Soane 9:22 - Tosi Tapu

²² Na pati fenaaki loa ona matua talie na la i ki le kau Sutea ; talie kua tuku e le kau Sutea ke fakamavae mei le sinakoka latou fuli ala e fakasa ia ko Sesu ko le Kilisito.

Soane 9:22 Iomraidhean Croise

Taagapati 29:25

Ko le i ki tagata ko se masele, Kae ko leia e fanaki ki le Eteleno e puipui a ia.

Esaia 51:12

Ko au, ko au leia e fakapelepele ia koutou. Ei loku kakai, kolea e ke i ai ki le tagata leia e mate, Ki le vosa o le tagata leia e tatau mo le mutie ?

Esaia 51:7

Kotou fakalogo mai kiate au, koutou ala e iloa ia le faitotonu, Kakai, leia e nofo mo laku lao i lou loto ! Aua na kotou i ki le valoki a tagata, Ti aua na kotou lulu i mua o alatou lauveli.

Esaia 57:11

Ti ko ai na ke tuania ia mo ke i ki ai, ke ke agatuu ai, Ke aua na ke manatu ai kiate au, ke aua na ke tokaga ai kiate au ? Pe na leaise kau fakalologo talu mei fualoa ? Koia leia na leaise i ai kiate au.

Luka 6:22

Manuia loa koutou mo ka e vesia loa a tagata kia koutou, mo ka e kapu loa koutou, mo ka e lauveli loa kia koutou, ti mo tiaki loa okoutou igoa, o tupu ko le Vosa o le tagata !

Soane 1:19

Ko leinei le fakamaoki a Soane, i le kakau mai e le kau Sutea mei Selusalemi ni tagata faisakilifisio mo ni levita, ke vesili kiate ia : Aloa, ko ai a koe ?

Soane 16:2

E lotou kapu loa koutou mei sinakoka ; ti e soko mai loa le ola, ko leia e tamate ia loa koutou e tui loa a ia ko lana gaoi malie a ia ki le Atua.

Soane 19:38

Sili aia, ko Sosefo mei Alimatea, ko se tisipulo a Sesu, kae fakapulipuli i lona i ki le kau Sutea, na kole loa kia Pilato le fakataga ke too e ia le tino o Sesu. Ti na fakataga loa e Pilato kiate ia. Ti na au loa a ia, o too le tino o Sesu.

Soane 20:19

I le afiafi o le aso lena, leia ko le uluaki aso o le vasaa, kua tapono a matapa o le ganea leia na fakatasi ai le kau tisipulo, o tupu ko lolatou i ki le kau Sutea, na au loa Sesu, o tuu i loto malie o latou, o pati kia latou : Ke nofo ia koutou le tokamalie !

Soane 7:13

Kae na leaise masau fakalauatea se tasi kiate ia, i le i ki le kau Sutea.

Soane 9:18

Na leaise tui loa le kau Sutea na kivi a ia, ti kua tio a ia, o kaku ki lalatou aumai ona matua.

Soane 9:21

Kae pe feaki kua tio a ia i le lakaga nei, pe ko ai leia na fakaala ia ona mata, e leaise ma iloa le nea lena. Kotou vesili kiate ia totonu, kua lasi a ia, e masau loa a ia ki le nea o uiga mo ia.

Soane 9:34

Na lotou tali loa kiate ia : Na ke tupu katoa i le agasala, ti e ke ako ia matou ! Ti na lotou kapu loa a ia.

Soane 9:35

Na logo loa Sesu na lotou kapu a ia ; ti e i lana felavei mo ia, na pati loa a ia kiate ia : Pe ke tui ki le Vosa o le Atua ?

Gaoi 4:18

Ti na lotou kalagai loa laua, ti na lotou tapui fakamakeke loa kia laua le masau mo le akonaki i le suafa o Sesu.

Gaoi 5:13

ti na leaise toa se tasi kese o nake kia latou ; kae na vikiviki lasi le kakai kia latou.

Gaoi 5:40

Ti na lotou loto tasi loa mo ia. Ti na lotou kalagai loa le kau apositolo, o fakatotonu ke sasa latou ki ni laakau, ti na lotou tapui loa kia latou le masau i le suafa o Sesu, ti na lotou tuku ake loa latou.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.