Soane 5:2 - Tosi Tapu

² Ti na i ai i Selusalemi, o ofi ki le matapa o ovi, se maanuaga na igoa i le fakaepeleo ko Peteseta, ti na kogafale lima.

Soane 5:2 Iomraidhean Croise

Neemia 12:39

ti na motou soko atu loa i aluga o le matapa o Efalaimi, mo le matapa afea, mo le matapa o ika, mo le tule o Ananeele, ti mo le tule o Mea, o kaku ki le matapa o ovi. Ti na motou tutuu loa i le matapa o le pilisoni.

Neemia 3:1

Na tuu ake loa Eliasipe, le tagata faisakilifisio lasi mo ona fetaina, a kau tagata faisakilifisio, ti na lotou fau loa le matapa o ovi. Na lotou fakatapui loa a ia ti na lotou fakapiki loa a kau matapa ; na lotou fakatapui a ia mei le fa tule o Mea o kaku ki le fa tule o Ananeele.

Neemia 3:32

Na gaoi loa le kau tufuga aulo mo le kau fai koloa i le vasa o le kogafale taualuga o le tuliki ti mo le matapa o ovi.

Esaia 22:11

E kotou fau loa se tanakiaga vai i le vasa o paa e lua Ke tanaki ai a vai o le fa tane afea. Kae e leaise kotou tagaki loa ki leia na fakataga ia a nea ana, E leaise kotou tio loa ki leia na teuteu ia a nea ana talu mei mamao.

Esaia 22:9

E kotou tio loa ki le lasi o pu ala na fai ki le kolo o Tavite, Ti e kotou taofi loa a vai o le fa tane lalo.

Soane 19:13

Ko Pilato, i lana logo ki kupu ana, na taki ake ia loa Sesu ki fafo ; ti na eke loa a ia ki le ekeaga o le tui fakamaau i le ganea leia na igoa ko le Pave, ti e i le fakaepeleo ko Kapata.

Soane 19:17

Na amo loa e Sesu lona koluse, o kaku ki le ganea o le ulupoko, leia na igoa i le fakaepeleo ko Kolokota.

Soane 19:20

Na lau loa e se kau Sutea toka api le tosi lena, talie na tuu le ganea leia na kulusifiko ai Sesu o ofi fua ki le kolo : Na tosi le nea a ia i le fakaepeleo, mo le fakakeleka, ti mo le fakalatina.

Soane 20:16

Na pati loa Sesu kiate ia : Malia ! Na maliu loa Malia, o pati kiate ia i le fakaepeleo : Rabbouni ! (Ko lona uiga, Pule).

Soane 5:3

Ti na momoe i lalo o kogafale ana se kau masaki toka api ai, mo ni kivi, mo ni sape, mo ni palalisia, o talitali ki le taposu o le vai ;

Soane 7:21

Na tali loa Sesu kia latou : Na kau fai se gaoi e tasi i le aso o le sapato, ti na kotou ofolele fuli i ai.

Gaoi 21:40

I le fakataga ake loa e le pule lasi kiate ia ke masau, na tuu loa Paulo i le kakega, o siki lona lima ki le kakai. Na fakalologo fuli loa le kakai, ti na masau loa Paulo i le fakaepeleo, o pati :

Apokalipisi 16:16

Ti na lotou fakatasii loa latou i le ganea leia e igoa i le fakaepeleo ko Alemaketone.

Apokalipisi 9:11

Ti na pule loa kia latou le aselo o le vanu, leia na igoa i le fakaepeleo ko Apatone, i le fakakeleka ko Apolione (maumau).