Soane 9:17 - Tosi Tapu

¹⁷ Ti na lotou mavaevae loa i ai. Na lotou toe pati loa ki le kivi : Ko koe, kolea lau pati kiate ia, i lana fakatio ou mata ? Na tali loa a ia : Ko se polofeta a ia.

Soane 9:17 Iomraidhean Croise

Mateo 21:11

Na tali loa le kakai : Ko Sesu, le polofeta, mei Nasaleti i Kalilea.

Luka 24:19

Ti na la tali loa kiate ia : Le nea leia na soko kia Sesu mei Nasaleti, leia ko se polofeta makeke i gaoi mo masau i mua o le Atua ti mo mua o le kakai katoa,

Soane 4:19

Na pati loa le fafine kiate ia : Aliki, e kau tio ko le polofeta a koe.

Soane 6:14

I le tio a le kakai lena ki le milakulo leia na fai e Sesu, na lotou pati loa : Ko ia leinei ko le polofeta maoki leia e tonu ke au ki le malama nei.

Soane 9:15

Na toe vesili loa le kau faliseo kiate ia pe na mafai feaki lana tio. Ti na pati loa a ia kia latou : Na takai e ia se ga pela ki oku mata, ti na kau maanu, ti na kau tio.

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Gaoi 2:22

Tagata Iselaele, kotou fakalogo mai ki folafola anei ! Ko Sesu mei Nasaleti, le tagata lena kua fakamaoki ki ai le Atua i okoutou mua ki ni milakulo, mo ni nea fakaofolele, ti mo ni fakamailoga ala na fai e le Atua iate ia i lotolotoga o koutou, ofaipe lakotou iloa, e koutou totonu ;

Tetelonome 18:15

E fakatuu ake loa e le Eteleno, lou Atua, i loto malie o ou, i ou fetaina, se polofeta o tatau mo au : ke kotou fakalogo loa kiate ia !