Soele 3:7 - Tosi Tapu

⁷ Ko leinei, e kau toe aumai loa latou mei le ganea lena na kotou fakatau latou ki ai ; Ti e kau toe fakavilo loa ki okoutou ulu lakoutou lagavaka.

Soele 3:7 Iomraidhean Croise

Esitele 7:10

Ti na tautau loa a Amane ki le laakau leia na teuteui e ia kia Maletoseo. Ti na malu loa le ita o le sau.

Esaia 11:12

E siki loa e ia se manumanu ki atu puleaga, E fakatasi loa e ia le kau popula o Iselaele, Ti e aumai loa e ia le kau mavetevete o Suta, Mei potupotu e fa o le malama nei.

Esaia 49:12

Ko nei latou, e lotou au mei mamao, Ko iki mei le potu noleto mo le potu uesite, Ko iki mei le fenua o Sinime.

Esaia 66:6

E au se leo makeke mei le kolo, E ulu se leo mei le fale tapu. Ko le leo o le Eteleno, Leia e tuku ia ki ona fili lolatou totogi.

Selemia 23:8

Kae e pati loa : E mauli le Eteleno, Leia na fakamavae ia ti na aumai ia Le sakoga o le fale o Iselaele mei le fenua o le potu noleto, Ti mo fenua fuli ala na kau kapu latou ki ai ! Ti e lotou nonofo loa i lolatou fenua.

Selemia 30:10

Ti ko koe, Sakopo, laku tagata fakasausau, aua na ke i, e pati le Eteleno ; Aua na loto gaegae, Iselaele ! Talie e kau saofaki loa a koe i le kele mamao, E kau saofaki loa lou sakoga i le fenua leia na nofo popula ai. E toe liliu loa Sakopo, ti e fiafia loa a ia i le malolo mo le fimalie, Ti e leaise toe fakaveli loa se tasi kiate ia.

Selemia 30:16

Kae e maoki e kai loa latou fuli ala na kai ia a koe, Ti ko ou fili fuli, io fulifuli, e ano loa ki le popula ; Ko latou ala na fakatelefua ia a koe e telefua loa, Ti e tuku loa ki le kaia latou fuli ala na kaia ia a koe.

Selemia 31:8

Ko leinei, e kau aumai latou mei le fenua o le potu noleto, E kau fakatasi latou mei potupotu o le malama nei ; E kau ia latou le kivi mo le kito, Le fafine tinae mo leia e fanau ; Ko se kakai lasi ai, leia e toe liliu mai ki leinei.

Selemia 32:37

Ko leinei, e kau fakatasi mai loa latou mei fenua fuli ala na kau kapu latou ki ai, I loku mamae, mo loku sausau, mo loku fitaa lasi ; E kau toe aumai loa latou ki le ganea leinei, Ti e kau fakanonofo loa latou i ai, i le fimalie.

Esekiele 36:24

E kau too loa koutou i loto malie o atu puleaga, ti e kau fakatasii loa koutou i fenua fuli, ti e kau aumai loa koutou ki lokoutou fenua.

Esekiele 38:8

E sili loa ni aso mauke, e ke nofo loa ko lolatou pule ; E oki loa ni fetuu, e ke saele loa ki le fenua Leia na sao lona kakai i le seleta, Ti na fakatasi mei ni fenua mauke Ki mauga o Iselaele ala na lavaki fualoa. E lotou nofo kese loa i atu puleaga, E lotou fimalie loa i olatou nofoaga.

Soele 3:4

Kolea le nea e kotou loto ki ai, Tile mo Sitone, Ti mo koutou fuli, fenua o le kau Filisitini ? Pe kotou loto ke kotou lagavaka mai kiate au ? Kapau e kotou fia lagavaka mai kiate au, E leaise tuvai loa laku fakavilo lakoutou lagavaka ki okoutou ulu.

Sakalia 9:13

Talie e kau fakamakona loa a Suta ofaipe se kalolo, E kau fai loa ki Efalaimi laku gasau, Ti e kau lagai loa au fanau, ei Sione, Ki au fanau, ei Savani ! E kau fakaliliu loa a koe ofaipe le seleta a se tagata toa.

Mateo 7:2

Talie e fakamaui loa koutou ki le fakamaau leia na kotou fai, ti e fuafua loa koutou ki le fua leia na kotou fakaaoga.

Lua tosi ki le kau Tesalonika 1:6

Talie e faitotonu le Atua ke totogi le mamae kia latou ala e fakamamae ia koutou,

Sakopo 2:13

talie e sala manavaalofa le fakamaau ki leia na leaise manavaalofa ; kae e malo le manavaalofa i le fakamaau.

Apokalipisi 13:10

Kapau na fakatuutuu se tasi ki le fakapopula, ti e ano loa a ia ki le fakapopula ; kapau e tamate se tasi ki le seleta, e tonu ke tamate a ia ki le seleta. Ko leinei le kataki fualoa mo le tui a le kau sagato.

Apokalipisi 16:6

Talie na lotou liligi ia le toto o le kau sagato mo le kau polofeta, ti kua ke soli kia latou le toto ke lotou inu : Talie e feauga mo latou.

Apokalipisi 19:2

talie e agatonu mo maokioki ana fakamaau ; kua fakamaaui e ia le fafine fai feauaki lasi leia na fakakelekele ia le kele ki lana fai feauaki, ti kua totogi e ia le toto o ana tagata fakasausau ki lona lima.

Tuifakamaau 1:7

Na pati loa Atoni-Peseki : na tae e sau e tino fitu, ala na tutuuti a maikao matua o olatou lima mo olatou vae, a toega kai i lalo o loku laupapa kai : Kua toe liufaki loa e le Atua kiate au le nea leia na kau aga o fai. Na ave loa le sau ki Selusalemi, ti na mate loa a ia i ai.

Uluaki tosi a Samuele 15:33

Na pati loa Samuele : Ofaipe lau seleta leia na fakaliliu ia ni fafine o sala fanau, e sala vosa loa lou tinana i fafine ana kua sala fanau. Ti na tutuuti loa e Samuele a Akake i mua o le Eteleno, i Kilikale.