Soele 3:16 - Tosi Tapu

¹⁶ Mei Sione e gugulu le Eteleno, Mei Selusalemi e logo lona leo ; Kua galulu le lagi mo le kele. Kae ko le Eteleno ko se mumuniaga ki lona kakai, Se puipuiaga ki fanau a Iselaele.

Soele 3:16 Iomraidhean Croise

Pesalemo 18:2

E kau alofa kiate koe, Eteleno, loku makeke !

Pesalemo 29:11

E soli e le Eteleno le makeke ki lona kakai. E tapuaki le Eteleno ki lona kakai, ti e fakafiafia e ia a ia.

Pesalemo 61:3

E kau tagi kiate koe mei le potupotu o le malama nei, i le taomia o loku loto ; Ke ke taki au ki le utu leia e leaise mafai ke kau kaku ki ai !

Taagapati 18:10

Ko le suafa o le Eteleno ko se tule makeke ; E sola ki ai le tagata agatonu, ti e maua e ia se fimalie.

Esaia 33:16

Ko ia lena e nofo loa i ni ganea taualuga ; Ko lona maloloaga loa ko ni utu makeke ; E soli loa kiate ia se pane, Ti e sali tuumau loa kiate ia se vai.

Esaia 33:21

Ko lena le ganea leia e sa ai loa le fulumalie o le Eteleno kia tatou. E maua loa i ai ni liua kia tatou, ni vaitafe lalasi Ala e leaise ulu loa ki ai ni vaka foe, Ti e leaise ano ai loa se vaka tau.

Esaia 42:13

E saele mai le Eteleno ofaipe se tagata toa, E fakasa e ia lona sausau ofaipe se tagata tau ; E siki e ia lona leo, e laku e ia ni kalaga makeke, E fakasa e ia lona makeke ki ona fili.

Esaia 51:16

E kau tuku aku masau ki lou gutu, Ti e kau fakamalumalu a koe ki loku lima, Ke folasi ni atu lagi foou ti ke fakatuu se kele foou, Ti ke pati ki Sione : Ko loku kakai a koe !

Selemia 16:19

Eteleno, ko koe ko loku makeke, ko loku fanakiaga, ko loku mumuniaga i le aso o le mamae ! E au loa kiate koe a atu puleaga mei potupotu o le kele, Ti e lotou pati loa : Ko loi ata a lotu o omatou tamana, E leaise uiga fua ti e leaise aoga fua a taulaatua.

Selemia 17:17

Aua na ke liliu kiate au ko se nea fakaii, A koe ko loku mumuniaga i le aso o le malaia !

Esekiele 38:19

E kau fakamaoki, i loku finenonofo mo le lasi o loku sausau, I le aso lena, e i ai loa se maveuveu lasi I le fenua o Iselaele.

Oseo 11:10

E lotou mulimuli loa i le Eteleno, leia e gugulu loa ofaipe se laione, Talie e gugulu loa a ia, ti e fekapu mai loa a fanau mei le tai.

Amosi 1:2

Na pati loa a ia : Mei Sione e gugulu le Eteleno, Mei Selusalemi e fakasa e ia lona leo. E tagi laulau a lotoa a le kau tausi manu, Ti kua malo le tumutumu o le Kalemelo.

Amosi 3:8

E gugulu le laione : Ko ai e leaise i loa ? E folafola le Aliki, le Eteleno : ko ai e leaise kikite loa ?

Naume 1:7

E agamalie le Eteleno, Ko se mumuniaga a ia i le aso o le mamae ; E iloa e ia latou ala e fanaki kiate ia.

Akeseo 2:6

Talie e folafola le Eteleno o kau tau : Koi toe fua se ga temi ikiiki, Ti e kau luui loa le atu lagi mo le malama nei, Le tai mo le kele malo.

Akeseo 2:7

E kau luui loa a atu puleaga fuli ; E aumai loa a koloa o atu puleaga fuli, ti e kau fakaapele loa ki le kololia le fale leinei, E pati le Eteleno.

Sakalia 10:12

E kau fakamakeke loa latou i le Eteleno, Ti e lotou saele loa i lona suafa, E folafola le Eteleno.

Sakalia 10:6

E kau fakamakeke loa le fale o Suta, Ti e kau saofaki loa le fale o Sosefo ; E kau toe aumai loa latou, talie e kau alofa loa kia latou, Ti e lotou fai loa pe ni iki ala na leaise kau tiaki ; Talie ko au ko le Eteleno, lolatou Atua, ti e kau tali loa latou.

Sakalia 9:12

Kotou toe liliu ki le kolo makeke, kau popula kua apele i le amanaki malie ! I le aso nei foki e kau fakasa maoki, E kau toe soli loa kiate koe o liuga lua.

Epelo 12:26

a ia leia na lui ia loa le malama nei ki lona leo i mua, kae kua fai ia kia tatou i le temi nei le fakapapau leinei : i se tasi faiaga e kau lui ai loa o leaise gato fua i le malama nei, kae mo le lagi foki.

Apokalipisi 11:13

I le ola lena, na to loa se mafuike lasi, ti na solo loa ki lalo le vaega kau agafulu o le kolo ; ti na mamate loa a tagata e tino fitu afe i le mafuike lena, ti ko le toega o le kakai na lulu loa i le i, ti na lotou fakakololia loa ki le Atua o le lagi.

Apokalipisi 11:19

Ti na fakamavaa loa le fale tapu o le Atua i le lagi, ti na sa loa le aleka o lona sai i lona fale tapu. Ti na i ai loa ni uila, mo ni leo, mo ni mana, mo se mafuike, ti mo se ua fatu makeke.

Apokalipisi 16:18

Ti na i ai loa ni uila, mo ni leo, mo ni mana, mo se mafuike lasi, ti koi soko la le mafuike lasi fenaaki talu mei le fakatupu o le tagata i le malama nei.

Uluaki tosi a Samuele 15:29

Ko ia leia ko le makeke o Iselaele e leaise loi ti e leaise toe fakasemala, talie e leaise ko se tagata a ia ke fakasemala.