Soele 3:2 - Tosi Tapu

² E kau fakatasi loa a atu puleaga fuli, Ti e kau fakaifo loa latou ki le vaivailiua o Sosafate ; I ai, e kau fakamaau loa latou, O tupu ko loku kakai, o tupu ko Iselaele, loku tofiga, Leia na lotou fakamavetevete i atu puleaga, O tupu ko loku fenua leia na lotou vae ia latou.

Soele 3:2 Iomraidhean Croise

Lua tosi o Koloniko 20:26

I le fa o aso, na lotou fakatasi loa i le vaivailiua o Pelaka, ti na lotou fakavikiviki loa ki le Eteleno ; koia na lotou fakaigoa ai loa le ganea lena ko le vaivailiua o Pelaka, ti na tuu loa le igoa lena o kaku mai ki le aso nei.

Esaia 66:16

Talie e fai e le Eteleno ana fakamaauaga ki le afi, Ti e tautea e ia a kanofi fuli ki le seleta ; Ti e toka api loa latou ala e tamate loa e le Eteleno.

Esaia 66:18

E kau iloa alatou gaoi mo alatou manatu. Kua soko mai le temi leia ke fakatasi ai a atu puleaga fuli Ti mo masau fuli ; E lotou au loa ti e lotou tio loa ki loku kololia.

Selemia 12:14

E folafola le Eteleno kia latou fuli ala e nonofo i oku tafatafa, ala ko ni kau agaveli, Ala e oso le tofiga leia na kau tuku ki loku kakai ko Iselaele : Ko leinei, e kau taaki loa latou i lolatou fenua, Ti e kau taaki loa le fale o Suta mei loto malie o latou.

Selemia 25:31

E kaku loa le logoa ki potupotu o le malama nei ; Talie kua fefele le Eteleno mo atu puleaga, Ti kua fakamaui e ia tagata fuli, Ti kua tuku e ia le kau agaveli ki le seleta, e pati le Eteleno.

Selemia 49:1

Ki fanau a Amone. E folafola le Eteleno, o pati : Pe leaise maua e Iselaele se vosa ? Pe leaise maua e ia se tasi ke mau tofiga ? Kolea e maua ai e Malekome a Kate, Ti e nofo ai lona kakai i ona kolo ?

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Esekiele 25:8

E folafola le Aliki, le Eteleno, o pati : O tupu na pati Moape mo Seili : Ko leinei, e fai le fale o Suta pe puleaga fuli !

Esekiele 34:6

E sese laku kau manu i aluga o mauga fuli, i aluga o mauga liliki, ti e mavetevete laku kau manu i le fenua katoa. E leaise tokaga se tasi kiate ia, ti e leaise afa a ia e se tasi.

Esekiele 35:10

O tupu na ke pati : Ko puleaga ana e lua o Iselaele mo Suta, ko fenua ana e lua, a aku loa laua, Ti e motou maua loa laua, Pe nofo foki le Eteleno i ai.

Esekiele 36:1

Ti ko koe, vosa o le tagata, kikite ki mauga o Iselaele ! E ke pati loa : Mauga o Iselaele, kotou fakalogo mai ki le folafola a le Eteleno !

Esekiele 36:5

E folafola le Aliki, le Eteleno, o pati : Io, i le afi o loku finenonofo, E kau masau ki la ake puleaga ti mo Etome katoa, Ala na too ia loku fenua ma latou, I le fiafia katoa o lolatou loto mo lolatou vesia kiate ia, O tupu ke lotou kaia ona fua.

Esekiele 38:22

E kau fai loa aku fakamaau kiate ia ki le taumasaki ti mo le toto, Ki se ua makeke ti mo se ua fatu aisi ; E kau fakavilo loa le afi mo le sufele kiate ia ti mo ana solia katoa, Ti mo kakai api ala e kau loa mo ia.

Esekiele 39:11

I le aso lena, E kau soli loa ki Koke se ganea ke fai ai lona tanuma i Iselaele, Le vaivailiua o le kau fanoga, i le potu esite o le tai ; E tapono loa e le tanuma lena le ala ki le kau fanoga. Ko lena le ganea e tanu ai loa a Koke mo lona kakai api katoa, Ti e fakaigoa loa le vaivailiua lena ko le vaivailiua o le kakai toka api o Koke.

Soele 3:12

Ke alaala a atu puleaga, ti ke lotou pale Ki le vaivailiua o Sosafate ! Talie i lena e kau ekeeke loa o fakamaau a puleaga fuli o tafatafa.

Soele 3:14

Ko se kakai toka api, ko se kakai toka api, I le vaivailiua o le fakamaau. Talie kua ofi le aso o le Eteleno, I le vaivailiua o le fakamaau.

Amosi 1:11

Koia e folafola ai le Eteleno, o pati : O tupu ko agaveli e tolu a Etome, Ti e fa foki, e leaise kau toe fetogi laku fakatotonu, Talie na kapu e ia ona fetaina ki le seleta, Ti na tapono e ia lona manava alofa, Talie e sae tuumau aifai lona ita, Ti e taupau tuumau aifai e ia lona itaita.

Mikea 4:12

Kae e leaise lotou iloa a manatu a le Eteleno, E leaise lotou matala ki ana fakatuutuu, E leaise lotou iloa ko ia leia na fakatasi ia latou ofaipe ni fui fulumeto i le sasaaga fulumeto.

Sofoni 3:8

Koia e pati ai le Eteleno : Kotou talitali mai la kiate au ! I le aso leia e kau tuu ake ai loa o tanaki le koloa o le tau, Talie kua kau fakapapau ke fakatasi a atu puleaga, Ke fakatasi a atu puleaga sau, O tupu ke kau liligi kia latou loku sausau, Le mamafa katoa o loku ita ; Talie e tutu loa le fenua katoa e le afi o loku finenonofo.

Apokalipisi 11:18

Na iita a atu puleaga ; kae kua au lou sausau, ti kua soko mai le temi ke fakamaaui ai le kau mate, ti ke fakapale ai au tagata fakasausau ko le kau polofeta, mo le kau sagato, mo latou fuli ala na i ki lou suafa, liliki mo lalasi, ti ke maumaui ai latou ala na maumaui ia le kele.

Apokalipisi 16:14

Talie ko ni laumalie latou o ni kau temonio, ala e fai ia ni milakulo, ti e ano ki sau o le malama nei katoa, o tanaki latou ki le tau o le aso lasi o le Atua Mafimafi.

Apokalipisi 16:16

Ti na lotou fakatasii loa latou i le ganea leia e igoa i le fakaepeleo ko Alemaketone.

Apokalipisi 16:6

Talie na lotou liligi ia le toto o le kau sagato mo le kau polofeta, ti kua ke soli kia latou le toto ke lotou inu : Talie e feauga mo latou.

Apokalipisi 20:8

Ti e ano loa a ia, o fakasalai a puleaga ala e tuu i potupotu e fa o le malama nei, a Koke mo Makoke, ke fakatasi laua ki le tau ; ko lolatou api na faipe le one o le tai.