Soane 8:21 - Tosi Tapu

²¹ Na toe pati foki Sesu kia latou : E kau ano, ti e kotou afa loa au, ti e kotou mamate loa i lakoutou agasala ; e leaise mafai ke kotou au ki le ganea leia e kau ano ki ai.

Soane 8:21 Iomraidhean Croise

Uluaki tosi o Sau 18:10

E mauli le Eteleno ! e leaise fenua pe ko se puleaga leia na leaise kakau e loku pule se tasi ke afa a koe i ai ; ti ka pati mai loa e leaise ke nofo i ai, e fakamakeke loa e ia le puleaga lena ke fakamaoki e leaise ke nofo i ai.

Sopo 20:11

Na logoi e ia koi apele a ia i le makeke mo le tupulaga, Kae kua moe a nea fuli ana mo ia i le tanuma.

Taagapati 11:7

I le mate o le tagata agaveli, e mate lana amanaki malie ; Ti e vaiga le amanaki malie a le kau agaveli.

Taagapati 14:32

E vilo le tagata agaveli o tupu ko lana agaveli, Kae e maua e le tagata agatonu se mumuniaga i lona mate.

Esaia 65:20

E leaise toe maua loa i ai se toe pe ko se matua Ala e leaise kaku ki le katoa o latou aso ; Talie ko leia e mate loa i lona fetuu kau lelau e tupulaga loa, Ti ko le tagata agasala leia e fetuu kau lelau e malaia loa.

Mateo 23:39

talie, e kau pati atu kia koutou, e leaise kotou toe tio loa kiate au, o kaku ki lakotou pati : Tapusa leia e au i le suafa o le Aliki !

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Mateo 25:46

Ti e ano loa latou anei ki le tautea lee gato, kae e ano loa le kau agatonu ki le mauli lee gato.

Soane 12:33

I lana masau lena, na fakasa e ia le mate leia e tonu ke mate ai.

Soane 12:35

Na pati loa Sesu kia latou : Koi nofo fua le malama i se ga temi ikiiki ia koutou. Kotou saele koi kotou maua le malama, talie ke aua na maua koutou e le fakapouli : ko leia e saele i le fakapouli e leaise iloa e ia pe ano a ia kifea.

Soane 13:33

Ei aku fanau liliki, ko se ga temi ikiiki fai koi kau nofo ai mo koutou. E kotou afa loa au ; ti e faipe laku pati ki le kau Sutea : E leaise mafai ke kotou au ki le ganea leia e kau ano ki ai, e kau toe fakasa atu foki a ia kia koutou i le lakaga nei.

Soane 7:34

E kotou afa loa au, ti e leaise kotou maua loa au, ti e leaise feala ke kotou au ki le ganea leia e kau nofo ai loa.

Soane 7:36

Kolea le uiga o le folafola lena na fakasa e ia : E kotou afa loa au ti e leaise kotou maua loa au, ti e leaise feala ke kotou au ki le ganea leia e kau nofo ai loa.

Soane 8:24

Koia leia e kau pati atu ai kia koutou e kotou mamate loa i akoutou agasala ; talie kapau e leaise kotou tui pe ko ai au, ti e kotou mamate loa i akoutou agasala.

Efeso 2:1

Na kotou mamate i akoutou patigataa mo akoutou agasala,