Soane 5:25 - Tosi Tapu

²⁵ E maoki, e maoki, e kau pati atu kia koutou, e au le ola, ti kua soko foki a ia, e logo ai loa le kau mate ki le leo o le Alo o le Atua ; ti ko latou ala e logo loa ki ai e mauli loa.

Soane 5:25 Iomraidhean Croise

Luka 15:24

talie ko loku vosa leinei na mate, ti kua toe mauli a ia ; na puli a ia, ti kua toe maua a ia. Ti na lotou kamata fakafiafia loa.

Luka 15:32

kae na tonu mua ke tou kai mo fakafiafia, talie ko lou taina leinei na mate kae kua toe mauli a ia, ti na puli kae kua toe maua a ia.

Luka 9:60

Kae na pati loa Sesu kiate ia : Tuku le kau mate ke tanu ia olatou mate ; kae ko koe, ano o fakasa le puleaga o le Atua.

Soane 13:1

I mua o le Pasikate, i le iloa e Sesu kua soko lona ola ke mavae i le malama nei ki le Tamana, na alofa loa a ia kia latou ala na nonofo i le malama nei, ti na fakakatoa loa e ia lona alofa kia latou o kaku ki le gatoaga.

Soane 17:1

I le oki o lana masau a ia, na siki loa e Sesu ona mata ki le lagi, o pati : Tamana, kua soko le ola ! Fakakololia lou Alo, o tupu ke fakakololia a koe e lou Alo,

Soane 4:21

Na pati loa Sesu kiate ia : Fafine, tui mai kiate au, kua soko mai le ola leia e leaise kotou toe atolasio ai loa ki le Tamana i le mauga leinei, pe ko Selusalemi.

Soane 4:23

Kae e au le ola, ti kua soko foki a ia, leia e atolasio ai loa le kau atolasio maoki ki le Tamana i le laumalie mo le maoki ; talie ko lena le kau atolasio leia e afa e le Tamana.

Soane 5:21

Talie ofaipe le tamana e fakatuuake ia le kau mate ti e soli ia kia latou le mauli, e toe soli foki e le Alo le mauli ki leia e loto a ia ki ai.

Soane 5:28

Aua na kotou punamauli ki le nea lena ; talie e au le ola leia e logo ai loa latou fuli ala e nonofo i tanuma ki lona leo, ti e lotou ulu loa ki tafa.

Soane 6:60

I le logo ki ai a le toka api o lana kau tisipulo, na lotou pati loa : E faigataa ai le folafola leinei : Ko ai e feala ke logo ki ai ?

Soane 8:43

Kolea e leaise kotou matala ai ki laku masau ? Talie e leaise mafai ke kotou fakalogo ki laku folafola.

Soane 8:47

Ko leia e tupu mei le Atua e fakalogo a ia ki folafola a le Atua ; e leaise kotou fakalogo, talie e leaise kotou tupu mei le Atua.

Soane 9:27

Na tali loa a ia kia latou : Kua oki i laku fakasa atu kia koutou, ti na leaise kotou fakalogo ; kolea e kotou toe fia logo ai ki ai ? Pe kotou loto ke kotou liliu foki ko ana tisipulo ?

Loma 6:4

Koia i le papitema kua tou tanu fakatasi mo ia i lona mate, o tupu, i le toe tuuake o Kilisito mei le kau mate i le kololia o le Tamana, ke tou saele, mo tatou foki, i se mauli foou.

Efeso 2:1

Na kotou mamate i akoutou patigataa mo akoutou agasala,

Efeso 2:5

tatou ala na mamate i atatou patigataa, kua fakamauli e ia tatou fakatasi mo Kilisito (kua kotou mauli i le kalasia) ;

Efeso 5:14

Koia e pati ai : Ke ke alaala, a koe leia e moe, Ke ke tuu mei le kau mate, Ti e fakamalama loa a koe e Kilisito.

Kolose 2:13

Ko koutou, ala na mamate i akoutou agasala ti mo le lee silikosisio o lokoutou kanofi, kua fakamauli fakatasi e ia koutou mo ia, i lana fakamolemole atatou agasala fuli ;

Apokalipisi 3:1

Tosi ki le aselo o le Ekelesia o Salete : Ko leinei le nea leia e pati ki ai leia e nofo mo Laumalie e fitu o le Atua ti mo fetuu e fitu : E kau iloa au gaoi. E kau iloa e ke maua le igoa e ke mauli, kae e ke mate.