Soane 8:11 - Tosi Tapu

¹¹ Na tali loa a ia : Leai, Aliki. Ti na pati loa Sesu kiate ia : E leaise kau fakatuaa foki a koe, ano ti aua na ke toe agasala loa.

Soane 8:11 Iomraidhean Croise

Sopo 34:31

Talie ko ai le tagata leia kua pati ki le Atua i se aso : Kua oki loku tautea, e leaise kau toe agasala loa ;

Taagapati 28:13

Ko leia e fufu ia ana agasala e leaise manuia, Kae ko leia e fakasa ia latou ti e tiaki ia latou e maua ia le manava alofa.

Esaia 55:6

Kotou afa le Eteleno koi maua a ia ; Kotou fetapa kiate ia koi nofo a ia i okoutou tafa.

Luka 13:3

E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa.

Luka 13:5

E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa ofaipe latou ana.

Luka 15:10

Koia e kau pati atu ai kia koutou : e i ai se fiafia i mua o le kau aselo o le Atua i se tagata agasala e toka tasi leia e fakasemala.

Luka 15:32

kae na tonu mua ke tou kai mo fakafiafia, talie ko lou taina leinei na mate kae kua toe mauli a ia, ti na puli kae kua toe maua a ia.

Luka 15:7

Koia e kau pati atu ai kia koutou, e ia loa se fiafia lasi ake i le lagi i se tagata agasala e toka tasi leia e fakasemala, i ni tagata agatonu e tino iva tupu iva ala e leaise aoga ki ai le fakasemala.

Luka 5:32

Na leaise kau au o kalagai ki le fakasemala ni tagata agatonu, kae ni tagata agasala.

Luka 9:56

Talie na leaise au le Vosa o le tagata ke fakapuli a mauli o tagata, kae ke fakamauli latou. Ti na lotou ano loa ki se tasi ake kolo.

Soane 18:36

Na tali loa Sesu : E leaise kau loku puleaga i le malama nei. Kana kau loku puleaga i le malama nei, e tau loa aku tagata fakasausau kiate au o tupu ke aua na tuku au ki le kau Sutea ; kae i le lakaga nei e leaise kau loku puleaga i lalo nei.

Soane 3:17

Talie na leaise kakau mai e le Atua lona Alo ki le malama nei ke fakamaaui e ia le malama nei, kae ke mauli le malama nei iate ia.

Soane 5:14

Talu mei ai, na toe maua loa a ia e Sesu i le fale tapu, ti na pati loa a ia kiate ia : Ko leinei kua ke mauli ; aua na ke toe agasala, talie na soko loa kiate koe se nea leia e toe veli oki ake.

Soane 8:15

E kotou fakamaaui o mulimuli ki le kanofi, ko au, e leaise kau fakamaaui fua se tasi.

Loma 2:4

Pe ke fakanoai loa a koloa o lona agamalie, mo lona kataki fualoa ti mo lona manavaalofa faifualoa, o leaise ke iloa e ekenaki a koe e le agamalie o le Atua ki le fakasemala ?

Uluaki tosi ki le kau Kolinto 5:12

Talie kolea e kau fakamaaui ai loa latou mei tafa ? Pe leaise ko latou ala i loto e tonu ke kotou fakamaaui ?

Tetelonome 16:18

I kolo fuli ala e soli atu loa kiate koe e le Eteleno, lou Atua, e ke fakanofo loa ni tui fakamaau mo ni ofisa ke fakamaau ia le kakai i le faitotonu.

Tetelonome 17:9

E ke ano loa ki le kau Levi faisakilifisio mo le tui fakamaau leia e gaoi loa i le temi lena. E ke tuku loa kia latou lau nea, ti e lotou fakasa loa kiate koe le tonu leia ke tuku loa e le fakamaau.

Lua tosi a Petelo 3:15

Kotou tui ko le kataki fualoa o lotatou Aliki ko lokoutou fakamauli a ia ofaipe lona tosi atu foki kia koutou e lotatou taina alofaina ko Paulo, o mulimuli ki le poto leia kua tuku kiate ia.