Soele 3:4 - Tosi Tapu

⁴ Kolea le nea e kotou loto ki ai, Tile mo Sitone, Ti mo koutou fuli, fenua o le kau Filisitini ? Pe kotou loto ke kotou lagavaka mai kiate au ? Kapau e kotou fia lagavaka mai kiate au, E leaise tuvai loa laku fakavilo lakoutou lagavaka ki okoutou ulu.

Soele 3:4 Iomraidhean Croise

Lua tosi o Koloniko 21:16

Ti na lagai ake loa e le Eteleno le kau Filisitini mo le kau Alape ala na nonofo i tafatafa o le kau Etiopia ke taui Solame.

Esaia 14:29

Aua na ke fakafiafia, fenua o le kau Filisitini, I le fatii o le laakau leia na taai ia a koe ! Talie e ulu loa mei le aka o le gata se gata utikona, Ti e liliu loa lona fua ko se talakone lele.

Esaia 34:8

Talie ko se aso o le totogi ki le Eteleno, Ko se fetuu o le liufaki o nea ala na fai ki Sione.

Esaia 59:18

E liufaki loa e ia ki le tagata taki toka tasi o mulimuli ki ana gaoi, Le sausau kia latou ala na vesia kiate ia, Le totogi ki ona fili, E tuku loa e ia le totogi ki atu motu.

Selemia 47:1

Ti na tuku loa le folafola a le Eteleno kia Selemia, le polofeta, o uiga mo le kau Filisitini, i mua o le taai o Kasa e Falaone.

Selemia 47:4

Talie kua soko mai le aso leia e maumaui ai loa le kau Filisitini katoa, Ti e tamate ai loa latou fuli ala koi tokoi ki Tile mo Sitone ; Talie e maumaui loa e le Eteleno le kau Filisitini, Mo toetoega o le motu ko Kafetoli.

Selemia 51:6

Kotou sosola i Papilone, ti ke tasi saofaki e le tagata lona mauli, Ke aua na kotou mamate i lona maumau ! Talie ko se temi o le lagavaka ki le Eteleno ; E totogi e ia kiate ia o mulimuli ki ana gaoi.

Soele 2:10

I olatou mua e lulu le kele, E galulu le atu lagi, E fakapouli le laa mo le masina, Ti e puli le gigila o fetuu.

Soele 2:2

Aso o fakapouli mo le pouli loloto, Aso o ao mo kokofu, E au a ia ofaipe le mafola o le pouli i aluga o mauga. Ko leinei se kakai toka api mo makeke, Leia e leai sona tatau, Ti e leaise toe maua sona tatau i temi ki muli.

Mateo 11:21

Malaia kiate koe, Kolasini ! Malaia kiate koe, Petesaita ! Talie, kanapau na fai a milakulo ala na fai i loto malie o koutou i Tile mo Sitone, kua fualoa ake lolatou fakasemala, o too le taga mo le mugalafu.

Mateo 11:22

Koia, e kau pati atu ai kia koutou : I le aso o le fakamaau e tautea loa a Tile mo Sitone, o maamaa ake ia koutou.

Luka 10:13

Malaia kiate koe, Kolasini ! Malaia kiate koe, Petesaita ! Talie kanapau na fai i Tile mo Sitone a milakulo ala na fai i loto malie o kolua, kua fualoa ake lola fakasemala, o too le taga mo le mugalafu.

Luka 10:14

Koia, i le aso o le fakamaau, e tautea ai loa a Tile mo Sitone o maamaa ake ia koulua.

Luka 18:7

Pe leaise faitotonu loa le Atua ki ana filifilia, ala e kalaga kiate ia i le ao mo le po ? pe fakatuvai loa a ia kia latou ?

Gaoi 9:4

Na vilo loa a ia ki lalo, ti na logo loa a ia ki se leo leia e pati mai kiate ia : Saulo, Saulo, kolea e ke fakavelivelii ai au ?

Tetelonome 32:35

A aku le lagavaka mo le totogi, I le aso leia e seke ai loa olatou vae ! Talie kua ofi fua le aso o lolatou malaia, Ti e leaise toe tuvai loa le nea leia e talitali kia latou !

Lua tosi ki le kau Tesalonika 1:6

Talie e faitotonu le Atua ke totogi le mamae kia latou ala e fakamamae ia koutou,

Tuifakamaau 11:12

Na kakau loa e Sefete ni tagata avelogo ki le sau o vosa o Amone, o pati kiate ia : Pe i ai se nea i le vasa o ou mo au ke ke au ai o taui au i loku fenua ?