Soele 2:3 - Tosi Tapu

³ E ano se afi kaka i ona mua ; Ti e muli iate ia se ula vevela ; Na fai le fenua i mua pe se oloto o Eteni, Kae talu mei ai, ko se toafa fakaii a ia : E leaise sao se nea iate ia !

Soele 2:3 Iomraidhean Croise

Senesi 13:10

Na siki loa e Lote ona mata ki aluga, ti na tio loa a ia ki le fenua o le Solotane leia na laumalie katoa ti na fakavai katoa. O kaku ki Tesoa, i mua o le maumaui o Sotoma mo Komola e le Eteleno, na fai a ia pe se oloto a le Eteleno, na fai a ia pe le fenua o Esipito.

Senesi 2:8

Ti na to loa e le Eteleno Atua se oloto i Eteni, i le potu esite, ti na tuku loa e ia ki ai le tagata leia na fakatupu e ia.

Pesalemo 50:3

E au lotatou Atua, e leaise nofo fakalologo a ia ; E ano se afi kaka i ona mua, E takatakai a ia e se afa makeke.

Pesalemo 97:3

E saele le afi i ona mua, Ti e tutu e ia ona fili i ona tafatafa.

Ekesote 10:15

Na lotou mafolafola loa i aluga o le fenua katoa, ti na fakapouli loa le fenua katoa ; na lotou kai loa a mutie fuli o le kele mo fua o laakau, mo nea fuli ala na sao loa mei le ua fatu ; na leaise toe sao loa se lau laakau sega i laakau, pe ko se mutie i faisaga, i le fenua katoa o Esipito.

Ekesote 10:5

E lotou uufi loa le fuga o le fenua, ti e leaise feala loa le toe tio loa ki le fenua ; e lotou kai loa le nea leia na sao, le nea leia na tuku e le ua fatu, io, e lotou kai loa laakau fuli ala e sosomo i okoutou faisaga ;

Esaia 14:17

Leia na fakaliliu ia le malama nei o toafa, Leia na maumaui ia mo kaia ia a kolo, Leia na leaise toe fakamavaa ia a fale o lana kau pilisoni ?

Esaia 15:6

Talie kua maumaui a vai o Nimelimi, Ti kua malo le vao, ti kua puli le mutie sesega, Ti kua mamate mo laakau.

Esaia 33:4

Kua tae okoutou koloa Ofaipe le tae a le seseivaka ; Kua oso ki ai Ofaipe le oso a seseivaka.

Esaia 51:3

Talie e alofa le Eteleno ki Sione, Ti e alofa a ia ki ona maumau fuli ; E fakaliliu loa e ia lona toafa ofaipe se Palatiso, Ti mo lona kele malo ofaipe se oloto a le Eteleno. E maua loa i ai le fiafia mo le nekenekea, A fakafetai ti mo le sua o katiko.

Esaia 9:18

Io, e tutu loa e le sausau o le Eteleno o kau tau le fenua, Ti e fai loa le kakai pe se nea kai a le afi ; E leaise saofaki loa e se tasi lona taina.

Esaia 9:19

E kaia i le fetuu atamai, kae e pakupaku aifai ; E kaia i le fetuu sema, kae e leaise makona aifai ; E tasi kai e le tagata le kakano o lona lima.

Selemia 5:17

E kai loa e le puleaga lena lau fulumeto mo lau pane ; E kai loa e ia ou vosa mo ou taineliki ; E kai loa e ia au ovi mo au pipi ; E kai loa e ia lau vite mo lau fiki ; E maumaui loa e ia ki le seleta ou kolo tau ala e ke fanaki ki ai.

Esekiele 36:35

Ti e pati loa : Kua faipe se oloto o Eteni le kele leinei na maumaui ; ti kua toe fakamakeke mo toe nofoi a kolo anei na maumaui ti na titiaki.

Amosi 7:4

Na fakasa mai loa kiate au e le Aliki, le Eteleno, le tio leinei : Ko leinei, na fakasa e le Aliki, le Eteleno, le tautea ki le afi ; Ti na kai e le afi le vanu loloto, Ti na kai foki e ia le faisaga.

Apakuki 1:6

Ko leinei, e kau lagai loa le kau Kaletea, Se kakai itaita mo makeke, Leia e saele i ni fenua lalasi o too ni nofoaga o ni iki.

Sakalia 7:14

Koia na kau fakamavete ai loa latou i lotolotoga o puleaga fuli ala na leaise lotou iloa. Koia na kau maumaui ai le fenua i olatou muli, ti na leaise toe ano loa se tasi i ai. Ti na liliu loa le fenua fulumalie lena ko se toafa.