Soane 5:20 - Tosi Tapu

²⁰ Talie e alofa le Tamana ki le Alo, o fakasa e ia kiate ia a nea fuli ala e fai e ia ; ti e fakasa loa e ia kiate ia ni gaoi lalasi ake i gaoi anei, o tupu ke kotou ofolele ai.

Soane 5:20 Iomraidhean Croise

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !

Mateo 3:17

Ti ko leinei, na kalaga loa se leo mei le lagi, o fakasa a masau anei : Ko ia leinei ko loku Alo alofaina, leia kua kau tuku ki ai loku alofa katoa.

Mateo 4:8

Na toe ave loa a ia e le Tiapolo ki se mauga taualuga ai, ti na fakasa loa e le Tiapolo kiate ia a puleaga fuli o le malama nei mo olatou kololia,

Luka 10:22

Kua tuku mai kiate au a nea fuli e loku Tamana. E leaise iloa e se tasi pe ko ai le Alo, ko le tamana toka tasi fai ; ti e leaise iloa e se tasi pe ko ai le Tamana, ko le Alo toka tasi fai ti mo leia e loto le Alo ke fakasa a ia ki ai.

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Soane 10:32

Na pati loa Sesu kia latou : Kua lasi a gaoi malilie kua kau fakatio koutou ki ai mei loku Tamana : ko le gaoi fea leia e kotou tuki fatui ai au ?

Soane 14:12

E maoki, e maoki, e kau pati atu kia koutou, ko leia e tui kiate au, e fai foki e ia a gaoi ala e kau fai, ti e toe fai loa e ia ni gaoi lalasi ake, talie e kau ano ki le Tamana ;

Soane 15:15

E leaise kau toe fakaigoa koutou ko tagata fakasausau, talie e leaise iloa e le tagata fakasausau le nea leia e fai e lona pule ; kae kua kau fakaigoa koutou ko kaukaunea, talie kua kau fakasa kia koutou a nea fuli ala kua kau ako mei loku Tamana.

Soane 17:26

Ti na kau fakasa kia latou lou suafa, ti e kau toe fakasa loa a ia kia latou, o tupu ke nofo ia latou le alofa leia kua ke alofa ai kiate au, ti ke kau nofo ia latou.

Soane 3:35

E alofa le Tamana ki le Alo, ti kua tuku e ia a nea fuli ki ona lima.

Soane 5:21

Talie ofaipe le tamana e fakatuuake ia le kau mate ti e soli ia kia latou le mauli, e toe soli foki e le Alo le mauli ki leia e loto a ia ki ai.

Soane 5:25

E maoki, e maoki, e kau pati atu kia koutou, e au le ola, ti kua soko foki a ia, e logo ai loa le kau mate ki le leo o le Alo o le Atua ; ti ko latou ala e logo loa ki ai e mauli loa.

Soane 5:29

Ko latou ala na fai ia loa le malie e toe tuuake loa ki le mauli, kae ko latou ala na fai ia le veli e toe tuuake loa ki le fakamaau.

Lua tosi a Petelo 1:17

Talie na maua e ia le fakamauiga mo le kololia mei le Atua ko le Tamana, i le lakaga leia na fakasa ai e lona kololia kiate ia se leo leia na pati : Ko loku Alo alofaina leinei, leia kua kau tuku ki ai loku alofa katoa.