Soane 7:3 - Tosi Tapu

³ Ti na pati loa ona fetaina kiate ia : Mavae i leinei, o ano ki Sutea, o tupu ke tio foki au tisipulo ki gaoi ala e ke fai.

Soane 7:3 Iomraidhean Croise

Senesi 37:20

Kotou au i le temi nei, tou tamate a ia, ti tou ti loa a ia ki se sosoni i sosoni anei. E tou pati loa kua kai a ia e se manu fekai, ti e tou tio loa pe iku feaki loa ana moe miti.

Selemia 12:6

Talie e kakai a koe e ou fetaina totonu ti mo le fale o lou tamana ; E lotou kalaga mo makape i ou muli. Aua na ke tui kia latou, mo ka lotou fai atu kiate koe ni masau malilie.

Mateo 12:46

Na lolotoga masau Sesu ki le kakai, ko leinei, na tutuu loa i fafo lona tinana mo ona fetaina, o faiga ke masau kiate ia.

Maleko 3:21

I le logo a matua o Sesu ki le nea kua soko, na lotou ano loa ko lona too ; talie na lotou pati : Kua valea a ia.

Maleko 3:31

Ti na kaku ake loa lona tinana mo ona fetaina, o tutuu i fafo, kae lotou kakau loa se tasi ke ano o fakasa kiate ia.

Luka 8:19

Na au loa kiate ia lona tinana mo ona fetaina ; kae na leaise mafai ke lotou masau kiate ia o tupu ko le kakai.

Luka 8:20

Na pati loa se tasi kiate ia : Ko lou tinana mo ou fetaina e tutuu i fafo, ti e lotou fia felavei mo koe.

Soane 2:2

ti na fakaafe foki Sesu mo ana tisipulo ki le faiavaga.

Soane 6:60

I le logo ki ai a le toka api o lana kau tisipulo, na lotou pati loa : E faigataa ai le folafola leinei : Ko ai e feala ke logo ki ai ?

Soane 6:66

Talu mei ai na mavae loa se toka api o lana kau tisipulo, ti na leaise lotou toe ano loa mo ia.

Soane 7:10

I le kua pale loa ona fetaina ki le aso lasi, na pale foki mo ia ki ai, o leaise fakasasa, kae fakapulipuli.

Soane 7:4

E leaise gaoi fakafufu se tasi, mo ka e loto a ia ke sa : Kapau e ke fai a nea ana, fakasa a koe totonu ki le malama nei.

Soane 7:5

Talie na leaise tui foki ona fetaina kiate ia.

Gaoi 2:14

Ti na tuu loa Petelo ki aluga mo le tino agafulu tupu tasi, o masau leo lasi, o pati : Tagata Sutea, ti mo koutou fuli ala e nonofo i Selusalemi i aso anei, ke kotou iloa le nea leinei ti ke kotou fakalogo mai ki aku masau !

Uluaki tosi a Samuele 17:28

Na logo loa Eliape, lona taokete, ki masau a Tavite ki tagata ana, ti na itaita ai a ia kia Tavite. Ti na pati loa a ia : Kolea na ke ifo mai ai, ti na ke tuku kiate ai le ga kau manu i le toafa ? E kau iloa lou fia nealasi mo le veli ai o lou loto. Talie ko lou fia tio fai leia ki le tau kua ke ifo mai ai ki leinei.