Soele 2:26 - Tosi Tapu

²⁶ E kotou kakai loa ti e kotou makokona loa, Ti e kotou fakavikiviki loa ki le suafa o le Eteleno, lokoutou Atua, Leia na fai ia kia koutou ni nea fakamanamana ; Ti e leaise toe luma loa loku kakai.

Soele 2:26 Iomraidhean Croise

Senesi 33:11

Koia tali ai laku moliga kua fai atu kiate koe, talie kua fakaapele au e le Atua ki ona kalasia, ti e leaise nea fua e puli kiate au. I le kole fakamakeke a Sakopo kia Esau, na tali loa e Esau lana kole.

Neemia 9:25

Na lotou pule loa ki ni kolo tau ti mo ni fenua malilie ; na lotou maua loa ni fale kua apele i nea malilie kesekese, mo ni sosoni kua oki i le kenu, mo ni faisaga vite, mo ni faisaga oliveto, mo ni faisaga laakau fua, o lasi ai ; ti na lotou kakai loa o makokona, ti na lotou pepeti loa, ti na lotou fiafia loa, o tupu ko lou agamalie.

Pesalemo 103:5

Ko ia leia e fakamakona ia lou temi matua ki nea malilie, Leia e fakaliliu ia a koe o tupulaga ofaipe le akuila.

Pesalemo 116:7

Loku laumalie, toe liliu ki lou maloloaga, Talie na fai e le Eteleno kiate koe se nea malie.

Pesalemo 13:6

Ko au, e kau fanaki ki lou agamalie, E kau maua le fiafia lasi i loku loto, o tupu ko lou fakamauli. E kau sua ki le Eteleno, talie na fai e ia se nea malie kiate au.

Pesalemo 22:26

E ke liliu loa ko le tupuaga o aku fakafetai i le fakatasi lasi. E kau fakasoko loa aku fakapapau i mua o latou ala e i kiate koe.

Pesalemo 37:19

E leaise lotou luma i le aso o le malaia, Ti e lotou makokona i aso o le oge.

Pesalemo 67:5

E fiafia a atu puleaga ti mo nekenekea o tupu ko koe ; Talie e ke fakamaau a kakai i le maoki, Ti e ke taki a atu puleaga i le malama nei. - Manava.

Pesalemo 72:18

Ke fakafetai ki le Eteleno Atua, le Atua o Iselaele, Leia toka tasi e fai ia ni nea fakatalatupua !

Taagapati 13:25

E kai le tagata agatonu o makona, Kae e pakupaku le manava o le kau agaveli.

Katiko o Katiko 5:1

E kau ulu ki loku oloto, ei loku tuagaane, ei laku feauaki ; E kau tau laku mila mo aku nea fakamanogi, E kau kai laku laui meli mo laku meli, E kau inu laku vino mo laku sua u… Ke ke kai, ei loku mamanaaga, ke ke inu, ke ke kona i le alofa !

Esaia 25:1

Ei Eteleno ! ko koe ko loku Atua ; E kau fakavikiviki loa kiate koe, e kau sua loa lou suafa, Talie kua ke fai ni nea fulumalilie ; Kua soko katoa au fakatuutuu i mua.

Esaia 29:22

Koia e folafola ai le Eteleno ki le fale o Sakopo, Leia na totogi ia Apalaamo : I le aso nei, e leaise toe luma loa Sakopo ; I le aso nei, e leaise toe mamae loa ona mata.

Esaia 45:17

Kae ko le Eteleno leia e maua ai e Iselaele le fakamauli, Se fakamauli lee gato. E leaise kotou luma loa pe fakasemala loa, o lee gato.

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esaia 54:4

Aua na ke i ki se nea, talie e leaise ke luma loa ; Aua na ke liliko, talie e leaise ke telefua loa ; Kae e ke galoi loa le luma o lou temi tupulaga, Ti e leaise ke toe manatui loa le matagafua o lou temi lokonui.

Esaia 55:2

Kolea e kotou maumaui ai le paaga ki le nea leia e leaise fagai ia koutou ? Kolea e kotou gaoi ai ki le nea leia e leaise kotou makona ai ? Koia kotou fakalogo mai kiate au, ti e kotou kai loa le nea leia e malie, Ti e fiafia loa okoutou laumalie i ni nea kai malilie ai.

Levitiko 25:19

E soli atu loa e le fenua ona fua kia koutou, ti e kotou kai loa o makokona, ti e kotou nonofo loa i ai i le fimalie.

Levitiko 26:26

E kau fakamativa loa koutou i le pane ; ko fafine e kau agafulu e tao ia loa lakoutou pane i se gutuumu e tasi, ti e lotou aumai loa kia koutou se ga nea noa fua ke kotou kai, kae e leaise lelu ai lokoutou fia kai.

Levitiko 26:5

E leikiaise oki loa lakoutou sasa ia le fulumeto kae kua kotou tau loa le vite, ti e kaku loa le tatao o le vino ki le muluki o fakaili. E kotou kai loa lakoutou pane o makona ti e kotou nofo loa i lokoutou fenua i le fimalie.

Mikea 6:14

E ke kai loa kae e leaise ke makona loa, Ti e nofo loa le fia kai iate koe ; E ke tanaki loa kae e leaise ke saofaki loa, Ti ko le nea leia e ke saofaki loa, E kau tuku loa a ia ki le seleta.

Sofoni 3:11

I le aso lena, e leaise ke toe luma loa ki au gaoi fuli Ala na ke agasala ai kiate au ; Talie e kau too loa i loto malie o ou latou ala na malo i le fia nealasi, Ti e leaise ke toe fia nealasi loa i loku mauga maokioki.

Sakalia 9:15

E puipui loa latou e le Eteleno o kau tau ; E lotou kai loa, e lotou malo loa i fatu o le makamaka ; E lotou iinu loa, e lotou logoa loa ofaipe ni nea kua konana i le vino ; E lotou apele loa ofaipe se ipu, ofaipe poko o le aletale.

Sakalia 9:17

Io ! Kua lasi ai lona manuia ! Kua lasi ai lona fulumalie ! E tupu lalasi loa a tamaliki tupulaga i le fulumeto, Ti taineliki tupulaga i le vino.

Loma 10:11

E leaise luma loa leia e tui kiate ia.

Loma 5:5

Ti e leaise kaka le amanaki lena, talie kua liligi le alofa o le Atua ki otatou loto e le Laumalie Maokioki leia kua soli mai kia tatou.

Loma 9:33

ofaipe lona tuu i le Tosi : Ko leinei, e kau tuku i Sione se fatu fakatupu siga Ti mo se utu fakatupu malaia, Ti ko leia e tui kiate ia e leaise luma loa.

Tetelonome 11:15

E kau fakasomo ia loa se vao i lou faisaga ki lau kau manu. E ke kai loa ti e ke makona loa.

Tetelonome 12:12

Ko lena loa le ganea leia e kotou fakafiafia ai loa i mua o le Eteleno, lokoutou Atua, koutou, mo akoutou fanau, mo akoutou tagata fakasausau, mo akoutou fafine fakasausau, mo le kau Levi leia e nonofo i okoutou kolo, talie e leaise lotou maua se tofiga i loto malie o koutou.

Tetelonome 12:18

Kae e kai loa latou i mua o le Eteleno, lou Atua, i le ganea leia e filifili loa e le Eteleno, lou Atua, e koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo loa i ou matapa ; ti e ke fakafiafia loa i mua o le Eteleno, lou Atua, i nea malilie fuli ala e ke maua loa.

Tetelonome 12:7

Ko lena loa le ganea leia e tonu ke kotou kai ai loa i mua o le Eteleno, lokoutou Atua, ti ke kotou fakafiafia ai loa, koutou mo okoutou famili, o tupu ko nea fuli ala ka fai loa e okoutou lima ti ka tapuakii loa e le Eteleno, lokoutou Atua.

Tetelonome 8:10

Ka ke kai loa ti e ke makona loa, ke ke fakafetai loa ki le Eteleno, lou Atua, o tupu ko le fenua malie leia na soli atu e ia kiate koe.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Uluaki tosi a Soane 2:28

Ti ko leinei, fanau liliki, kotou nonofo mau iate ia, o tupu ke tou loto makeke mo ka sa mai loa a ia, ti ke aua na tou luma loa i ona mua mo ka tiaki loa tatou ki mamao i lana toe liliu mai.