Soele 2:17 - Tosi Tapu

¹⁷ I le vasa o le matapa ulu mo le aletale Ke fetagisi tagata faisakilifisio, Ti ko tagata fakasausau a le Eteleno, Ke lotou pati : Eteleno, fakamauli lou kakai ! Aua na ke tuku lou tofiga ki le luma, Ki nukinuki a atu puleaga ! Kolea e pati ai loa i lotolotoga o kakai : Kofea lolatou Atua ?

Soele 2:17 Iomraidhean Croise

Uluaki tosi o Sau 6:3

Ko le loa o le kogafale ulu i mua o le potu tapu, ko meta e kau agafulu, o tatau mo le lau lasi o le fale tapu, ti ko lona loloto ko meta e lima.

Uluaki tosi o Sau 9:7

e kau tuuti loa Iselaele mei le fenua leia na kau soli kiate ia, e kau tiaki loa ke mamao meiate au le fale leia na kau fakatapui ki loku suafa, ti e liliu loa Iselaele ko se nea fakagologolo mo fakakatai a puleaga fuli.

Lua tosi o Koloniko 7:20

e kau ave loa koutou mei loku fenua leia na kau soli atu kia koutou, ti e kau tiaki mamao loa meiate au le fale leinei kua kau fakatapui ki loku suafa, ti e kau fakaliliu loa a ia ko se nea ke katai mo valoki i puleaga fuli.

Lua tosi o Koloniko 8:12

Ti na momoli loa e le sau ko Salomone ni failaulau ki le Eteleno i le aletale o le Eteleno, leia na fakatuu e ia i mua o le uluaga o le fale tapu.

Neemia 9:36

I le aso nei, kua motou popula ! Kua motou popula i le kele leia na ke soli ki omatou tamana, ke lotou fiafia i ona fua mo ona koloa !

Pesalemo 115:2

Kolea e pati ai loa a atu puleaga : Kofea koia lolatou Atua ?

Pesalemo 42:10

E kau pati ki le Atua, loku utu : Kolea e ke galoi ai au ? Kolea e tonu ai ke kau saele i le mamae, I le fakaveliveli a le fili ?

Pesalemo 42:11

E fatifati oku ivi mo ka nukinuki mai kiate au latou e fakaveliveli kiate au, O pati tuumau mai kiate au : Kofea lou Atua ?

Pesalemo 42:3

E fia inu loku laumalie ki le Atua, ki le Atua mauli : E kau ano loa afea o sa ki mua o le Atua ?

Pesalemo 42:4

Ko laku nea kai i le ao mo le po ko oku loimata, Talie e leaise toe gato le pati mai kiate au : kofea lou Atua ?

Pesalemo 74:10

Pe kaku loa kiafea, ei Atua, le lauveli a le tagata fakaveliveli, Le gologolo tuumau a le fili ki lou suafa ?

Pesalemo 79:10

Kolea e pati ai loa a atu puleaga : Kofea lolatou Atua ? Ke iloa i lamatou nofo i lotolotoga o atu puleaga, E ke totogi le toto o au tagata fakasausau, le toto leia na liligi !

Pesalemo 79:4

Kua motou liliu ko se nea fakalialia kia latou ala i omatou tafatafa, Ko se nea gologolo mo katai kia latou ala e takatakai ia matou.

Pesalemo 89:41

Na ke soloi ki lalo ona paa fuli, Na ke maumaui ona kolo makeke fuli.

Pesalemo 89:51

Aliki, manatui le luma o au tagata fakasausau ! Manatui e kau amo i loku fatafata a nukinuki a kakai toka api fuli ;

Ekesote 34:9

Ti na pati loa a ia : Aliki, kapau kua kau maua se kalasia i ou mua, ti ke saele le Aliki i loto malie o matou, talie ko se kakai ua fefeka a ia ; fakamolemole ki amatou agasala mo amatou agaveli, ti ke too matou ko lou tofiga.

Esaia 22:12

I le aso nei e kalaga atu kia koutou le Aliki, le Eteleno o kau tau, Ke kotou fetagisi mo pa okoutou fatafata, Ke kotou tele okoutou ulu ti mo tui le taga.

Esaia 37:20

I le aso nei, Eteleno lomatou Atua, saofaki matou mei le lima o Sanekelipe, o tupu ke iloa e puleaga fuli o le malama nei ko koe toka tasi ko le Eteleno !

Esekiele 20:9

Kae na kau fakapoipoi ki loku suafa, o tupu ke aua na fakalialia a ia i mua o puleaga ala na lotou nonofo ai, ala na iloa ia laku fakapapau ke fakamavae latou i Esipito.

Esekiele 8:16

Ti na taki loa e ia au ki le malae loto o le fale o le Eteleno. Ti ko leinei, i uluaga o le fale tapu o le Eteleno, i le vasa o le matapa ulu mo le aletale, na i ai se kau tagata e tino lua tupu lima, na lotou titua ki le fale tapu o le Eteleno, kae na lotou agaaga ki le potu esite ; ti na lotou punou ki le potu esite i mua o le laa.

Oseo 14:2

Kotou toe liliu mai ki le Eteleno, Kotou aumai ni masau. Kotou pati kiate ia : Fakamolemole ki amatou agaveli fuli, Ti ke ke tali matou i lou alofa ! E motou momoli atu loa kiate koe le fakafetai o omatou laugutu, kae leai ni pipi tagata.

Soele 1:13

Tagata faisakilifisio, kotou tui okoutou kofu fakamamae ti kotou fetagisi ! Kotou tagi laulau, tagata fakasausau o le aletale ! Kotou au, kotou alaala i le po katoa mo okoutou taga, Tagata fakasausau o le fale o loku Atua ! Talie kua puli a moliga mo lipasio i le fale o lokoutou Atua.

Soele 1:9

Kua pupuli moliga mo lipasio i le fale o le Eteleno ; Kua mamae a tagata faisakilifisio, tagata fakasausau a le Eteleno.

Amosi 7:2

Na soko loa na kai e seseivaka le mutie katoa o le fenua, Ti na kau pati loa : Aliki Eteleno, fakamolemole ki lou kakai ! Pe toe tuu feaki loa Sakopo ? Talie e gaegae ai a ia !

Amosi 7:5

Na kau pati : Aliki Eteleno, taofi la ! Pe toe tuu feaki loa Sakopo ? Talie e gaegae ai a ia !

Mikea 7:10

E tio loa ki ai loku fili ti e apele loa a ia i le luma, A ia leia na pati mai kiate au : Kofea le Eteleno, lou Atua ? E fiafia loa oku mata i le tio kiate ia ; Kae takatakafi loa a ia ofaipe le pela o ala.

Malakia 1:9

Kotou faikole ki le Atua i le temi nei, ke alofa atu a ia kia koutou ! Se ko koutou ala e au mei ai le nea lena : Pe tali malie loa e ia koutou ? E pati le Eteleno o kau tau.

Numelo 25:6

Ti ko leinei, na au se tagata Iselaele, o aumai ki ona fetaina se fafine Matiane i mata o Moisese mo mata o le fakatasi katoa o fanau a Iselaele, ala na fetagisi i le uluaga o le falela tapu.

Mateo 23:35

o tupu ke toe vilo kia koutou le toto mea katoa leia kua liligi i le malama nei, kamata mei le toto o Apele ko le tagata agatonu o kaku ki le toto o Sakalia, vosa o Palakia, leia na kotou tamate i le vasa o le fale tapu mo le aletale.

Mateo 27:43

Na fanaki a ia ki le Atua, ke saofaki a ia e le Atua i le lakaga nei, mo kapau e alofa le Atua kiate ia. Talie na pati a ia : Ko le Alo au o le Atua !

Tetelonome 28:37

Ti ko puleaga fuli ala e taki loa a koe ki ai e le Eteleno e ofolele loa i le nea leia kua soko kiate koe ; ti e lotou katai loa a koe ti mo lauveli loa kiate koe.

Tetelonome 32:27

Kae na kau i na gologolo loa olatou fili kiate au, Ti mo lotou pati loa ko latou ala na fai ia le nea lena, O lotou manatu loa na leaise fai e loku lima a nea fuli ana.

Sosue 7:9

E logo loa le kau Kanaane mo kakai fuli o le fenua leinei ki le nea leinei, ti e lotou fakatasi fuli loa o taui matou ke soloi lomatou igoa i aluga o le fenua ? Ti kolea loa le nea e ke fai ia loa ke fakasa ai lou igoa lasi ?