Soele 1:2 - Tosi Tapu

² Kau matua, kotou fakalogo mai ki le nea leinei ! Kotou fakalogo mai okoutou taliga, koutou fuli, ko kakai o le fenua ! Pe kua soko se nea feneeki i lokoutou temi, Pe ko le temi o okoutou tamana ?

Soele 1:2 Iomraidhean Croise

Sopo 12:12

Ti e maua le poto i le kau matua, Ti e au le iloa mei le loa o le mauli.

Sopo 15:10

E maua ia matou ni ulu sina, mo ni kau matua, Ala kua lasi ake olatou fetuu i la o lou tamana.

Sopo 21:7

Kolea e mauli ai le kau agasala ? Kolea e tio ai kia latou e matutua malie, ti e asilisili lasi lolatou makeke ?

Sopo 8:8

Afa kia latou o tautupu mua, Tio ki mauli o olatou tamana.

Pesalemo 49:1

Ki le pule o le kau sua. O vosa o Kole. Pesalemo.

Esaia 34:1

Atu puleaga, kotou fakafeofi mai, o fakalogo ! Kakai, kotou tokaga ! Ke logo le kele, a ia mo nea fuli e fakaapele ia a ia, Ke fakamaoki le malama nei, a ia mo nea fuli na tupu i ai !

Esaia 7:17

E kakau mai loa e le Eteleno kiate koe, Mo lou kakai ti mo le fale o lou tamana, Ni aso ala e leikiaise maua ni ona tatau, Talu mei le mavae a Efalaimi ia Suta, (Le sau o Asilia).

Selemia 30:7

Malaia ! Talie e lasi le aso lena ; E leaise sona tatau : Ko se temi mamae kia Sakopo, Kae e saofaki loa a ia i ai.

Selemia 5:21

Kotou fakalogo mai ki le nea leinei, kakai valea, kakai leia e leai sona mafu ! E lotou maua ni mata kae e leaise lotou tio fua, E lotou maua ni taliga kae e leaise lotou logo fua.

Taniela 12:1

I le temi aia, e tuu ake loa Misaele, ko le pule lasi, ko le taupau o fanau o lou kakai ; ti e soko loa se temi mamae lasi ai, leia e leikiaise sona tatau talu mei le tuu o atu puleaga o kaku mai ki le temi nei. I le temi aia, ko latou ala o lou kakai e maua loa na tosi i le tosi e fakamauli loa.

Oseo 4:1

Kotou fakalogo ki le folafola a le Eteleno, fanau o Iselaele ! Talie e fakamaau e le Eteleno le kakai o le fenua, Talie kua puli le maoki, kua puli le manava alofa, Kua puli le iloa o le Atua i le fenua ;

Oseo 5:1

Kotou fakalogo mai ki le nea leinei, kau faisakilifisio ! Tokaga mai, fale o Iselaele ! Fakalogo mai lou taliga, fale o le sau ! Talie ko koutou ala e fai ki ai le fakamaau, Talie na kotou liliu ko se masele i Misipa, Ti ko se kupega na fola i le mauga o Tapole,

Soele 1:14

Kotou logologo se sesunio, se fakatasi mamalu ! Kotou fakatasi a matua, mo kakai fuli o le fenua I le fale o le Eteleno, lokoutou Atua, Ti kotou tagi ki le Eteleno !

Soele 2:2

Aso o fakapouli mo le pouli loloto, Aso o ao mo kokofu, E au a ia ofaipe le mafola o le pouli i aluga o mauga. Ko leinei se kakai toka api mo makeke, Leia e leai sona tatau, Ti e leaise toe maua sona tatau i temi ki muli.

Amosi 3:1

Fanau o Iselaele, kotou fakalogo ki le folafola leinei na puaki e le Eteleno kia koutou, Ki le famili katoa leia na kau aumai mei le fenua o Esipito !

Amosi 4:1

Kotou fakalogo mai ki le folafola leinei, pipi fafine muli o Pasani ala e nonofo i mauga o Samalia, Koutou ala e fakamamae ia le kau mativa, ti e takatakafi ia le kau fakaaloalofa, Koutou ala e pati ki okoutou avaga : Kotou aumai, ti ke tou inu !

Amosi 5:1

Kotou fakalogo mai ki le folafola leinei, Ki le tagi laulau leinei e kau sua kia koutou, Fale o Iselaele !

Mikea 1:2

Kotou fakalogo, koutou fuli, atu kakai ! Tokaga, kele, mo nea fuli iate koe ! Ke fakamaoki kia koutou le Aliki, le Eteleno, Le Aliki leia e nofo i le fale sau o lona maokioki !

Mikea 3:1

E kau pati : Kotou fakalogo, pule o Sakopo, Ti mo aliki o le fale o Iselaele ! Pe leaise ko koutou ala e tonu ke iloa ia le faitotonu ?

Mikea 3:9

Koia, pule o le fale o Sakopo, mo aliki o le fale o Iselaele, Kotou fakalogo malie mai ki le nea leinei, Koutou ala e vesia ki le faitotonu, Ti e pikopikoi ia le nea leia e totonu,

Mateo 13:9

Ko leia e maua ni taliga mo fakalogo, ke logo a ia.

Mateo 24:21

Talie, i aso ana, e soko loa se mamae lasi, leia e leai sona tatau talu mei le kamataaga o le malama nei o kaku mai ki le aso nei, ti e leaise toe maua foki sona tasi ake tatau i se aso.

Apokalipisi 2:7

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia. Ki leia e malo loa, e kau soli loa kiate ia ke kai ki le fua o le laakau o le mauli, leia e tuu i le Palatiso o le Atua.