Soele 3:9 - Tosi Tapu

⁹ Kotou fakasa a nea ana i lotolotoga o atu puleaga ! Kotou teuteu ki le tau ! Kotou fafagu a tagata toa ! Ke lotou fakafeofi mai, ke lotou pale mai, Tagata tau fuli !

Soele 3:9 Iomraidhean Croise

Pesalemo 96:10

Kotou fakasa i le lotolotoga o atu puleaga : E sau le Eteleno ; Koia e tuu mau ai le malama nei, e leaise taugaoi a ia. E fakamaau e le Eteleno le kakai i le maoki.

Esaia 34:1

Atu puleaga, kotou fakafeofi mai, o fakalogo ! Kakai, kotou tokaga ! Ke logo le kele, a ia mo nea fuli e fakaapele ia a ia, Ke fakamaoki le malama nei, a ia mo nea fuli na tupu i ai !

Selemia 31:10

Atu puleaga, kotou fakalogo mai ki le folafola a le Eteleno, Ti kotou fakasa ia i atu motu mamao ! Kotou pati : Ko leia na fakamavetevete ia Iselaele e toe fakatasi ia loa a ia, Ti e taupau loa e ia a ia ofaipe le tagata tausi manu e taupau ia lana kau manu.

Selemia 50:2

Kotou fakasa le nea leinei ki atu puleaga, kotou futi se manumanu ! Kotou logologo a ia, aua na kotou fufu se nea e tasi ! Kotou pati : Kua too Papilone ! Kua luma Pele, kua fati Melotake ! Kua luma ona taulaatua, kua fatifati ona fakatata !

Selemia 51:11

Kotou fakamatakakai a gasau, Kotou too a paletau ! Kua fakamakeke e le Eteleno a loto o sau o Meti, Talie kua loto a ia ke maumaui Papilone ; Talie ko le lagavaka a le Eteleno, Le lagavaka o lona fale tapu.

Selemia 51:27

Kotou fakatuu se manumanu i le fenua ! Kotou pupusi le fakatagi pupusi i atu puleaga ! Kotou teuteu a atu puleaga kiate ia ! Kotou kalagai kiate ia a puleaga o Alalate, mo Mine, mo Asekenase ! Kotou fakanofo ni pule kiate ia ! Kotou fakasaele kiate ia a osi ofaipe ni seseivaka !

Selemia 6:4

Kotou teuteu ke osoi a ia ! Tou ano, tou pale i le lalatea totonu !… Malaia kia tatou, talie kua toetoe le aso, Kua fakaloloa a malu le afiafi.

Esekiele 38:17

Koia e folafola ai le Aliki, le Eteleno, o pati : Pe ko koe leia na kau masau ki ai i mua I aku tagata fakasausau le kau polofeta o Iselaele, Ala na kikite i le temi a ia, i lolotoga o fetuu, E kau aumai loa a koe kia latou ?

Esekiele 38:7

Ke ke teuteu, ke ke tuu tokaga, A koe, mo lou kakai api lena kua tanaki i ou tafa ! Ke ke nofo ko lolatou pule !

Mikea 3:5

Koia e folafola ai le Eteleno ki le kau polofeta ala e fakasese ia loku kakai, Ala e fakasa ia le tokamalie mo kapau e maua e olatou nifo se nea ke uuti, Ala e fakasa ia le tau mo kapau e leaise soli ake se nea ki olatou gutu :

Akeseo 2:7

E kau luui loa a atu puleaga fuli ; E aumai loa a koloa o atu puleaga fuli, ti e kau fakaapele loa ki le kololia le fale leinei, E pati le Eteleno.

Sakalia 14:2

E kau fakatasi loa a atu puleaga fuli ke lotou osoi Selusalemi. E too loa le kolo, e kaia loa a fale, ti e fakamakeke loa a fafine. E ano loa le vaelua o le kolo ki le popula. Kae e feala loa ke nofo le toega o le kakai i le kolo.

Sakalia 14:3

E sa loa le Eteleno, ti e taui loa e ia a puleaga ana, Ofaipe lana tau i le aso o le velo.