Soane 6:44 - Tosi Tapu

⁴⁴ E leaise feala ke au se tasi kiate au, mo kapau e leaise fakalalata mai a ia e loku Tamana leia na kakau ia mai au ; ti e kau toe fakatuuake loa a ia i le aso fakamuli.

Soane 6:44 Iomraidhean Croise

Katiko o Katiko 1:4

Toso atu au kiate koe ! Ta makape ! Ko loku sau a koe, ave au ki lou kogafale, E ta fiafia loa toka lua, e ta nekenekea loa iate koe ; E ta sua loa lou alofa leia e malie ake i le vino. E tonu ai le mamana o taineliki kiate koe.

Selemia 13:23

Pe feala ke fetogi e se tagata Etiopia lona kili, Ti mo se leopale ona pulepule ? E tatau foki mo koutou, pe feala ke kotou fai le malie, Koutou ala kua masani i le fai o le veli ?

Selemia 31:3

Mei mamao na sa mai le Eteleno kiate au, o pati : E kau alofa kiate koe i se alofa lee gato ; Koia e kau taupau ai kiate koe loku agamalie.

Oseo 11:4

Na kau takitaki fakaeteete latou, ki ni maea o le alofa. Na kau fai kia latou pe se tamana leia e luluku ia lona toe o fakapipiki ki lona kalaafau. Ti na kau tonatona i ona tafa o fagai a ia.

Mateo 12:34

Lanu o gata velo, e feaki le mafai ke kotou pati ki ni nea malilie, koutou ala ko nea agaveveli ? Talie e masau le gutu mei le mau o le loto.

Mateo 16:17

Ti na folafola loa Sesu, o pati kiate ia : E ke manuia Simone, vosa o Sonasi ; talie e leaise ko le kanofi mo le toto ala na fakasa ia atu kiate koe le nea lena, kae ko loku Tamana leia e nofo i le atu lagi.

Soane 12:32

Ti ko au, ka siki ake loa au ki aluga mei le kele, e kau fakatatae mai loa kiate au a tagata fuli.

Soane 5:44

E feaki le mafai ke kotou tui, koutou ala e afa ia lokoutou kololia ia koutou, kae e leaise kotou afa le kololia leia e au mei le Atua toka tasi ?

Soane 6:43

Na tali loa Sesu kia latou : Aua na kotou femumusuaki ia koutou.

Soane 6:45

E tuu i le tosi a le kau polofeta : E ako loa latou fuli e le Atua. Koia ko leia e logo ki le Tamana, ti e tali ia lana akonaki, e au kiate au.

Soane 6:65

Ti na toe pati loa a ia : Ko le tupuaga lena o laku pati atu kia koutou e leaise feala ke au se tasi kiate au mo kapau e leaise soli le nea lena kiate ia e le Tamana.

Soane 8:43

Kolea e leaise kotou matala ai ki laku masau ? Talie e leaise mafai ke kotou fakalogo ki laku folafola.

Filipe 1:29

ti e au le nea lena mei le Atua, talie kua tuku atu kia koutou le kalasia, o tupu ko Kilisito, ke aua na gato fua i lakotou tui kiate ia, kae ke kotou toe mamae foki o tupu ko ia,

Kolose 2:12

Ti kua tanu fakatasi koutou mo ia i le papitema, ti kua kotou toe tuuake foki iate ia ti mo ia, i le tui ki le mafimafi o le Atua, leia na toe fakatuuake ia a ia mei le kau mate.