Soele 1:4 - Tosi Tapu

⁴ Ko le nea leia na tuku e le lauka, na kai a ia e le seseivaka ; Ko le nea leia na tuku e le seseivaka, na kai a ia e le seleki ; Ko le nea leia na tuku e le seleki, na kai a ia e le asile.

Soele 1:4 Iomraidhean Croise

Uluaki tosi o Sau 8:37

Kapau e to loa ki le fenua leinei se oge, pe ko se taumasaki veli, pe ko se masunu lasi o faisaga, pe ko se fakapapala o magiti, pe ko se maumau a seseivaka mo sulufe, ti kapau e takatakai loa e le fili lou kakai i lona fenua, i ona matapa, ti ka soko loa ni malaia mo masaki kesekese,

Lua tosi o Koloniko 6:28

Ka maua loa i le fenua se oge, pe ko se taumasaki, pe ko se taulaa o mamate ai a magiti, pe ko se papala, pe ko se seseivaka i faasiga kesekese, ti ka taui loa e le fili lou kakai i lona fenua, i ona matapa, ti ka au loa ni malaia mo ni masaki kesekese,

Lua tosi o Koloniko 7:13

Ka kau tapono loa le lagi ke aua na toe to loa se ua, ka kau fakatotonu loa ki seseivaka ke maumaui le fenua, ka kau fakato loa le taumasaki ki loku kakai,

Pesalemo 105:34

Na folafola loa a ia, ti na sa loa ni seseivaka, Ala na leaise mafai ke lau,

Pesalemo 78:46

Na tuku loa e ia olatou fuata mo taukai ki unufe, Mo alatou faisaga ki seseivaka.

Ekesote 10:4

Kapau e leaise ke tuku loa loku kakai ke ano, ko leinei e kau kakau mai loa i le aso apogipogi ni seseivaka ki le kele katoa o lou fenua.

Ekesote 10:5

E lotou uufi loa le fuga o le fenua, ti e leaise feala loa le toe tio loa ki le fenua ; e lotou kai loa le nea leia na sao, le nea leia na tuku e le ua fatu, io, e lotou kai loa laakau fuli ala e sosomo i okoutou faisaga ;

Esaia 33:4

Kua tae okoutou koloa Ofaipe le tae a le seseivaka ; Kua oso ki ai Ofaipe le oso a seseivaka.

Selemia 51:14

Na fakapapau le Eteleno o kau tau iate ia totonu : Io, e kau fakaapele loa a koe ki ni tagata ofaipe ni seseivaka ; Ti e lotou fai loa kiate koe ni kalaga tau.

Selemia 51:27

Kotou fakatuu se manumanu i le fenua ! Kotou pupusi le fakatagi pupusi i atu puleaga ! Kotou teuteu a atu puleaga kiate ia ! Kotou kalagai kiate ia a puleaga o Alalate, mo Mine, mo Asekenase ! Kotou fakanofo ni pule kiate ia ! Kotou fakasaele kiate ia a osi ofaipe ni seseivaka !

Soele 2:25

E kau fetogi atu loa kia koutou a fetuu Ala na kai e le seseivaka, Mo le lauka, mo le asile, mo le kasame, Laku solia lasi leia na kau kakau atu kia koutou.

Amosi 4:9

Na kau tautea koutou ki le mamate mo le masunu ; Na kai e seseivaka Okoutou oloto mauke, mo okoutou vite, mo okoutou fiki, mo okoutou oliveto. Kae logo ai le nea lena, na leaise kotou toe liliu mai kiate au, e pati le Eteleno.

Amosi 7:1

Na fakasa mai loa e le Aliki, le Eteleno, le tio leinei kiate au : Ko leinei, na fai e ia ni seseivaka, I le temi leia na kamata sosomo ai le mutie ; I le oki o le uluaki tuuti leia na fai ki le sau.

Malakia 3:11

Kia koutou e kau valoki loa leia e kai, Ti e leaise maumaui loa e ia a fua o le kele, Ti e leaise paa loa le vite i okoutou ulu fenua, E pati le Eteleno o kau tau.

Tetelonome 28:38

E ke to loa se pulapula lasi ki lau faisaga, kae e ke maua loa se ga fuata ikiiki, talie e kai loa a ia e le seseivaka.

Tetelonome 28:42

E nofoi loa e elekisi ou laakau fuli mo fua o lou kele.