Soane 5:21 - Tosi Tapu

²¹ Talie ofaipe le tamana e fakatuuake ia le kau mate ti e soli ia kia latou le mauli, e toe soli foki e le Alo le mauli ki leia e loto a ia ki ai.

Soane 5:21 Iomraidhean Croise

Uluaki tosi o Sau 17:21

Ti na moe fakapulou loa Elia o tua tolu ki le toe, ti na tagi loa a ia ki le Eteleno, o pati : Eteleno, loku Atua, e kau kole atu kiate koe, ke toe liliu mai le laumalie o le fanau leinei kiate ia !

Lua tosi o Sau 5:7

I le oki o lana lau le tosi, na sae loa e le sau o Iselaele ona kofu, o pati : Pe ko le Atua au, ke kau fakamate ia pe ke kau fakamauli ia, ke tupu ai lana pati mai kiate au ke kau fakamauli se tagata mei lona kilia ? Ke kotou iloa ti ke kotou matala e afa e ia se nea ke tupu ai se tokaveli ia maua.

Soane 11:25

Na pati loa Sesu kiate ia : Ko au ko le toe tuuake mo le mauli. Ko leia e tui kiate au e mauli loa a ia, tatau aifai pe mate a ia ;

Soane 17:2

Talie kua ke tuku kiate ia le pule ki tagata fuli, o tupu ke soli e ia le mauli lee gato kia latou fuli ala kua ke soli ki ai.

Soane 6:63

Ko le Laumalie leia e fakamauli ia. E leai sona aoga o le tino. Ko folafola ala na kau fakasa atu kia koutou e Laumalie ti e mauli.

Gaoi 26:8

Kolea ! Pe leaise feala ke tui e toe fakatuuake e le Atua le kau mate ?

Loma 8:11

Ti kapau e nofo ia koutou le Laumalie o leia na toe fakatuuake ia a Sesu mei le kau mate, ko leia na fakatuuake ia a Sesu-Kilisito mei le kau mate, e toe soli ia loa le mauli ki okoutou tino mamate i lona Laumalie leia e nofo ia koutou.

Uluaki tosi ki le kau Kolinto 15:45

Koia e tuu ai i le tosi : Ko le uluaki tagata, ko Atama, na liliu a ia ko se laumalie mauli. Ko le Atama fakamuli, ko Sesu, kua liliu a ia ko se Laumalie fakamauli.

Tetelonome 32:39

Koia ke kotou iloa ko au leia e Atua, Ti e leaise tasi ake Atua i oku tafa. Ko au leia e fakamauli ia ti e fakamate ia. Ko au leia e fai ia le lavea ti e faitoo ia a ia, Ti e leaise tasi leia e saofaki ia mei oku lima.