Soane 6:14 - Tosi Tapu

¹⁴ I le tio a le kakai lena ki le milakulo leia na fai e Sesu, na lotou pati loa : Ko ia leinei ko le polofeta maoki leia e tonu ke au ki le malama nei.

Soane 6:14 Iomraidhean Croise

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Mateo 11:3

Pe ko koe leia e tonu ke au, pe tonu ke motou talitali ki se tasi ake ?

Mateo 21:11

Na tali loa le kakai : Ko Sesu, le polofeta, mei Nasaleti i Kalilea.

Luka 24:19

Ti na la tali loa kiate ia : Le nea leia na soko kia Sesu mei Nasaleti, leia ko se polofeta makeke i gaoi mo masau i mua o le Atua ti mo mua o le kakai katoa,

Luka 7:16

Na maua loa e le kakai katoa se i, ti na lotou fakakololia loa ki le Atua, o pati : Kua sa se polofeta lasi ia tatou, ti kua fakatele le Atua ki lona kakai.

Soane 1:21

Ti na lotou vesili loa kiate ia : Kolea koia ? pe ko Elia a koe ? Ti na pati loa a ia : E leaise ko Elia au. Pe ko le polofeta a koe ? Ti na tali loa a ia : Leai.

Soane 11:27

Na pati loa a ia kiate ia : Io, Aliki, e kau tui ko le Kilisito a koe, ko le Alo o le Atua, leia na tonu ke au ki le malama nei.

Soane 2:11

Ko le uluaki milakulo loa a ia, leia na fai loa e Sesu i Kana i Kalilea. Na fakasa loa e ia lona kololia, ti na tui loa ana tisipulo kiate ia.

Soane 4:19

Na pati loa le fafine kiate ia : Aliki, e kau tio ko le polofeta a koe.

Soane 4:25

Na pati loa le fafine kiate ia : E kau iloa e tonu ke au le Mesia leia e igoa ko le Kilisito ; ka au loa a ia, e fakasa mai loa e ia kia matou a nea fuli.

Soane 4:42

ti na lotou pati loa ki le fafine : E leaise motou tui o tupu ko nea ala na ke pati ki ai ; talie kua motou logo tonu kiate ia, ti kua motou iloa ko le fakamauli maoki a ia o le malama nei.

Soane 6:2

Na muli loa se kakai toka api iate ia, talie na tio a ia ki milakulo ala na fai e ia ki le kau masaki.

Soane 6:26

Na tali loa Sesu kia latou : E maoki, e maoki, e kau pati atu kia koutou, e kotou afa au, o leaise tupu ko lakotou tio ki ni milakulo, kae o tupu ko lakotou kai ni pane o makokona.

Soane 6:30

Na lotou pati loa kiate ia : Kolea le milakulo e ke fai loa ke motou tio ki ai, ti ke motou tui ai kiate koe ? Kolea e ke fai loa ?

Soane 7:40

I le logo a le kakai toka api ki le folafola aia, na lotou pati loa : Ko ia leinei ko le polofeta maoki.

Gaoi 7:37

Ko le Moisese lena, leia na pati loa ki vosa o Iselaele : E fakatuu ake loa kia koutou e le Atua i okoutou fetaina se polofeta ofaipe au.