14 Iomraidhean Croise

Esaia 15:4

Kua pa kalaga Eseponi mo Eleale, Ti kua logo ola leo o kaku ki Saatese ; Kua tagi vale foki a tagata tau o Moape, Talie kua i olatou loto.

Esaia 33:7

Ko leinei, le kau toa E fai ia ni kalaga i fafo ; Ko tagata avelogo o le tokamalie E fetagisi fakaveliveli ai.

Esaia 66:6

E au se leo makeke mei le kolo, E ulu se leo mei le fale tapu. Ko le leo o le Eteleno, Leia e tuku ia ki ona fili lolatou totogi.

Esaia 8:22

Ti e toe tio loa a ia ki le kele, Ti ko leinei, ko le mamae, mo le fakapouli, mo tuania fakaii : E tuku loa a ia ki se fakapouli matotolu.

Selemia 25:36

E logo ki tagi a le kau tausi manu, Ki tagi laulau a le kau takitaki o kau manu, Talie kua maumaui e le Eteleno olatou faisaga mutie.

Selemia 30:7

Malaia ! Talie e lasi le aso lena ; E leaise sona tatau : Ko se temi mamae kia Sakopo, Kae e saofaki loa a ia i ai.

Selemia 46:5

Kolea e kau tio ki ai ? E lotou i, e lotou solomuli ; Kua lava olatou tagata toa ; Kua lotou sosola, e leaise lotou toe tio ki muli… Kua takatakai latou e le i, e pati le Eteleno.

Selemia 48:41

Kua too Kelisoti, Kua too e le fili a kolo tau, Ti kua fai a mafu o tagata toa o Moape i le aso lena Pe le mafu o le fafine e fanau.

Esekiele 12:23

Koia, ke ke pati kia latou : E folafola le Aliki, le Eteleno, o pati : E kau fakagato loa a masau gologolo ana : E leaise toe fai loa latou i le fenua o Iselaele. Kae ke ke pati kia latou : Kua ofi mai a aso Ala e fakasoko ai loa a tio fuli.

Esekiele 30:3

Talie kua ofi mai le aso, kua ofi mai le aso o le Eteleno, Aso fakapouli : Ko le aso loa lena o atu puleaga.

Esekiele 7:12

Kua soko mai le temi, kua ofi mai le aso ! Ke aua na fiafia leia e totogi, Ke aua na mamae leia e fakatau ! Talie kua mapaa le sausau ki le kakai katoa.

Esekiele 7:16

Ko latou ala na sao e sosola, E lotou nonofo i mauga, ofaipe lupe o vaivailiua, e Lotou fetagisi fuli O tupu ko alatou agaveli.

Soele 1:15

Oi, se aso fakaii ! Talie kua ofi mai le aso o le Eteleno : E au a ia ofaipe se maumau mei le Mafimafi.

Soele 2:1

Kotou pupusi le fakatagi pupusi i Sione ! Kotou fakagugulu le fakatagi pupusi i loku mauga tapu ! Ke lulu kakai fuli o le fenua ! Talie kua au le aso o le Eteleno, talie kua ofi mai a ia,

Soele 2:11

E fakagugulu e le Eteleno lona leo i mua o lana kau tau ; Talie e lasi ai lona nofolaga solia, Ti e makeke leia e fakasoko ia lana folafola ; Talie e lasi le aso o le Eteleno, e fakaii a ia : Ko ai e feala loa ke tuu i ai ?

Soele 2:31

E fetogi loa le laa o fakapouli, Ti mo le masina o toto, I mua o le soko mai o le aso o le Eteleno, O le aso lasi lena mo fakaii.

Soele 3:14

Ko se kakai toka api, ko se kakai toka api, I le vaivailiua o le fakamaau. Talie kua ofi le aso o le Eteleno, I le vaivailiua o le fakamaau.

Soele 3:16

Mei Sione e gugulu le Eteleno, Mei Selusalemi e logo lona leo ; Kua galulu le lagi mo le kele. Kae ko le Eteleno ko se mumuniaga ki lona kakai, Se puipuiaga ki fanau a Iselaele.

Amosi 8:2

Na pati loa a ia : Kolea e ke tio ki ai, Amosi ? Na kau tali loa : Ki se kete fuai laakau. Ti na pati mai loa le Eteleno kiate au : Kua soko mai le fakaoki ki loku kakai ko Iselaele ; E leaise kau toe fakamolemole loa kiate ia.

Sofoni 1:10

I le aso lena, e pati le Eteleno, E i ai loa ni tagi i le matapa o ika, Mo ni tagi laulau i le kolo foou, Ti mo se maumau lasi i mauga liliki.

Sofoni 1:7

Fakalologo i mua o le Aliki, le Eteleno ! Talie kua ofi le aso o le Eteleno, Talie kua teuteu e le Eteleno le sakilifisio, ti kua filifili e ia ana kau fakaafe.

Malakia 4:5

Ko leinei, e kau kakau loa kia koutou Elia, le polofeta, I mua o le soko mai o le aso o le Eteleno, Le aso lasi mo fakaii lena.

Gaoi 2:20

E fakapouli loa le laa, Ti e toto loa le masina, Imua o le soko o le aso o le Aliki, Ole Aso lasi lena ti mo fakakololia.

Filipe 4:5

Ke iloa lokoutou agamalie e tagata fuli, kua ofi le Aliki.

Uluaki tosi ki le kau Tesalonika 4:16

Talie e ifo loa le Aliki totonu mei le lagi, i se kalaga fakalagiaki, i le leo o se alekaselo, ti mo le tagi o le fakatagi pupusi a le Atua : ti ko le kau mate ia Kilisito e toe tuuake loa i mua.

Epelo 12:26

a ia leia na lui ia loa le malama nei ki lona leo i mua, kae kua fai ia kia tatou i le temi nei le fakapapau leinei : i se tasi faiaga e kau lui ai loa o leaise gato fua i le malama nei, kae mo le lagi foki.

Sakopo 5:9

Fetaina, aua na kotou felaugaaki a la ki la, talie ke aua na fakamaaui koutou e le Atua ; ko leinei, kua tuu le tui fakamaau i le matapa.

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.