Soele 2:2 - Tosi Tapu

² Aso o fakapouli mo le pouli loloto, Aso o ao mo kokofu, E au a ia ofaipe le mafola o le pouli i aluga o mauga. Ko leinei se kakai toka api mo makeke, Leia e leai sona tatau, Ti e leaise toe maua sona tatau i temi ki muli.

Soele 2:2 Iomraidhean Croise

Pesalemo 10:6

E pati a ia i lona loto : E leaise kau siga, Ti e leaise toe kaku mai se malaia kiate au !

Pesalemo 97:2

E takatakai a ia e ao mo le fakapouli, Ko le faitotonu mo le maoki ko fakavae o lona ekeekeaga fakasau.

Ekesote 10:14

Na mafolafola loa a seseivaka i le fenua katoa o Esipito, ti na lotou fakavilo loa ki le fenua katoa o Esipito. Na kese oki le lasi o seseivaka, na leikiaise soko se nea felaaki i mua, ti e leaise toe soko loa se nea felaaki ki muli.

Ekesote 10:6

ti e lotou fakaapele loa ou fale, mo fale o au tagata fakasausau fuli, ti mo fale o le kau Esipito katoa. Na leikiaise tio ou tamana mo tamana o ou tamana ki se nea felaaki talu mei lolatou tupu o kaku mai ki le aso nei. Ti na mavae loa Moisese i le fale o Falaone.

Ekesote 20:21

Na tuu loa le kakai mei mamao ; kae na fakafeofi loa Moisese ki le ao matotolu leia na nofo ai le Atua.

Esaia 5:30

I le aso lena, e i ai loa se gugulu i ona tafa, Ofaipe le gugulu o le afa i le tai ; Ka tio ki le fenua, e tio loa ki le fakapouli ata, Mo ni tuania ti mo ni amanaki malie o faifai lakaga ; Ti e fakapouli loa le lagi.

Esaia 8:22

Ti e toe tio loa a ia ki le kele, Ti ko leinei, ko le mamae, mo le fakapouli, mo tuania fakaii : E tuku loa a ia ki se fakapouli matotolu.

Selemia 13:16

Kotou tuku le kololia ki le Eteleno, lokoutou Atua, I mua o lana kakau mai kia koutou le fakapouli, I mua o le tukia o okoutou vae ki atu mauga o le pouli ; E kotou talitali loa ki le malama, Kae e fetogi loa e ia a ia ki le malu o le mate, E fakaliliu loa e ia a ia ko se fakapouli matotolu.

Selemia 13:6

Na sili ki ai ni aso mauke, ti na pati mai loa le Eteleno kiate au : Tuu ki aluga, ano ki le Eufalate, ti ke too loa i ai le kilipipi leia na kau fakatotonu atu ke ke fufu i ai.

Tagi laulau a Selemia 1:12

E kau masau kia koutou, kia koutou fuli ala e fakalaka i leinei ! Kotou tio ti kotou iloa pe i ai se mamae e tatau mo loku mamae, Mo leia kua taai au ki ai ! Kua fakamamae au e le Eteleno i le aso o lona sausau lasi.

Esekiele 32:7

I le aso leia e kau tamate ai loa a koe, e kau uufi loa le lagi ki se kie, E fakapouli loa a fetuu, E kau tapono loa le laa ki ao, E leaise toe sa loa le malama o le masina.

Esekiele 34:12

E kau tokaga loa o tanaki laku kau ovi ofaipe le fai a se tagata tausi manu mo ka tio a ia kua mavete katoa lana kau manu. E kau ano loa o afa mai aku ovi i ganea fuli ala na fakamavete latou ki ai, i le aso veli mo fakapouli.

Esekiele 38:9

E ke pale loa kia latou, e ke fakafeofi loa ofaipe se afa, E kotou fai loa pe se ao leia ka ufiufi ia loa le fenua,. A koe, mo au kau solia, mo le kakai toka api leia e kau mo koe.

Taniela 12:1

I le temi aia, e tuu ake loa Misaele, ko le pule lasi, ko le taupau o fanau o lou kakai ; ti e soko loa se temi mamae lasi ai, leia e leikiaise sona tatau talu mei le tuu o atu puleaga o kaku mai ki le temi nei. I le temi aia, ko latou ala o lou kakai e maua loa na tosi i le tosi e fakamauli loa.

Taniela 9:12

Kua fakasoko e ia a folafola ala na puaki kia matou ti mo omatou pule ala na lagiaki ia matou, na kakau mai e ia kia matou se malaia lasi, ti e leikiaise toe soko se malaia felaaki i le lalo lagi nei, se malaia o tatau mo leia kua soko ki Selusalemi.

Soele 1:6

Talie kua au se kakai ki loku fenua, Leia e makeke ti e toka api. E maua e ia a nifo o se laione, Ti mo kaugutu o se laione fafine.

Soele 2:25

E kau fetogi atu loa kia koutou a fetuu Ala na kai e le seseivaka, Mo le lauka, mo le asile, mo le kasame, Laku solia lasi leia na kau kakau atu kia koutou.

Soele 2:31

E fetogi loa le laa o fakapouli, Ti mo le masina o toto, I mua o le soko mai o le aso o le Eteleno, O le aso lasi lena mo fakaii.

Soele 2:5

I le logo kia latou, e faipe se logoa o ni saliote tau I le tumutumu o ni mauga ala e lotou soposopo ai, E faipe se mafitifiti o le ulai afi, Mo ka tutu e ia se mutie malo. E faipe se kau tau makeke Leia e teuteu ki le tau.

Soele 3:4

Kolea le nea e kotou loto ki ai, Tile mo Sitone, Ti mo koutou fuli, fenua o le kau Filisitini ? Pe kotou loto ke kotou lagavaka mai kiate au ? Kapau e kotou fia lagavaka mai kiate au, E leaise tuvai loa laku fakavilo lakoutou lagavaka ki okoutou ulu.

Amosi 4:13

Talie ko leinei leia na fau ia a mauga ti na fakatupu ia le matagi, Leia e fakasa ia ki le tagata ana manatu, Leia e fetogi ia le mafoata o fakapouli, Ti e saele i potu taualuga o le kele : Ko lona igoa ko le Eteleno, le Atua o kau tau.

Sofoni 1:7

Fakalologo i mua o le Aliki, le Eteleno ! Talie kua ofi le aso o le Eteleno, Talie kua teuteu e le Eteleno le sakilifisio, ti kua filifili e ia ana kau fakaafe.

Sakalia 14:6

I le aso lena, e leaise i ai loa se malama ; E i ai loa se momoko lasi mo se aisi.

Mateo 24:21

Talie, i aso ana, e soko loa se mamae lasi, leia e leai sona tatau talu mei le kamataaga o le malama nei o kaku mai ki le aso nei, ti e leaise toe maua foki sona tasi ake tatau i se aso.

Maleko 13:19

Talie e lasi ake loa le mamae i aso ana i mamae fuli ala kua sa talu mei le fakatupu o le malama nei e le Atua o kaku mai ki le temi lena, ti e leaise toe loa i ai ni iki o tatau mo latou ki muli.

Tetelonome 32:7

Toe manatui a aso o le temi mua, Toe liliu ki fetuu mo tautupu kua sili, Vesili ki lou tamana, ti e fakasa atu loa e ia kiate koe, Ti mo ou kau matua, ti e lotou fakamatala atu loa kiate koe :

Epelo 12:18

Ko koutou, na leaise kotou fakafeofi ki se mauga leia na feala ke fafa ki ai ti na ulaula i le afi, pe ki le ao, pe ki le fakapouli, pe ki le afa,

Suta 1:13

Ko ni galu itaita latou o le tai, ala kua laku ia le piau o olatou mauli fakakelekele ; ko ni fetuu lele latou, ala kua taofi ki ai le uli gaogao o le fakapouli lee gato.

Apokalipisi 9:2

ti na fakamavaa loa e ia le sosoni o le vanu. Ti na pale ake loa mei le sosoni se afu, ofaipe le afu o se gutuumu kaka ; ti na fakapouli loa le laa mo le aele i le afu o le sosoni.