Soane 6:51 - Tosi Tapu

⁵¹ Ko au ko le pane mauli leia na ifo mei le lagi. Kapau e kai se tasi ki le pane lena, e mauli loa a ia o lee gato ; ti ko le pane leia e kau soli loa, ko loku tino, leia e kau soli loa ki le mauli o le malama nei.

Soane 6:51 Iomraidhean Croise

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Luka 22:19

Na too foki e ia se pane, o fakafetai, mo tofitofi a ia, mo soli a ia kia latou, o pati : Ko le nea leinei ko loku tino, leia e soli o tupu ko koutou ; kotou fai le nea leinei o fakamanatu kiate au.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Soane 11:26

ti ko leia e mauli mo tui kiate au e leaise toe mate loa a ia. Pe ke tui ki ai ?

Soane 3:13

E leikiaise pale se tagata ki le lagi, kae gato fuai ki leia na ifo mei le lagi, le Vosa o le tagata leia e nofo i le lagi.

Soane 3:14

Ti ofaipe Moisese na fakatuu ia le gata i le toafa, e tonu foki ke fakatuu le Vosa o le tagata ki aluga,

Soane 3:16

Talie na alofa lasi ai le Atua ki le malama nei, na soli e ia lona Alo fuatasi, o tupu ko se tasi fua e tui kiate ia ke aua na mate, kae ke maua e ia le mauli lee gato.

Soane 3:36

Ko leia e tui ki le Alo e maua e ia le mauli lee gato ; ko leia e leaise tui ki le Alo e leaise toe tio loa a ia ki le mauli, kae e nofo loa le sausau o le Atua iate ia.

Soane 5:24

E maoki, e maoki, e kau pati atu kia koutou, ko leia e fakalogo ki laku folafola, ti mo tui ki leia na kakau ia mai au, e maua e ia le mauli lee gato ti e leaise toe au a ia ki le fakamaau, kae kua fakalaka a ia mei le mate ki le mauli.

Soane 6:33

talie ko le pane o le Atua ko leia e ifo mei lagi o soli le mauli ki le malama nei.

Soane 6:35

Na pati loa Sesu kia latou : Ko au ko le pane o le mauli. Ko leia e au kiate au e leaise toe fia kai loa a ia, ti ko leia e tui kiate au e leaise toe fia inu loa a ia.

Soane 6:41

Na femumusuaki loa le kau Sutea kiate ia, talie na pati a ia : Ko au ko le pane leia na ifo mei le lagi.

Soane 6:47

E maoki, e maoki, e kau pati atu kia koutou, ko leia e tui kiate au e maua e ia le mauli lee gato.

Soane 6:48

Ko au ko le pane o le mauli.

Soane 6:50

Ko leinei le pane leia e ifo mei le lagi, o tupu ko leia e kai ki ai ke aua na mate a ia.

Soane 7:38

Ko leia e tui kiate au e tafe loa mei lona loto ni vaitafe o le vai mauli, ofaipe lona tosi.

Lua tosi ki le kau Kolinto 5:19

Talie na nofo le Atua ia Kilisito, o fakatokatoka ia le malama nei mo ia totonu, o leaise lau ki tagata alatou agasala ; ti kua tuku e ia kia maua le folafola o le fakatokatoka.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Efeso 5:2

ti kotou saele i le alofa, o faifaitaki kia Kilisito, leia na alofa kia tatou, ti na soli a ia totonu ki le Atua o tupu ko tatou, ofaipe se moliga mo se sakilifisio manogi ki le Atua.

Efeso 5:25

Tagata avaga, kotou tasi alofa ki lona avaga, ofaipe Kilisito leia na alofa ki le Ekelesia, o soli a ia totonu o tupu ko ia,

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 10:20

i le ala foou mo mauli leia kua fakamavaa e ia kia tatou i le kie puipui, leia ko lona tino,

Uluaki tosi a Petelo 2:4

Kotou fakafeofi kiate ia, ko le fatu mauli, leia kua tiaki maoki e tagata, kae kua filifili e le Atua, ti e mauiga kiate ia ;

Uluaki tosi a Soane 2:2

Ko ia totonu ko le vikitima fakamolemole o atatou agasala, ti e leaise gato fua ki atatou agasala, kae ki agasala foki a le malama nei katoa.

Uluaki tosi a Soane 4:10

Ti ko leinei le alofa lena : e leaise ko tatou ala na alofa ki le Atua, kae ko le Atua leia na alofa kia tatou ti na kakau ia mai lona Alo ofaipe se vikitima ke totogi ai atou agasala.

Uluaki tosi a Soane 4:14

Ti ko matou, na motou tio, ti e motou fakamaoki na kakau e le Tamana lona Alo ko le Fakamauli ki le malama nei.