Soele 1:12 - Tosi Tapu

¹² Kua luma le vite, Kua gini le fiki, Ko le kelenati, mo le palemie, mo le pome, Kua gae a laakau fuli o faisaga… Kua puli le fiafia i vosa o le tagata !

Soele 1:12 Iomraidhean Croise

Pesalemo 4:7

E pati le toka api : Ko ai ka fakatio ia loa matou ki le fiafia ? Ei Eteleno, fakasopo mai kia matou le malama o ou mata !

Pesalemo 92:12

E fiafia loku mata i le tio ki oku fili, Ti mo loku taliga i le logo ki le kau agaveli e vesia kiate au.

Katiko o Katiko 2:3

Ofaipe se pome i loto malie o laakau o le vao, E fenaaki loku alofaaga i lotolotoga o tama tupulaga. Na kau oli ke kau tonatona i lona malu, Ti e suamalie lona fua ki loku gutu.

Katiko o Katiko 4:13

Ko ou tafe e fau ia se oloto, leia e to ai ni kelenati, Ti e maua i ai a fuai laakau suamalie kesekese, Mo toloene ti mo le nale ;

Esaia 16:10

Kua pupuli le fiafia, mo le nekenekea i ganea faisaga ; E leaise koi logo ki ni sua mo ni kalaga fiafia i faisaga vite ! E leaise koi takatakafi e le tagata tau vite le vino i fa tane vino ; Kua kau fakagato a kalaga fakafiafia.

Esaia 24:11

E taukalaga i ala, talie e leaise koi maua se vino. Kua pupuli a fiafia fuli, Kua mavae le nekenekea i le fenua.

Esaia 24:7

Kua mamae le vino foou, ti kua gae le vite ; Kua mamae latou fuli ala na loto fiafia.

Esaia 9:3

Talie ko le fa amo leia na taomi ia lona ua, Mo le tokotoko leia na ta ia lona tua, Mo le laakau leia na fakapopula ia a ia, Kua ke fatii latou, ofaipe le aso o Matiane.

Selemia 48:3

E logo ni tagi mei Kolonaimi : Ko se maumau lasi, ko se mamae lasi.

Selemia 48:33

Kua puli le fiafia mo le nekenekea i kolo vao Ti mo le fenua o Moape ; Na kau fakamasa le vino i tane vino ; E leaise koi takatakafi i le fiafia le fua o le vite i le tatauaga vino. E i ai ni kalaga ki le tau, kae leaise ko ni kalaga o le fiafia.

Soele 1:10

Kua maumau a faisaga, Kua tagi le kele ; Talie kua maumau le fulumeto, Kua masa le vino, kua malo le lolo.

Soele 1:16

Pe leaise kua too le nea kai i otatou mata ? Pe leaise kua puli le fiafia mo le nekenekea i le fale o lotatou Atua ?

Sonasi 4:7

Kae i leia ake aso, i le mafoata, na kakau mai loa e le Atua se kelemutu ke kai ia le lisega, ti na malo loa le lisega.

Akeseo 2:19

Pe na koi i ai se pulapula i okoutou fata ? Tatau foki mo le vite, mo le fiki, mo le kelenati, ti mo le oliveto, Na leaise tuku ia se nea fua e tasi. Kae i le aso nei e kau liligi loa laku tapuakina.

Malakia 3:11

Kia koutou e kau valoki loa leia e kai, Ti e leaise maumaui loa e ia a fua o le kele, Ti e leaise paa loa le vite i okoutou ulu fenua, E pati le Eteleno o kau tau.

Numelo 13:23

Na lotou ano loa o kaku ki le vaitafe o Esikoli, ti na lotou tuuti loa i ai se laa vite mo ona fui fulumeto, leia na amo loa e se toka lua ki se laakau ; ti na lotou toe too foki mo ni fuai kelenati mo ni fuai fiki.